Génesis 22:16 - Bible in Tzotzil de Chenalhó with Deuterocanon

¹⁶ Jech laj yalbe: —Li Muc'ul Diose jech chayalbot: ‘Ta sventa ti muc xajalanbun li jun anich'on ti c'ajumal oy avu'une, jech ta jva'an jba ta testigo jtuc

Bible in Tzotzil de Chamula

¹⁶ Xi laj yale: —Ti Diose xi ta xale: “Ti jech laj apas ti mu'yuc xajaltabun ti c'ajomal yo jun ti aquereme, ta jva'an jba ta rextico jtuc.

Génesis 22:16 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 22:12

Jech laj yal li j'almantale: —Mu me c'usi xapasbe li quereme, yu'un jna'oj ti chavich' ta muc' li Diose, yu'un muc xajalan ti c'ajumal jun anich'on oye —x'utat.

Génesis 22:15

Li yaj'almantal Muc'ul Diose la sc'opan tal xchibal velta c'alal ta vinajel li Abrahame.

Génesis 22:2

Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 26:5

Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.

1 Crónicas 16:16

Ja' li c'usi la xchapan xchi'uc Abrahame; ja' li c'usi laj yal ta jamal stuc ta stojol Isaaque.

Salmos 105:9

ja' li c'usi xchapanoj ono'ox ta stojol li Abrahame, ti jamal yalojbe Isaac ti chc'ot ta pasele.

Éxodo 17:16

Jech laj yal: “Li Muc'ul Diose te stsacoj ta sc'ob li bandera yu'une. Te tspas pleito xchi'uc li Amaleque xchi'uc ti jayc'ol yalab xnich'nabique”, xi.

Éxodo 2:24

Li Diose laj ya'ay ti x'ayetic no'oxe, xchi'uc te it'ab ta yo'nton c'usi xchapanojic ono'ox xchi'uc li Abrahame, li Isaaque, xchi'uc li Jacobe.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Isaías 45:23

Ta jbi jtuc chcal ta jamal; ta que jtuc chcal ti jech chc'ot ta pasel chac li'i: mu'yuc boch'o xu' tsmac ta be; scotol cristianoetic chlic squejan sbaic ta jtojol; ta scotol jaychop c'opetic ta xlic yalbicun ta jamal jbi scotolic.

Jeremías 22:5

Pero me mu xach'unic li c'usi chacalboxuc li'i, jamal ta xcal ti chich' jinesel o li spasubmantal ajvalil li'i, xi li Muc'ul Diose’, uto”, xiyutun.

Jeremías 44:26

Judaetic, vo'oxuc ti te xa nacaloxuc ta Egiptoe, a'yo ava'yic c'usi chcal vu'un li Muc'ul Diosune: Oy c'usi jamal chcal ec ta sventa smuc'ul li jbie. Me junuc judaetic mu'yuc xa chiyalbicun o jbi te ta Egipto: Ich'biluc ta muc' Muc'ul Dios, ja' li Ajvalile, mu'yuc xa boch'o xi.

Jeremías 49:13

Vu'un li Muc'ul Diosune jamal chcal ta sventa jbi jtuc: Li lum Bosrae ta to xyavnaij; xco'laj xchi'uc xocol banamil chcom, mu'yuc stu chcom o, chopol sc'oplal chcom. Scotol li yantic lumetic yu'une j'ech'el chyavnaij o”, xi li Muc'ul Diose.

Jeremías 51:14

Li Muc'ul Dios ti tspas ta mantal scotol te ta vinajele, ta sventa sbi stuc jech chal: “Li avajcontrae noj ta xvul ta atojol jech chac c'u cha'al c'ulubetic; x'avlajetic no'ox ta atojol ti c'alal chvul scontrainicote”, xi.

Ezequiel 16:8

‘Ts'acal lijelov yan velta ta ats'el, la jq'uelot; laj quil ti ja' xa yorail chamalije. Te lic jlambot jnatil c'u', la jmacot lec. Te lic jam que ta atojol, lic jchaptic ti chacu'uninot o, vu'un li Muc'ul Diosune.

Amós 6:8

Li Muc'ul Dios, ja' li Cajvaltique, oy c'usi laj yal ta jamal ta sbi stuc. Li Muc'ul Dios ti tspas ta mantal scotol te ta vinajele, jech laj yal: “Chopol chquil li stoyobbail smomnich'nab Jacobe; chopol chquil li pasubmantaletic yu'une, ja' yu'un li lume ta xcac' ta sc'ob yajcontra xchi'uc scotol li c'usitic te oye”, xi.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

San Lucas 1:73

yu'un jamal ono'ox laj yalbe jmoltotic Abraham ta vo'one ti chiscoltautic,