Génesis 21:10 - Bible in Tzotzil de Chenalhó with Deuterocanon

¹⁰ Jech bat yalbe li Abrahame: “Taco loq'uel xchi'uc yol li me' quiarae. Li col Isaaque mu xu' ta svoc'be sbaic c'usi oy avu'un xchi'uc li yol me' quiarae”, xi.

Bible in Tzotzil de Chamula

¹⁰ Va'i un, xi bat yalbe ti Abrahame: “¡Ac'o loc'uc batel ti mosovil ants xchi'uc ti yole! Yu'un ti col Isaaque mu xu' ta xch'acbe sbaic rextoil xchi'uc yol jun mosovil ants.”

Génesis 21:10 Iomraidhean Croise

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 17:21

Pero li c'usi chapanbil cu'une ja' ta xcom ta sventa li Isaac ti jeche' c'alal jabil ta xvoc' yu'un Sara jech chac c'u cha'al li'i —xi.

Génesis 20:11

Itac'ov li Abrahame: —Yu'un la jnop ti mu'yuc boch'o yich'oj ta muc' Dios li' ta lume, jech xu' chismilicun ta scoj li cajnile.

Génesis 22:10

C'alal stsacoj xa'ox xcuchilo ta smil li xnich'one,

Génesis 25:19

Li'i ja' sc'oplal Isaac, ja' li xnich'on Abrahame.

Génesis 25:6

Li xnich'nabtac Abraham ta yantic ants yu'une ja' no'ox laj yac'anbe smoton. C'alal cuxul to'oxe, la svoc' loq'uel ta stojol Isaac li yantic xnich'nabe, te la stac batel ta naclej ta stuq'uil sloq'ueb c'ac'al.

Proverbios 22:10

Taco loq'uel ta atojolic li jtoybae, jech ta xlam li c'usi chopole, jech mu'yuc xa c'op, mu'yuc xa chopolc'optael.

San Mateo 22:13

Ja' yu'un li ajvalile jech laj yalbe li yaj'abteltaque: ‘Chucbeic yoc sc'ob li vinique. Jipic loq'uel ta ic' osil te yo' bu choc'ta sbaic, ti bu xc'uxet o yeique’, xi.

San Juan 8:35

Li mozoe xana'ic ti mu j'ech'eluc te ta xcom o ta sna li yajvale. Yan li nich'onile j'ech'el te ta xcom o ta sna li stote.

Gálatas 3:18

Ti ja'uc ta sventa mantaletic xu' chcu'unintic li c'usi yaloj Diose, muc xa ja'uc ta sventa ti yu'un ono'ox jech yaloj ti jechuque. Pero ta sventa ti yu'un jech yalojbe li Abrahame, ja' yu'un laj yac'be.

Gálatas 4:7

Jech muc xa mozoucoxuc, nich'oniloxuc xa. Ta sventa ti nich'oniloxuc xae, jech oy xa ta aventaic chavich'ic c'usi oy yu'un atotic ta sventa yutsil yo'nton li Diose.

1 Pedro 1:4

Jech ta xquich'tic li c'usi sc'oplal ja' cu'untic ti chapanbil yu'un Dios te ta vinajel ti mu sna' xc'a'e, ti mu sna' soque, xchi'uc ti mu sna' xlaje.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.

Jueces 11:2

Li yajnil Galaade oy squeremetic ec. C'alal ich'i li squeremetique, la snutsic loq'uel ta snaic li Jeftee, jech laj yalbeic: “Mu'yuc c'usi chavich' comel li' ta sna jtotic, yu'un yan o ame'”, xutic.