Génesis 22:2 - Bible in Tzotzil de Chenalhó with Deuterocanon

² Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.

Bible in Tzotzil de Chamula

² Xi laj yal ti Diose: —Ic'o talel ti Isaac ti c'ajomal yo jun ti avuni quereme, ti mu tuch'baj ta avo'ntone. Batan ta yosilal Moria. C'alal mi tey xa oyot une, loc'uc ayanuc ta avo'nton ti ta xavac' ta chiq'uel ta matanal ta jol vits ti bu ta xcac'bot avile.

Génesis 22:2 Iomraidhean Croise

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 21:12

Pero jech i'albat yu'un li Diose: “Mu xavat avo'nton ta sventa li aquereme xchi'uc li aquiarae. Paso scotol c'usi chasc'anbot li Sarae. Yu'un ja' ta sventa Isaac ta jboles li amomnich'nabtaque.

Génesis 21:3

Li Abrahame la sa'be sbi li xnich'on ti ivoc' yu'un Sarae; Isaac laj yac'be sbi.

Génesis 22:12

Jech laj yal li j'almantale: —Mu me c'usi xapasbe li quereme, yu'un jna'oj ti chavich' ta muc' li Diose, yu'un muc xajalan ti c'ajumal jun anich'on oye —x'utat.

Génesis 22:16

Jech laj yalbe: —Li Muc'ul Diose jech chayalbot: ‘Ta sventa ti muc xajalanbun li jun anich'on ti c'ajumal oy avu'une, jech ta jva'an jba ta testigo jtuc

Génesis 22:3

Ta yoc'omal sob ilic li Abrahame, la scajtsanbe syavarta sburo. La sa' batel si' sventa xchic'ubil li matanale. Ibat xchi'uc li Isaaque, ja' li xnich'one, xchi'uc chib smozo. Te ibat yo' bu albil yu'un Diose.

Génesis 22:9

C'alal ic'otic yo' bu albil yu'un Diose, li Abrahame la spas jun scajleb smoton Dios. La slatsbe lec si'il. Ts'acal lic xchucbe yoc sc'ob li Isaaque; te la xmochan ta scajleb smoton Dios ta sba li si'e.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

2 Reyes 3:27

Jech te lic stsac li sba xnich'on ti ja' sc'oplal ch-och ta xq'uexole. La smil ta sventa smoton sdios; la xchic' te ta sba li coraltone. Ven tsots to i'ilinic ta stojol li israeletique, jech la sloq'uesic batel li scarpanaique; isutic batel ta yosilalic.

2 Crónicas 3:1

Li Salomone lic sjapu spasel li ch'ulna yu'un Muc'ul Dios te ta Jerusalén ta vits Moria ti bu ac'bil yil yu'un Dios li stote ja' li Davide. Ja' ti bu chapanbil xa ono'ox yu'un li David te ta yav smajubil strigo Ornán jebuseo vinique.

Miqueas 6:7

¿Me ja' lec chil Muc'ul Dios me chcac'be ep ta mil chijetique? ¿Me ja' lec chil ti chcac'be jech yepal aceite jech chac c'u cha'al yepal ya'lel lajunmil uc'umetique? ¿O me ja' lec chil ti ta jmilbe sba jnich'on ta sventa stojol jmul xchi'uc ta sventa jtoyobbaile?

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

Romanos 5:8

Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

Hebreos 11:17

Ta sventa xch'unojel yo'nton li Abrahame, jech c'alal iq'uelbat yo'nton yu'un Diose, laj yac'be smotonin li jun no'ox xnich'one, ja' li Isaaque, ac'o me albil ti ja' ta sventa Isaac sc'oplal chc'ot ta pasel li c'usi albile.

Jueces 11:31

ta jchic'bot amotonin li boch'o chloc' snupun ta be c'alal me lisut batel ta stsalel li amonetique”, xut.

Jueces 11:39

C'alal its'aqui li chib ue, isut tal ta stojol li stote. Jech li totile la spas o li c'usi yaloj ta stojol Muc'ul Diose. Li tsebe muc xmalij o; mu'yuc yiloj o vinic c'alal icham.