Génesis 22:1 - Bible in Tzotzil de Chenalhó with Deuterocanon

¹ C'alal i'ech' xa'ox jayibuc c'ac'ale, li Diose la sq'uelbe yo'nton me ta melel xch'unoj li Abrahame. Jech laj yalbe: —Abraham —xut. Itac'ov li Abrahame: —Li' oyune —xi.

Bible in Tzotzil de Chamula

¹ Ech' c'u sjaliluc un, ti Diose lic sq'uelbe c'u s'elan yo'nton ti Abrahame. Jech ti Diose xi laj yalbee: —Abraham. —Li' oyune —xi laj staq'ue.

Génesis 22:1 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 21:11

Li Abrahame toj chopol laj ya'ay, yu'un ja' xnich'on.

Génesis 22:11

ta ora ic'opoj tal ta vinajel yaj'almantal Muc'ul Dios. Jech i'albat: —Abraham, Abraham —x'utat. —Li' oyune —xi itac'ov li Abrahame.

Génesis 22:7

C'alal mu'yuc to'ox nat ixanovic batele, li Isaaque jech laj yalbe li stote: —Tati —xut. —¿C'usi chaval, jnich'on? —xi li Abrahame. —Q'uelavil, li' oy li jsi'tic xchi'uc jc'oc'tique, pero ¿bu oy li chij sventa ta jmilbetic smotonin Diose? —xut.

Génesis 37:13

Li Israele jech laj yalbe li Josee: —Li abanquiltaque te oyic ta Siquem ta xchabiic li chijetique, pero ta jc'an chbat aq'uel —xut. —Lec oy, xu' chbat jq'uel —xi li Josee.

Génesis 46:2

Te ta yac'ubalil ic'opanat ta xvayech yu'un Dios li Israele. Jech i'albat: —Jacob —x'utat. —Li' oyune —xi itac'ov li Jacobe.

2 Samuel 24:1

Li Muc'ul Diose lic ilinuc yan velta ta stojol li israeletique, ja' yu'un laj yac'be sna' David ti ac'o stsac ta vun scotol li xchi'iltaque, yu'un jech ac'o sta svocolic.

2 Crónicas 32:31

Li banquilaletic ta Babiloniae la stac tal jayibuc svinictac sventa tal svu'lanic li Ezequiase, xchi'uc tal sjaq'uic c'u x'elan li senyail stsatsal la spas Muc'ul Dios te ta yosilalique. Li Diose la scomtsan stuc li Ezequiase, yu'un tsc'an tsq'uel c'usi snopoj, c'usi oy ta yo'nton.

Salmos 11:5

tsq'uel c'usi tspas li boch'o lequique xchi'uc li boch'o chopolique. Li boch'o ja' no'ox puru uts'intavanej oy ta yo'ntonique, chopol chil o.

Éxodo 16:4

Li Muc'ul Diose jech laj yalbe li Moisese: —Ta xcac' yalel tal ave'elic ta vinajel. Li achi'iltaque jujun c'ac'al ac'o loq'uicuc ta stsobel li sve'elique. Pero ja' no'ox ti c'u yepal chtun yu'unic ta jujun c'ac'ale. Yu'un ta jc'an ta jq'uel boch'o xch'un, boch'o mu xch'un li jmantale.

Éxodo 3:4

C'alal laj yil Muc'ul Dios ti inopaj xa batel li Moisese, ic'opoj tal te ta jpets ch'ix: —Moisés, Moisés —xut. —Li' oyune —xi li Moisese.

Proverbios 17:3

Li c'anal taq'uin xchi'uc saquil taq'uine ta c'oc' chich' q'uelel me ja' ta melel, pero li yo'nton cristianoe ja' tsq'uel stuc li Muc'ul Diose.

Isaías 6:8

Ja'o te laj ca'ay ic'opoj li Cajvaltique, jech laj yal: “¿Boch'o ta jtac batel? ¿Boch'o xu' chbat c'opojuc ta jventatic?”, xi. Jech la jtac' li vu'une: “Li' oyun vu'une, tacun batel”, xcut.

1 Corintios 10:13

Li vo'oxuque mu'yuc to bu chtal ta atojolic tsots preva ti mu'yuc boch'o c'otem ta stojol jeche. Yu'un li Diose mu sna' sjel yo'nton o, jech mu xac' taluc ta atojolic tsots preva ti me mu xa sts'ic avu'unic chile. Jech noxtoc c'alal oyoxuc ta prevae, ja' chac' avilic c'u x'elan xu' chacolic loq'uel, yu'un jech chcuch avu'unic.

Deuteronomio 13:3

mu me xach'unic. Yu'un li Muc'ul Dios cu'untique ja' no'ox tsc'an ta sq'uelboxuc avo'ntonic me ta melel avich'ojic ta muc' ta scotol ajol avo'ntonic.

Deuteronomio 8:16

Xchi'uc ja' laj yac' manavaj ave'ic te ta xocol banamil ti mu xavotquinique, me ja'uc li amoltotaquic ta vo'onee mu xotquinic ec. Yu'un tsc'an ti ac'o bic'tajanique xchi'uc tsc'an tsq'uelboxuc c'u x'elan avo'ntonic ta stojol, pero ja' sventa alequilalic ic'ot ta ts'acal.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

Hebreos 11:17

Ta sventa xch'unojel yo'nton li Abrahame, jech c'alal iq'uelbat yo'nton yu'un Diose, laj yac'be smotonin li jun no'ox xnich'one, ja' li Isaaque, ac'o me albil ti ja' ta sventa Isaac sc'oplal chc'ot ta pasel li c'usi albile.

Santiago 2:21

Li jmoltotic Abraham ta vo'onee, lec i'ilat yu'un Dios ta sventa li c'usi la spase; ja' ti ta ox xac' ta milbil matanal li xnich'one, ja' li Isaaque.

1 Pedro 1:7

Yu'un ja' sventa chich' q'uelel me oy xch'unojel avo'ntonic. Yu'un li xch'unojel co'ntontique toj lec. Ja' mu sta jech li c'anal taq'uin chich' q'uelel ta c'oq'ue, yu'un sna' xlaj. Yan li xch'unojel avo'ntonic chich' q'uelele, jun yutsil, lec ac'oplalic yu'un; ich'biloxuc ta muc' c'alal chtal li Cajvaltic Jesucristoe.

Jueces 2:22

Yu'un li Muc'ul Diose ja' sventa tsq'uel o yil me ja' tstamic, o me ma'uc tstamic batel li lequil be la stamic smoltotaquic ta vo'onee.

1 Samuel 3:4

Li Muc'ul Diose la sc'opan li Samuele: —Samuel —xut. —Li' oyune —xi li Samuele.