Génesis 21:7 - Bible in Tzotzil de Chenalhó with Deuterocanon

⁷ Mu'yuc boch'o sna' ti ta to x'ayin xnich'on cu'un li Abrahame. Ac'o me mol xa, pero i'ayin to xnich'on cu'un”, xi.

Bible in Tzotzil de Chamula

⁷ ¿Mi yu'un oy la buch'u laj yal ti ta to xil xnich'on cu'un ti Abrahame? Manchuc mi jech un, laj to yilbe sat xnich'on cu'un ti c'alal mol xae.”

Génesis 21:7 Iomraidhean Croise

Génesis 17:17

Li Abrahame la squejan spatan sba ta banamil. Itse'in ti c'alal jech la snope: “¿Me xu' to ta xnich'naj jun vinic ti yich'oj xa vo'vinic (100) jabile? Xchi'uc ¿me xu' to ta x'alaj li Sara ti yich'oj xa lajuneb yo'vinic (90) jabile?”, xi la snop ta yo'nton.

Génesis 18:13

Pero li Muc'ul Diose jech laj yalbe li Abrahame: —¿C'u yu'un ta stse'in li Sarae? ¿Me mu xch'un ti xu' to ta x'alaj c'alal me'el xae?

Génesis 21:8

Li Isaaque imuq'uib xa'ox jutuc; te lic scomtsanbeic xchu'. C'alal la scomtsanbeic xchu'e, li Abrahame la spas jun muc'ta q'uin.

1 Reyes 11:20

Li smuc Tahpenese ivoc' yol, ja' xnich'on li Hadade, Genubat sbi. Li Tahpenese laj yic' li olole; la sts'ites xchi'uc yalabtac te ta spasubmantal li faraone.

1 Reyes 3:21

C'alal yu'un xa'ox ta sacub osile, litots yu'un chcac'be xchu' li cole. Ja' to la quil ti chamen xae. C'alal isacub lec osile, ja' to laj quil ti mu ja'uc li cole —xut li ajvalile.

Salmos 86:10

Yu'un vo'ot toj ech'em amuc'ul, xchi'uc toj labalic sba c'usi chapas; vo'ot no'ox atuc jech Diosot.

Salmos 86:8

Cajval, mu'yuc boch'o yan dios jech chac c'u cha'al vo'ot; mu'yuc boch'o yan jech yabtel jech chac c'u cha'al avabtel li vo'ote.

Isaías 49:21

Li vo'ote jech chlic anop: ‘¿Boch'o xnich'nab scotol le'e? yu'un li vu'une mu'yuc ono'ox jnich'nab; chucbilun batel ta yan banamil, jtuc bu oyun batel. ¿Boch'o la sts'ites scotol le'e? yu'un vo'one ictabilun. ¿Bu to'ox oyic scotolic le'e?’, xachi”, xi li Muc'ul Diose.

Isaías 66:8

¿Me oy boch'o ya'yoj jech chac le'e? ¿Me oy boch'o yiloj jech chc'ot ta pasel? ¿Me oy bu chc'ot ta pasel ti ta anil no'ox chchapaj jun muc'ta lume? ¿Me oy bu jech ti ta ora no'ox ch-ayin yan banamile? Yan li lum Sione ja' to no'ox ilic li xc'uxul xch'ute, pero ta ora no'ox ivoc' ep yalab.

Jeremías 20:15

Toj chopol li vinic ti ay yac'be xcuxetel yo'nton li jtote, ti jech laj yalbee: “Toj lec ti ivoc' avunin quereme; toj xcuxet no'ox co'ntontic”, ti xute.

Números 23:23

Li Jacobe mu stac' uts'intael. Li j'ac'chameletique mu'yuc c'usi xu' yu'un tspasbeic li Israele. Li' ta orae ja' tsc'an jech chich' albel li Israele: ‘Toj ep spasoj sq'uelubil stsatsal ta atojolic li Diose’, sc'an xi sc'oplal.

Efesios 3:10

Yu'un jech ta sventa steclumal Dios chlic sna'ic j'almantaletic te oyic ta vinajel ti ep ta chop sbijil li Diose, ja' li j'almantaletic ti tsots svu'elique ti tsots yabtelique.

2 Tesalonicenses 1:10

C'alal me la sta sc'ac'alil itale, ch-ich'at ta muc' yu'un scotol li boch'otic voc'bilic yu'une. Toj jun yutsil ch-ilat yu'un scotol li boch'otic la xch'unique. Ja' jech chavilic ec, yu'un laj ach'unic ti c'alal la jcholcutic ava'yique.