Génesis 23:4 - Bible in Tzotzil de Chenalhó with Deuterocanon

⁴ Jech c'ot yalbe: —Ac'o me yanlum vinicun ti li' nacalun ta atojolique, chonbicun jutebuc osil sventa te chbat jmuc li cajnile —xut.

Bible in Tzotzil de Chamula

⁴ —Ac'o mi jyanlumun li' oyun ta atojolique, chonbeicun jutebuc mucobbail yo' xu' ta jmuc ti cajnile.

Génesis 23:4 Iomraidhean Croise

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Génesis 23:5

Li hetetique jech laj yalic:

Génesis 3:19

Ep chachiq'uinaj c'alal chata ave'el. Ja' to chlaj avocol c'alal me lapas ta lum yan veltae. Yu'un ta lum ono'ox pasbilot, jech chac'ataj ta lum yan velta noxtoc —x'utat.

Génesis 47:9

Itac'ov li Jacobe: —Oy xa lajuneb svucvinic (130) jabil li' chixanov ta sba banamil. Mu'yuc to ep jabil jch'iel. Ti c'u xa yepal jabil jch'iele, oy ono'ox ep jvocol. Mu sta jech yepal jabil jch'iel jech chac c'u cha'al ich'iic li jtot jme'taque —xi.

Génesis 49:30

Ja' li nailch'en te ta Macpela ta stuq'uil Mamre ta Canaán banamil ti smanoj ono'ox comel li jmuc'ta moltotic Abrahame. Ja' ti te capal la sman xchi'uc li yosil Efrone yu'un ja' chtun o ta jmuquinaltic vu'utic li yalab xnich'nabutique.

Génesis 50:13

La xcuchic batel ta Canaán banamil. Te bat smuquic ta nailch'en ta yosilal te ta Macpela, ja' ti la sman ono'ox comel li Abrahame. Ja' la smanbe li Efrón heteo vinique. Yu'un ja' chtun ta sventa smuquinalic o xchi'uc yalab xnich'nab. Li banamil le'e xchi'uc li nailch'ene ja' te xcom ta stuq'uil sloq'ueb c'ac'al yu'un li Mamree.

1 Crónicas 29:15

Yu'un li vu'uncutique jxanubaluncutic no'ox; j'ech'el beuncutic no'ox ta atojol jech chac c'u cha'al li jtot jme'cutic ta vo'onee. Yu'un li jcuxlejalcutic li' ta sba banamile ja' no'ox jech chac c'u cha'al yaxinaltic ti mu xjalije.

Job 30:23

Jna'oj ti yu'un chac'an ac'o chamcun oe, ti chavac'un batel yo' bu chbatic scotol li boch'o cuxajtic toe.

Salmos 119:19

Yanlum no'ox c'otemun li' ta banamile; mu me xanac'bun ta jtojol li mantaletic avu'une.

Salmos 39:12

“Muc'ul Dios, tsacbun li jc'ope; a'ibun ti xi'oc'olet chajc'opanote. Mu me teuc no'ox aq'ueloj ti chloc' ya'lel jsate, yu'un li vu'une j'ech'el beun no'ox ta atojol; jxanubalun no'ox jech chac c'u cha'al ijelovic li jmoltot jyame'taque.

Éxodo 2:22

Li Seforae ivoc' jun yol. Gersón laj yac'be sbi li Moisese, yu'un jech laj yal: “Vu'un yanlum vinicun ti li' oyun tal ta yan banamile”, xi.

Eclesiastés 12:5

Xi'bal xa sba chquiltic li c'usi toyolique, xchi'uc xi'bal xa no'ox sba chca'itic ta bebetic. Ta xlic sacubuc joltic jech chac c'u cha'al xnich almendro. Jquiloj xa no'ox jbatic chijxanov jech chac c'u cha'al xc'ajben ti yayijeme; mu'yuc xa c'usi xchi chca'itic o. Yu'un li cristianoe ta xbat o ta yavil sbatel osil, te x'oc'oletic ta xoraltic li boch'otic oy boch'o chcham yu'unique.

Eclesiastés 12:7

Li pucuque ta sut batel ta banamil yan velta ti bu ono'ox ilic tale; li ch'ulelale ta sut batel ta stojol Dios, yu'un ja' ono'ox laj yac'.

Eclesiastés 6:3

Ac'o me ep jabil chcuxi li jun vinique, ac'o me chvoc' vo'vinic (100) xnich'nab, pero me muc sc'upin ya'ay scotol li c'usitic leque, xchi'uc me mu'yuc xmucat noxtoc c'alal chchame, chcal ti toj abul sbae. Ja' lec chil li olol ti chyal no'oxe.

Levítico 25:23

“Li banamile mu xu' chachonic o sbatel osil yu'un ja' cu'un. Li vo'oxuque j'ech'elbeoxuc no'ox; jch'om osiloxuc no'ox c'otemoxuc ta jtojol.

Hechos 7:16

Ts'acal to la xcuchbeic loq'uel tal li sbaquile, te ivul yu'unic ta Siquem. Ja' te bat smuquic ta muquinaltic ti smanoj ono'ox li Abrahame. Ja' ti la smanbe xnich'nab Amor te ta lum Siqueme.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Hebreos 11:9

Ta sventa xch'unojel yo'nton noxtoc li Abrahame, jech c'alal inaqui ta yosil bu i'ac'bate, carpana no'ox la snain jech chac c'u cha'al yanlum. Ja' jech inaqui xchi'uc li Isaac, li Jacob ti sc'oplal ja' co'ol chich'ic xchi'uc li c'usi albil ono'ox ch-ac'batique.

1 Pedro 2:11

Vo'oxuc ti lec jc'anojoxuque, ta jc'anboxuc vocol ta atojolic vo'oxuc ti ja' jechoxuc jech chac c'u cha'al yanlum, ti jxanubaletic no'oxe, ti jelovel no'ox chjelovic li' ta banamile. Mu me xach'unic li c'usi tsc'an abec'talique, yu'un scontra sbaic xchi'uc li c'usi tsc'an co'ntontique.