Génesis 20:9 - Bible in Tzotzil de Chenalhó with Deuterocanon

⁹ Li Abimeleque la stac ta iq'uel li Abrahame, jech laj yalbe: —Q'uelavil li c'usi laj apasbuncutique. ¿C'usi chopol la jpasbot ti tal avac'bun tsatsal mulil ta jtojol jchi'uc li boch'otic oy cu'une? Solel mu stac' pasel li c'usi laj apasbune.

Bible in Tzotzil de Chamula

⁹ Ts'acal to un, ti Abimeleque laj sta ta iq'uel ti Abrahame, ti xi laj yalbee: —¡Q'uel avil ti c'usi laj apasbuncutique! ¿Bu laj jsoquesbot avo'nton ti jech xtal avac'bun ta jba jun muc'ul mulil xchi'uc ti c'u yepal oy ta jnae? Mu stac' alel ti c'usi laj apase.

Génesis 20:9 Iomraidhean Croise

Génesis 12:18

Ja' yu'un li faraone lic stac ta iq'uel li Abrame. Jech laj yalbe: “¿C'u yu'un ti jech laj apasbune? ¿C'u yu'un muc xavalbun ti me ja' avajnil li ants li'i?

Génesis 20:10

¿C'usi anopoj ti c'alal jech laj apase? —x'utat yu'un Abimelec li Abrahame.

Génesis 20:8

Ta yoc'omal sob ilic li Abimeleque. La stacan ta iq'uel li smozotaque. Laj yalbe ya'yic scotol li c'usi laj yil ta xvayeche. C'alal laj ya'yique, toj ep ixi'ic.

Génesis 26:10

Li Abimeleque jech laj yalbe: —¿C'u yu'un ti jech laj apasbuncutique? Yu'un oy viniquetic li' ta lum ti c'an xa yiq'uic li avajnile. Laj xa jta jmulcutic avu'un ti jechuque —xut.

Génesis 29:25

Ta yoc'omal laj yil Jacob ti ja' la xchi'in ta vayel li Leae, jech laj yalbe li Labane: —¿C'usi smelol ti jech laj apasbune? ¿C'u yu'un ti laj alo'laune? ¿Me mu ja'uc li'abtej vucub jabil avu'un ta sventa li Raquele? —xut.

Génesis 34:7

C'alal laj ya'yic xnich'nabtac Jacob li c'usi ic'ot ta pasele, isutic tal ta xchabiel xchijic. Tsots i'ilinic, yu'un toj q'uexlal sba ta sventa Israel ti laj yich' uts'intabel stseb Jacob yu'un li Siqueme. Yu'un mu'yuc boch'o tspas jech.

Génesis 38:24

I'ech' xa'ox van oxibuc u, jech ital albatuc li Judae: —Li avalibe, ja' li Tamare, oy xa xch'ut yu'un la xchi'in sbaic xchi'uc yan viniquetic —x'utat. Li Judae tsots i'avan: —¡Bat jochic loq'uel, chiq'uic ta c'oc'! —xi.

Génesis 39:9

Mu'yuc boch'o yan tsots yabtel li' ta anaic jech chac c'u cha'al vu'un. Li cajvale yac'ojbun ta jc'ob scotol li c'usi oy yu'une. Ja' xa no'ox mu'yuc jventainojot li vo'ote yu'un yajnilot. Jech ¿c'u yu'un ta jpas li c'usi toj chopole, xchi'uc ti ja' sventa ta jta o jmul ta stojol Diose? —xut li antse.

2 Samuel 12:5

Li Davide tsots i'ilin ta sventa li jc'ulej vinique, jech laj yalbe li Natane: —Jamal chacalbot ta stojol Muc'ul Dios, li boch'o jech la spase tsc'an milel.

2 Samuel 13:12

Itac'ov li tsebe: —Xi'mel, mu jc'an jech xapas; mu xavuts'intaun. Mu'yuc boch'o jech spas cu'untic li' ta Israel. Mu me xapas li c'usi toj chopole.

Éxodo 32:21

Li Moisese jech laj yalbe li Aarone: —¿C'usi la spasbot li jchi'iltactic li'i ti laj avac'be spasic tsatsal mulile? —xut.

Éxodo 32:35

Li Muc'ul Diose la stac tal tsatsal chamel ta stojol li israeletic ta sventa ti ja' laj yich'ic ta muc' li sloc'obal ch'ium tot vacax la spas Aarone.

Proverbios 28:10

Li boch'o tsc'an ac'o sta svocol li boch'o tuc' yo'ntonique ja' chc'ot ta stojol stuc li c'usi snopoje; yan li boch'o tuc' yo'ntonique lec c'usi tstaic.

Levítico 20:10

“Me oy boch'o tsc'opanbe yajnil xchi'ile, ac'o yich' milel li vinic xchi'uc li antse.

Romanos 2:11

Yu'un li Diose muc t'ujbiluc no'ox tspas.

SUN TITO 1:11

Le'e ja' tsc'an chamacbe yeic, yu'un ta xchibajesbeic yo'nton ta sjunul snaic li boch'otic xch'unojique, yu'un ja' ta xchanubtasvanic o li c'usi mu jechuc ta ch'unele, yu'un ja' no'ox oy ta yo'ntonic tsc'an tsa'ic taq'uin.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

Josué 7:25

Li Josuee jech laj yalbe: —¿C'u yu'un laj avac' taluc li vocol ta jtojoltique? Li' ta orae li Muc'ul Diose vo'ot chayac'bot acuch scotol li vocol li' laj avich' tal ta jtojoltique —xut. C'alal laj yal jeche, scotol li israeletique lic smilic ta ton li Acane, xchi'uc yajnil xnich'nab, xchi'uc li c'usitic oy yu'une. Ts'acal la xchiq'uic ta c'oc'.