Biblia Todo Logo
Bìoball air-loidhne

- Sanasan -




Génesis 22:12 - Bible in Tzotzil de Chenalhó with Deuterocanon

12 Jech laj yal li j'almantale: —Mu me c'usi xapasbe li quereme, yu'un jna'oj ti chavich' ta muc' li Diose, yu'un muc xajalan ti c'ajumal jun anich'on oye —x'utat.

Faic an caibideil Dèan lethbhreac

Bible in Tzotzil de Chamula

12 Ti ánjele xi laj yale: —Mu xayales ac'ob ta stojol ti quereme. Yu'un laj xa quil ti axi'taoj ti Diose. Yu'un mu'yuc laj ajalta ta yac'belun ti c'ajomal yo jun ti aquereme.

Faic an caibideil Dèan lethbhreac




Génesis 22:12
42 Iomraidhean Croise  

Itac'ov li Abrahame: —Yu'un la jnop ti mu'yuc boch'o yich'oj ta muc' Dios li' ta lume, jech xu' chismilicun ta scoj li cajnile.


Li Abrahame ijoyij, ja' to laj yil oy jcot chij te ts'otol xulub ta ch'ixtic. Jech te bat yic' tal; ja' la xchic' ta smoton Dios ta sventa xq'uexol li xnich'one.


Jech laj yalbe: —Li Muc'ul Diose jech chayalbot: ‘Ta sventa ti muc xajalanbun li jun anich'on ti c'ajumal oy avu'une, jech ta jva'an jba ta testigo jtuc


Li Diose jech laj yal: —Ic'o batel li Isaac ti c'ajumal jun anich'one, ti lec c'ux ta avo'ntone. Batan achi'uc ta yosilal Moria. C'alal te xa oyote, te xamilbun jmotonin ta jolvits ti bu ta xcac'bot avile —x'utat.


Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.


Ta yoxibal c'ac'al jech laj yalbe: —Li vu'une quich'oj ta muc' li Diose. Pasic jech chac li'i, jech mu xavich'ic milel:


Pero li yantic ajvaliletic ti ba'yuc ijelovique laj yac'beic ep svocol li jchi'iltactique, yu'un ta jujun c'ac'al la sc'anic cha'vinic (40) ta sep saquil taq'uin sventa sve'elic, xchi'uc ya'lel sts'usubic. Jech noxtoc li xchi'iltac ta abtele toj muc' la spas sbaic ta stojol li jchi'iltactique. Yan li vu'une mu'yuc jech la jpas, yu'un ja' quich'oj ta muc' li Diose.


Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.


Jech laj yalbe li cristianoetique: ‘A'yo ava'yic, me chavich'icun lec ta muq'ue, ja' abijilic chc'ot; me chacomtsanic li c'usi chopole ja' sjamubil aba asatic chc'ot’, xi.


Ta jujucoj avocole chascoltaot ono'ox; mu xac' stsacot o li c'usi chopole.


Yu'un li Muc'ul Diose te oy sat ta sbe xaneb li boch'otic lequique; yan li boch'otic chopolique ja' no'ox sventa ch'ayel li be stamojique.


Li sliqueb c'u x'elan xu' chijbijube ja' ti chquich'tic ta muc' li Muc'ul Diose; li boch'otic ja' tspasilanic o c'usi chal li smantaltac Muc'ul Diose yu'un lec bijic, lec sna'ic snopel. Ich'biluc o ta muc' sbatel osil li Diose.


Ja' lec chil li boch'o chich'ic ta muq'ue, ti ja' no'ox oy ta yo'nton tsmalaic li c'uxubinel yu'une.


Tunanic me yu'un li Muc'ul Diose, ich'ic me ta muc'; biq'uit me xavac' abaic ta stojol.


Li boch'o chich' ta muc' Muc'ul Diose, ja' tstojobtasat c'usi lec beal ac'o st'uj.


Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.


Itac'ov li Moisese: —Mu xaxi'ic. Ja' no'ox sventa tal sq'uelboxuc avo'ntonic li Diose xchi'uc c'u cha'al mu xch'ay ta avo'ntonic yich'el ta muc', jech mu xasa' amulic ta stojol —xi.


Li sliqueb c'u x'elan chijbijube ja' ti chquich'tic ta muc' li Muc'ul Diose; li boch'otic bolique ta sbajic li bijubtasel xchi'uc chanubtasele.


Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.


La spasic toyol scajleb matanaletic ta sventa sdiosic Baal; ja' te la xchic'beic smotonin li xnich'nabique. Ja' la spasic li c'usi mu jechuc calojbeic ti muc ta jmantaluc jech la spasique, me jutuc mu'yuc jnopoj me oy jech tspasic.


Oy c'usi ta jchapan ta stojolic ta sventa sbatel osil. Mu xlaj sc'oplal o ti lec c'usi ta jpas ta stojolique. Ta xcac'be jxi'elal o ta yo'ntonic yu'un jech ac'o yich'icun ta muc', jech mu svoc' o sbaic ta jtojol.


Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.


Li Jesuse jech laj yalbe: —Li boch'o tsc'an chists'aclinune tsc'an mu tsotsuc sc'oplal cha'ay sba stuc. Ac'o xq'uech scruz, ac'o sts'aclinun batel.


Li boch'otic tscomtsan snaic, me sbanquiltac, me yits'inabtac, me xvixubtac, me yixlaltac, me xi'meltac, me smucubtac, me stot, me sme', me xnich'nab, me yosil, ta scoj ti vu'un chiyich'un ta muq'ue, ta stabe ep xq'uexol. Xchi'uc ta xcuxiic sbatel osil noxtoc.


Ja' jech tsc'an xaxojobanic ta stojol cristianoetic li vo'oxuque, yu'un jech ac'o yilic ti toj lec avabtelique, jech chlic yich'ic ta muc' li Jtotic Dios te oy ta vinajele.


“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.


Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.


Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.


Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?


Li vo'oxuque mu'yuc to bu chtal ta atojolic tsots preva ti mu'yuc boch'o c'otem ta stojol jeche. Yu'un li Diose mu sna' sjel yo'nton o, jech mu xac' taluc ta atojolic tsots preva ti me mu xa sts'ic avu'unic chile. Jech noxtoc c'alal oyoxuc ta prevae, ja' chac' avilic c'u x'elan xu' chacolic loq'uel, yu'un jech chcuch avu'unic.


Yu'un me yutsil co'nton chcac'tic jech chac c'u cha'al yepal oy cu'untique, lec tsacbil chc'ot. Yu'un mu ja'uc chisc'anbutic li c'usi mu'yuc cu'untique.


Yu'un xch'unoj ti ech'em svu'el li Diose; xch'unoj ti xu' yu'un ta xcha'cuxes loq'uel ta stojol animaetique. Ta melel xco'laj xchi'uc icha'cuxesbat li xnich'one, jech ja' senyail c'op icom.


Ja' yu'un, vu'utic ti sc'oplal te ta jpastic mantal ti bu mu sna' xlaje, tsc'an ac'o jtojbetic ta vocol li Diose. Yutsiluc co'ntontic ac'o jpastic c'usi tsc'an, yu'un jech lec chil li Diose. Ac'o quich'tic lec ta muc' ta scotol co'ntontic.


Pero me oy boch'o jech chale: “Vo'ote tsots sc'oplal chava'ay ti lec c'usitic chapase. Yan li vu'une xu' no'ox chca'ay ti oy lec xch'unojel co'ntone”, me xie, jech ta jac'be: “¿C'uxi chquil me ta melel oy xch'unojel avo'nton me mu'yuc chapasbe yabtelale? Vu'une chavil ti oy xch'unojel co'ntone, yu'un ta jpasbe yabtelal”, chcut.


Laj ca'ay oy boch'o chc'opoj tal te ta muc'ta chotlebal, jech laj yal: “Tojbeic ta vocol Dios, vo'oxuc li yajtuneloxuque, vo'oxuc ti avich'ojic ta muc', c'alal ta muc', ta biq'uite”, xi.


Li Samuele jech laj yalbe: “Li Muc'ul Diose ma'uc no'ox lec chil ti ta jmilbetic, ti ta jchic'betic smotone; ja' toj lec chil me ta jch'unbetic smantale. Yu'un ja' toj lec li xch'unbel smantale; ja' mu sta jech li smoton ta jmilbetic xchi'uc li xepual chijetic chcac'betique.


Lean sinn:

Sanasan


Sanasan