Génesis 21:2 - Bible in Tzotzil de Chenalhó with Deuterocanon

² Li Sarae lic xchi'in yol, jech i'ayin jun xnich'on li Abraham ti c'alal mol xa'oxe. Li olole ja' jech ora ivoc' chac c'u cha'al yaloj Diose.

Bible in Tzotzil de Chamula

² Lic xchi'in yol ti Sarae. Laj yilbe sat xnich'on ti Abraham yu'une c'alal mol xa ti stuque. Ja' jech yorail voc' ti olol jech c'u cha'al yaloj ono'ox ti Diose.

Génesis 21:2 Iomraidhean Croise

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 17:21

Pero li c'usi chapanbil cu'une ja' ta xcom ta sventa li Isaac ti jeche' c'alal jabil ta xvoc' yu'un Sara jech chac c'u cha'al li'i —xi.

Génesis 18:10

Oy jun yu'unic jech laj yalbe li Abrahame: —C'alal jabile ta to xtal jvu'lanot, pero li avajnile oy xa'ox yol —xut. C'alal jech chlo'ilajic xchi'uc jvu'laletic li Abrahame, li Sarae te yabinoj ta sti' scarpanaic ta spat li smalale.

Génesis 18:14

¿Me yu'un oy c'usi mu xu' yu'un tspas li Diose? Le' ta jun jabile ta xtal jvu'lanot yan velta, li Sarae oy xa'ox yol —xi.

San Lucas 1:36

A'yo ava'ay, li avuts' avalal Isabele oy xa xch'ut ec. Ac'o me me'el xa, pero svaquibal xa u xchi'in yol; ja' ti albil sc'oplal mu sna' x'alaje.

Hechos 7:8

Ja' i'ac'bat ta sba li c'usi la xchapan Diose, ja' li circuncisione. Jech c'alal ivoc' xnich'on li Abrahame, ja' li Isaaque, laj yac'be yich' circuncisión ta xvaxquibal c'ac'al. Ja' jech la spasbe xnich'on ec li Isaaque, ja' li Jacobe. Li Jacobe ja' jech la spasbe ec li lajchab (12) jmoltotactique.

Romanos 9:9

Yu'un li c'usi yaloj Diose ja' jech chac li'i: “C'alal chital yan velta jeche' c'alal jabil jech chac li'i, oy xa'ox jun yunin querem li Sarae”, xi.

Gálatas 4:22

Yu'un ts'ibabil ta sc'op Dios ti oy ivoc' chib xnich'on li Abrahame. Li june me' quiara sme'; li yane mu quiarauc li sme'e.

Hebreos 11:11

Ja' no'ox jech ec li Sara ti mu sna' x'alaje, ta sventa xch'unojel yo'nton i'ayin lec stsatsal, jech lic xchi'in yol. I'alaj to, ac'o me ech'em xa yorail ch-alaj, yu'un la xch'un ti mu sna' sjel sc'op li boch'o laj yale.

Josué 24:3

C'alal te nacal ta jot uc'um Eufratese, vu'un laj quic' li Abrahame, ay cac'be xan scotol li Canaán banamil li'i, xchi'uc laj cac' boluc ep smomnich'nab. Vu'un laj cac'be li xnich'on Isaaque.