Génesis 21:8 - Bible in Tzotzil de Chenalhó with Deuterocanon

⁸ Li Isaaque imuq'uib xa'ox jutuc; te lic scomtsanbeic xchu'. C'alal la scomtsanbeic xchu'e, li Abrahame la spas jun muc'ta q'uin.

Bible in Tzotzil de Chamula

⁸ Ti querem Isaaque muq'uib xa, laj yictabeic ti xchu'e. C'alal jech ictabil xa ti xchu'e, jech ti Abrahame lic spas jun muc' ta q'uin.

Génesis 21:8 Iomraidhean Croise

Génesis 19:3

Pero li Lote mu xlaj yo'nton ta yiq'uel batel, jech te la xch'unic; ibatic ta sna li Lote. C'alal ic'otique, li Lote lic smeltsan lec ve'lil xchi'uc pan ti mu'yuc yich'oj svolesubil xch'ute, jech ive'ic li jvu'laletique.

Génesis 21:7

Mu'yuc boch'o sna' ti ta to x'ayin xnich'on cu'un li Abrahame. Ac'o me mol xa, pero i'ayin to xnich'on cu'un”, xi.

Génesis 21:9

Pero li Sarae laj yil ti chna'levan li xnich'on Abrahame, ja' li yol Agare, ja' li egipto antse. Ja' chna'leat li Isaaque.

Génesis 26:30

Ja' yu'un li Isaaque la spas lec muc'ta q'uin, lec ive'ic, i'uch'bajic.

Génesis 29:22

Jech li Labane laj yic'an tal li boch'otic nopol nacalic xchi'uque yu'un ac'o tal sq'uelic li q'uin nupinele.

Génesis 40:20

Ta yoxibal c'ac'ale, ja' sc'ac'alil la spas q'uin li faraone yu'un its'aqui sjabilal. Jech la spasic jun muc'ta q'uin xchi'uc li j'abteletic yu'une. Li faraone laj yal mantal ta stojol scotol li boch'otic yic'oj ta q'uel q'uin ti ac'o loc'uc ta chuquel li banquilal j'ac'ya'lel ts'usube xchi'uc li banquilal jpaspan yu'une.

2 Samuel 3:20

Xchi'inoj batel jtob (20) viniquetic; te ic'otic yo' bu oy li Davide. Li Davide laj yac' lec ve'el; la smac'lin li Abner xchi'uc xchi'iltaque.

1 Reyes 3:15

C'alal ijulov li Salomone, ja' to laj yil ti ta xvayeche. C'alal ic'ot ta Jerusalene, te ibat yo' bu oy li xcaxail smantal Muc'ul Diose. Te la xchic' matanaletic, xchi'uc la smil matanal sventa lec ch-ilat yu'un Dios. Ts'acal la spas lec q'uin; laj yic' ta ve'el li j'abteletic yu'une.

Ester 1:3

C'alal yoxibal jabil xa'ox yochel ta muc'ta ajvalilale, la spas jun muc'ta q'uin ta sventa scotol li banquilaletic xchi'uc li j'abteletic yu'une. Te oyic noxtoc li banquilal soldadoetic ta Persia xchi'uc ta Mediae, xchi'uc li ajvaliletic, li banquilaletic ta jujun muc'tic lume.

Salmos 131:2

Ta melel li vu'une mu xibac', ch'an xichi; ja' jechun jech chac c'u cha'al jun olol ti ja' to laj yich' chu'untasel yu'un sme'e, ti ja' to laj yich' bots'bel loq'uel xchu'e.

Oseas 1:8

C'alal icom xchu' li Lo-ruhamae, lic xchi'in yol yan velta li antse; querem ivoc' yu'un.

Jueces 14:10

Li stot sme'e te ic'otic ta sna li tsebe. Li Sansone te lic spas lec q'uin, yu'un jech stalel chnupin li querem tsebetique.

Jueces 14:12

Li Sansone jech laj yalbe li lajuneb xcha'vinic (30) te oyique: —Oy c'usi chcac' anopbeic smelol. Me it'un avu'unic li vucub c'ac'al li' oyutic ta q'uine, vu'un chacac'boxuc jujulic lequil muc'tic c'u'iletic pasbil ta lino no xchi'uc jujulic ac'u'ic sventa q'uin.

1 Samuel 1:22

Pero li Anae muc xbat, jech laj yalbe li smalale: —Vu'une mu'yuc to chibat. Ja' to me icom xchu' li olole, chbat cac' ta stojol Muc'ul Dios, yu'un te xa ta jcomtsan o —xut.

1 Samuel 1:24

C'alal icom xa xchu'e, laj yic' batel ta xch'ulna Muc'ul Dios te ta Silo, xchi'uc oxcot ch'ium tot vacaxetic, xchi'uc chib xcha'vinic (22) litro arina, xchi'uc jbej q'uib ya'lel ts'usub. Li quereme biq'uit to'ox.

1 Samuel 25:36

C'alal isut batel ta stojol smalal li Abigaile, te tspas jun q'uin c'ot sta li smalale; chac' lec ve'el. Xco'laj xchi'uc spas q'uin jun ajvalil tspas. Li Nabale toj xcuxet no'ox yo'nton, yu'un yacuben xa lec. Ja' yu'un li Abigaile muc xalbe ya'ay ta ora smalal li c'usi la spase; ja' to laj yalbe ta yoc'omal.