Génesis 23:6 - Bible in Tzotzil de Chenalhó with Deuterocanon

⁶ —Avocoluc, banquilal, a'yo ava'ay li c'usi chacalbotcutique. Vo'ot ti li' oyot ta jtojolcutique, t'ujbilot yu'un li Diose. Xu' te chbat amuc avajnil ti bu toj lec li muquinaltic cu'uncutique. Mu'yuc boch'o junucal cu'uncutic xu' chasjalanbot li muquinaltique —xiic.

Bible in Tzotzil de Chamula

⁶ —A'yio ava'i, yojtot, ts'etano ani' achiquin, yu'un ta xquilcutic ta jba ta jsatcutique, t'ujbilot yu'un ti Diose. Jech o xal, avocoluc, muco ti avajnile ti bu t'ujom ti mucobbail cu'uncutique. Yu'un mu'yuc buch'u junucal cu'uncutic ta sjaltabot ti muquinale.

Génesis 23:6 Iomraidhean Croise

Génesis 13:2

Li Abrame toj ep sc'ulejal. Oy ep c'anal taq'uin, saquil taq'uin yu'un. Ep sts'unub yovol noxtoc.

Génesis 14:14

C'alal laj ya'ay Abram ti ichucat xa batel li sjunich'one, la stsob li smozotac te voq'uemic ta snae. La xchapan lec batel. Ti c'u yepal la sta sbaique, ja' oxib ciento xchi'uc vaxaclajuneb (318). Jech iloq'uic batel; bat snutsic li ajvaliletique ic'otic c'alal to ta lum Dan.

Génesis 18:12

Li Sarae te itse'in stuc. Jech la snop: “¿C'u x'elan xu' lec to chca'ay jech chc'ot ta pasel ti mol me'eluncutic xa xchi'uc li jmalale?”, xi.

Génesis 20:7

Ja' yu'un li' ta orae ac'bo sutel yajnil li vinique, yu'un li stuque ja' jun j'alc'op. Ja' ta sc'an vocol ta atojol, yu'un ac'o to cuxian. Pero me mu xasutesbe li yajnile, ta me xacham achi'uc scotol li boch'otic oy avu'une”, x'utat.

Génesis 21:22

Ja'tic van jech yorail ti c'alal ibat sc'opan Abraham li Abimeleque. Te xchi'inoj batel Ficol, ja' li banquilal soldado yu'une. Li Abimeleque jech laj yalbe li Abrahame: —Scotol li c'usi chapase chquilcutic ti ja' Dios chascoltaote.

Génesis 23:5

Li hetetique jech laj yalic:

Génesis 23:7

Li Abrahame iva'i. Te la snijan sba ta stojol li hetetique.

Génesis 24:18

—Uch'an, tata —xi itac'ov li tsebe. Ta ora la syales, la spet ta sc'ob li sq'uine, laj yac'be yuch' li vo'e.

Génesis 24:35

Li Muc'ul Diose yac'ojbe ep bendición li cajvale, xchi'uc yac'ojbe ep sc'ulejal. Ac'bil ep xchij, xvacax, c'anal taq'uin, saquil taq'uin, smozotac, squiaratac, scamellotac, xchi'uc sburotac.

Génesis 31:35

Li Raquele jech laj yalbe li stote: —Tati, mu me xa'ilin ti mu'yuc chitots li'i yu'un ja' to yorail chquil u —xi. Li Labane te xchajchun o ta st'unilanel li sloc'obaltac sdiose, pero mu'yuc la sta.

Génesis 32:18

jech xatac'be: ‘Esaú, ja' amoton yu'un li avits'in Jacobe. Li avits'ine le' xa xtal ta ts'acalpat cu'uncutique’, uto —xi li Jacobe.

Génesis 42:10

—¡Mo'oj, mu jechuc! Li vu'uncutique ja' no'ox tal jmancutic jtrigocutic li'i.

Génesis 44:5

Yu'un scotol ora ja' ta jtunes li jvasoe, xchi'uc ja' chtun cu'un sventa oy c'usi ta jt'un o. ¡Toj chopol ti jech laj apasique!’, uto c'otel —xi li Josee.

Génesis 44:8

Q'uelavil, tal jsutescutic li taq'uin tic'ajtic ta jcoxtal la jtacutique. Ac'o me ta Canaán banamil to nacaluncutic, pero persa tal jsutescutic. ¿C'u x'elan xu' ja' chquelc'anbecutic batel noxtoc li c'usitic pasbil ta c'anal taq'uin, ta saquil taq'uin yu'un li avajvale?

Éxodo 32:22

Itac'ov li Aarone: —Quits'in, mu xa'ilin ta jtojol. Li jchi'iltactique xana' ono'ox ti ja' tsc'an tspasic li c'usitic chopole.

Isaías 45:14

Li Muc'ul Diose jech chalbe li Israele: “Li j'abteletic ta Egiptoe, li jmanulajel jchonolajeletic ta Etiopiae, xchi'uc li sebaetic ti lec natil viniquetique ta xlic ochicuc ta ac'ob, ja' amozotac chc'otic. Xna'plajetic batel ta apat, chucajtic batel ta cadena avu'un; ta squejan sbaic ta atojol, chlic sc'anbicot vocol, jech chayalbicot: ‘Ta melel te oy ta atojol li Diose; ta melel mu'yuc yan dios jech chac c'u cha'al li Dios avu'une’, xiic ta atojol”, xi.

Rut 2:13

Itac'ov li Rute: —Toj lec avo'nton ta jtojol. Scotol li c'usi laj avalbune, lec chpat co'nton yu'un. Lec ac'anojun, ac'o me muc vu'cun aquiaraun —xi.