Génesis 22:6 - Bible in Tzotzil de Chenalhó with Deuterocanon

⁶ Li Abrahame la stsac li si' sventa chchic'beic o smoton Diose. Laj yac'be xq'uech batel li Isaaque. Te laj yich' batel noxtoc xcuchilo xchi'uc sc'oc', jech ibatic xchibalic.

Bible in Tzotzil de Chamula

⁶ Jech ti Abrahame laj stam batel ti si' sventa ta xich' chiq'uel o ti matanele. Laj yac'be batel xcuch ti Isaaque. Ja' jech xtoc laj yich' batel xcuchilu xchi'uc c'oc'. Bat xchibalic.

Génesis 22:6 Iomraidhean Croise

Génesis 22:5

Jech laj yalbe li smozotaque: —Li' xacomic xchi'uc li buroe. Yan li vu'un xchi'uc jquereme chijelovcutic batel yu'un chbat quich'cutic ta muc' li Diose. Ts'acal chisutcutic tal —xi.

2 Reyes 2:6

Li Eliase jech laj yal noxtoc: —Coman to li'i, yu'un li Muc'ul Diose chistacun batel ta Jordán —xut. Itac'ov li Eliseoe: —Chacalbot ta jamal ta stojol Muc'ul Dios xchi'uc ta atojol ec ti mu'yuc ta jvoc' jba ti bu chabate —xut. Jech te ibat xchibalic.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

San Mateo 8:17

Ja' ic'ot o c'usi laj yal li j'alc'op Isaías ta vo'onee. Jech laj yal: “Ja' la sts'ic scotol li c'ux jvocoltique; ja' la xcuch scotol li jchameltique”, xi ono'ox.

San Juan 19:17

Laj yac'beic xq'uech batel scruzal li Jesuse. Ibatic yo' bu Baquil Jolal sbie; ja' li Gólgota sbi ta hebreo c'ope.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.