Génesis 22:9 - Bible in Tzotzil de Chenalhó with Deuterocanon

⁹ C'alal ic'otic yo' bu albil yu'un Diose, li Abrahame la spas jun scajleb smoton Dios. La slatsbe lec si'il. Ts'acal lic xchucbe yoc sc'ob li Isaaque; te la xmochan ta scajleb smoton Dios ta sba li si'e.

Bible in Tzotzil de Chamula

⁹ C'alal c'otic bu albilic yu'un ti Diose, jech ti Abrahame lic smeltsan jun altar. Laj yac'be si'il. Ts'acal to un, lic xchuc ti Isaac ti ja' xnich'one. Laj scajan ta ba si' oy ta altar.

Génesis 22:9 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 12:8

Li Abrame ibat ta jun vits te ta xocon Betel ta stuq'uil sloq'ueb c'ac'al. Te la spas scarpana. Ti bu la spas snae, ja' ta smaleb c'ac'al xcom li Betele. Li lum Haie ja' ta sloq'ueb c'ac'al xcom. Ja' te lic spas yan scajleb smoton Muc'ul Dios li Abrame yu'un laj yich' ta muc'.

Génesis 13:18

Ja' yu'un li Abrame la stitun batel li scarpanae. Bat nacluc ta toyolal tulantic yu'un jun vinic Mamre sbi, te ta nopol lum Hebrón. Te la spas jun scajleb smoton Muc'ul Dios, yu'un chich' ta muc'.

Génesis 22:10

C'alal stsacoj xa'ox xcuchilo ta smil li xnich'one,

Génesis 22:8

Itac'ov li Abrahame: —Dios chiyac'butic tana li chij sventa matanale, jnich'on —xut. Te to yochelic batel xanubal.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

1 Reyes 18:33

La slatsbe lec si'il; la smeltsan noxtoc li vacaxe. Te laj yac' ta sba li si'e.

Salmos 118:27

Li Muc'ul Diose ja' Dios stuc; laj xa yac'butic tal li xojobale. Liquesic xa li q'uine; ich'ic tal li xanetic c'alal to ta xulubtac scajleb smoton li Diose.

San Mateo 27:2

C'alal la xchuquique, laj yiq'uic batel ta stojol li ajvalil Pilatoe.

Marcos 15:1

C'alal isacube, la stsob sbaic scotol li j'abteletic ta ch'ulnae, ja' li banquilal paleetique, xchi'uc li jchapanvanejetique, xchi'uc li boch'otic lec xchanojic smantal Diose. Lec chucul laj yiq'uic batel li Jesuse, c'ot yaq'uic ta sc'ob li Pilatoe.

Hechos 8:32

Li sc'op Dios ta sq'uele jech chal: “Ta x'ic'at batel yu'un chbat yich' milel jech chac c'u cha'al jcot ch'ium chij. Ja' jech chc'ot jech chac c'u cha'al ch'ium chij ti ch'anxi c'alal ch'ich' loc'bel stsotsile. Ja' jech mu'yuc c'usi ta xal jbeluc.

Gálatas 3:13

Ja' yu'un i'ay li Cristoe, ay scoltautic ta sventa li stojol mulil ti sc'oplal chquich'tic ta sventa li mantaletique. Ja' la xcuch scotol li stojol mulil ti sc'oplal chquich'tique. Yu'un jech ts'ibabil ta sc'op Dios: “Li boch'o joc'ol ta te' chchame, ja' ac'bil stoj smul yu'un Dios”, xi ts'ibabil.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Hebreos 9:28

ja' no'ox jech ec li Cristoe, jun no'ox velta laj yac' sba ta milel, yu'un j'ech'el la xch'aybe o smul epal cristianoetic. Ts'acal to c'alal chtal xchibal veltae, mu xa ja'uc sventa chtal xch'ay mulil. Ja' xa no'ox chtal scolta li boch'otic smalaojic coltael yu'une.

Santiago 2:21

Li jmoltotic Abraham ta vo'onee, lec i'ilat yu'un Dios ta sventa li c'usi la spase; ja' ti ta ox xac' ta milbil matanal li xnich'one, ja' li Isaaque.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.