Génesis 21:4 - Bible in Tzotzil de Chenalhó with Deuterocanon

⁴ C'alal xvaxquibal xa'ox c'ac'al svoq'uele, laj yac'be yich' circuncisión jech c'u cha'al albil ono'ox yu'un Diose.

Bible in Tzotzil de Chamula

⁴ Va'i un, c'alal yich'oj xa xvaxaquibal (8) c'ac'al svoq'uele, laj yac'be yich' circuncisión jech c'u cha'al albat yu'un ti Diose.

Génesis 21:4 Iomraidhean Croise

Éxodo 12:48

Pero me oy junuc yanlum cristiano te achi'uquic ta naclej ti tsc'an tspas ec li q'uin ta sventa chavich'icun ta muq'ue, ja' tsc'an ba'yuc ac'o yich' circuncisión scotol li viniquetic te ta snaique. Me la spas jeche, xu' xa tspas li q'uine, yu'un ja' xa jech chc'ot jech chac c'u cha'al li boch'o te voq'uem ta avosilalique. Pero me mu'yuc yich'ojic circuncisione, mu xu' tsti'ic li chije.

Levítico 12:3

Ta xvaxquibal c'ac'al ac'o yich' circuncisión li olole.

San Lucas 1:59

C'alal iloc' vaxquib c'ac'al svoq'uel li unin quereme, bat yac'beic yich' circuncisión. Zacarías ta xac'beic ox sbi jech chac c'u cha'al sbi li stote.

San Lucas 1:6

Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

San Lucas 2:21

C'alal iloc' vaxquib c'ac'al svoq'uel li olole, laj yich' circuncisión. Jesús laj yac'beic sbi, yu'un jech ono'ox i'albat yu'un j'almantal c'alal mu'yuc to'ox xch'ut li Mariae.

Hechos 7:8

Ja' i'ac'bat ta sba li c'usi la xchapan Diose, ja' li circuncisione. Jech c'alal ivoc' xnich'on li Abrahame, ja' li Isaaque, laj yac'be yich' circuncisión ta xvaxquibal c'ac'al. Ja' jech la spasbe xnich'on ec li Isaaque, ja' li Jacobe. Li Jacobe ja' jech la spasbe ec li lajchab (12) jmoltotactique.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.