Génesis 20:7 - Bible in Tzotzil de Chenalhó with Deuterocanon

⁷ Ja' yu'un li' ta orae ac'bo sutel yajnil li vinique, yu'un li stuque ja' jun j'alc'op. Ja' ta sc'an vocol ta atojol, yu'un ac'o to cuxian. Pero me mu xasutesbe li yajnile, ta me xacham achi'uc scotol li boch'otic oy avu'une”, x'utat.

Bible in Tzotzil de Chamula

⁷ Ja'uc avi tana le' une, ac'bo sutel yajnil ti vinique, yu'un ja' jun j'alc'op ti stuque. Ta xc'opoj xti'in ta sc'anel vocol ta jtojol yo' jech ta to xach'i xac'opoj. Yan mi mu xavac'be sutel ti yajnile, ti vo'ote xchi'uc ti c'u yepal achi'uc ta nacleje, j'ech'el ta xachamic.”

Génesis 20:7 Iomraidhean Croise

Génesis 12:15

Jech laj yilic ec li yajcoltaubbailtac ta abtel faraone, ja' li ajvalil ta Egiptoe. Jech bat yalbeic faraón ti toj c'upil sba li Saraie. Jech te laj yiq'uic batel ta spasubmantal li faraone.

Génesis 12:17

Ta sventa li Saraie, li Muc'ul Diose tsots laj yac'be stoj smulic li faraón xchi'uc yajnil xnich'nabe, jech itsacatic ta tsots chameletic.

Génesis 2:17

Ja' no'ox mu xalo'be sat li jpets te' ti ja' sventa chac' ta na'el c'usi lec, xchi'uc c'usi chopole, yu'un me chalo'e, ta xacham”, xut.

Génesis 20:18

Yu'un ja' ta scoj Sara ti la spas ox Muc'ul Dios ti mu xu' ch-alajic li antsetic te oyic ta sna Abimeleque.

Génesis 20:3

Pero li Abimeleque te no'ox ta yac'ubalil ic'opanat ta xvayech yu'un li Diose. Jech i'albat: “Ta xacham, yu'un li ants laj aviq'ue oy smalal”, x'utat.

Génesis 20:8

Ta yoc'omal sob ilic li Abimeleque. La stacan ta iq'uel li smozotaque. Laj yalbe ya'yic scotol li c'usi laj yil ta xvayeche. C'alal laj ya'yique, toj ep ixi'ic.

Génesis 23:6

—Avocoluc, banquilal, a'yo ava'ay li c'usi chacalbotcutique. Vo'ot ti li' oyot ta jtojolcutique, t'ujbilot yu'un li Diose. Xu' te chbat amuc avajnil ti bu toj lec li muquinaltic cu'uncutique. Mu'yuc boch'o junucal cu'uncutic xu' chasjalanbot li muquinaltique —xiic.

2 Samuel 24:17

C'alal laj yil David ti chmilbat ta chamel xchi'iltac yu'un li j'almantale, jech laj yalbe li Muc'ul Diose: —Vu'un no'ox jtuc ti oy jmule, ti la jpas c'usi mu lecuque. ¿C'usi smulic li jchi'iltac le'e? Ta jc'anbot vocol ti vu'un ac'o c'otuc ta jbacutic jchi'uc calab jnich'nab li stojol mulil avu'une —xut.

1 Reyes 13:6

Ja' yu'un li ajvalile jech laj yalbe li j'alc'ope: —Ach'ul vocoluc, c'opano li Muc'ul Dios avu'une yu'un ac'o lecubuc yan velta li jc'obe —xut. Li j'alc'ope la sc'opan li Muc'ul Diose jech ilecub yan velta sc'ob li ajvalile, jech icom jech chac c'u cha'al ono'oxe.

2 Reyes 5:11

Li Naamane i'ilin sutel, jech laj yal: —Li vu'une la jnop ti chloc' tal sq'uelune, ti li' va'al ta jts'el ta sc'anbe vocol li Muc'ul Dios yu'une, xchi'uc la jnop ti chac' sc'ob ti bu ipe, jech xu' chcol jchamel ti caloje.

1 Crónicas 16:22

‘Mu xapiquic li jt'ujbil vinictaque, mu xavuts'intaic li caj'alc'optaque’, xut.

2 Crónicas 30:18

Bats'i ep boch'o liquemic ta Efraín, ta Manasés, ta Isacar, xchi'uc ta Zabulón la sti'ic li ch'ium chij sventa q'uin Coltaele, pero mu'yuc yac'oj sbaic ta lecubtasel jech chac c'u cha'al ts'ibabil sc'oplale. Ja' yu'un li Ezequiase lic sc'opanbe Dios ta stojolic, jech laj yal: “Muc'ul Dios, vo'ot ti toj lec avo'ntone, ch'aybo ta avo'nton smul scotol li boch'otic li' oyic ti jun yo'nton tsc'an chasa'icot,

Job 34:19

Li stuque mu'yuc tst'uj boch'o chc'uxubin, ma'uc tscolta li banquilaletique, ma'uc ech'em chich' ta muc' li jc'ulejetique, ma'uc tsjip li me'onetique; co'ol tspasbe, yu'un ja' spasoj scotol.

Job 42:8

Ja' yu'un, bat tsaco vuccotuc tot vacax xchi'uc vuccot tot chij; batanic ta stojol li cajtunel Jobe. Chiq'uic ta jtojol scotol li matanale; ja' sventa amulic. Ja' chisc'anbun vocol ta atojolic li cajtunel Jobe, yu'un ja' ta xca'ibe li sc'ope yu'un jech mu xcac' atojic ti mu'yuc tuc' lac'opojic ta jtojol jech chac c'u cha'al li cajtunel Jobe —xut.

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Éxodo 18:17

Itac'ov li smuni' Moisese: —Pero mu'yuc lec li c'usi chapase.

Éxodo 4:16

C'alal chc'ot ac'opan li abanquile, xco'laj xchi'uc vu'un chc'ot c'opojcun. Li Aarone ja' xa chalbe ya'yic achi'iltaquic li c'usi chavalbee.

Éxodo 7:1

Li Muc'ul Diose jech laj yalbe li Moisese: —A'yo ava'ay, Moisés, ta xcac' ti vo'ot chabat ta jq'uexol ta stojol li faraone yu'un vo'ot chapas li c'usi ta jpase. Li abanquile ja' chc'opoj avu'un.

Jeremías 14:11

Jech laj yalbun noxtoc li Muc'ul Diose: “Mu me xac'anbun vocol ta sventa slequilalic li jun lum li'i.

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Jeremías 27:18

Me ta melel ja' j'alc'opetique, me ta melel vu'un ta jc'opanique, ac'o sc'anbicun vocol ti mu me xbat ta Babilonia li c'usitic chtun ti li' to comen ta ch'ulna xchi'uc ta spasubmantal ajvalil ta Judae xchi'uc ta Jerusalene’, xi li Diose”, xcut.

Ezequiel 3:18

C'alal me jech chcalbe li jpasmulile: ‘Li vo'ote ta xacham’, me xcute, pero me vo'ot mu'yuc ataq'uioj, mu'yuc avalojbe ti ac'o sutes yo'nton yu'un jech xu' chcuxie, ta ono'ox xcham ta scoj li smule. Pero li xch'ich'ale vo'ot chcom ta aba.

Ezequiel 33:8

C'alal me jech chcalbe li jpasmulile: ‘Jpasmulil, ta persa chacham’, me xcute, me vo'ot mu xavalbe ti ac'o scomtsan li be stamoje, ta ono'ox xcham ta scoj smul, pero li xch'ich'ale vo'ot chacac'bot acuch.

Levítico 6:4

oy smul chc'ot o. Ja' tsc'an ac'o bat sutes li c'usi laj yelc'ane, o me la stsatsal c'an, o me oy c'usi la scuy ta yu'un, o me oy c'usi la stame.

Levítico 6:7

Ja' yu'un li palee ac'o yac' ta ch'aybel smul ta jtojol li boch'o chc'ot ta pasel yu'unic jchopuc chac le'e, jech ch'aybil smul chc'ot o”, xi li Muc'ul Diose.

Hechos 8:24

Itac'ov li Simone: —C'opanbicun Dios ta jtojol ec li vo'oxuque, yu'un jech mu me xc'ot ta pasel ta jtojol jech chac c'u cha'al laj avalbune —xi.

1 Corintios 14:4

Li boch'otic chc'opojic ta yan c'ope, ja' no'ox sventa tstsatsub yo'ntonic ta stojol Dios stuquic. Yan li boch'otic ja' chalic c'usi tsc'an Diose, ja' sventa tstsatsub ta stojol Dios li jch'unolajeletique.

Hebreos 1:1

Li Diose ep ta velta la sc'opan ta sventa j'alc'opetic li jmoltot jyame'tic ta vo'onee, xchi'uc ep ta chop c'u x'elan la sc'opan.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

1 Juan 5:16

Me ta xquiltic ti oy jchi'iltic ta spasilan c'usi chopol ti ma'uc to sventa ch'ayele, ja' sc'an ta jc'opanbetic Dios ta stojol, jech ch-ac'bat xcuxlejal yu'un Dios me ma'uc to sventa ch'ayel li mulil tspase. Yu'un oy mulil ti ja' sventa ch'ayele. Ta sventa le'e, mu'yuc chacalboxuc ti ac'o ac'opanbeic Dios ta stojole.

1 Samuel 12:19

Scotol israeletic jech lic yalbeic li Samuele: —C'anbo vocol Muc'ul Dios ta jventacutic yu'un mu me xichamcutic. Yu'un la jta tsots jmulcutic ta sventa ti la jc'ancutic jun ajvalil cu'uncutique —xiic.

1 Samuel 12:23

Li vu'une, Muc'ul Dios ac'o scoltaun ti mu me jta jmul ta stojol ta sventa ti ta jquechan sc'anel vocol ta atojolique. Ja' no'ox venta laj calboxuc ava'yic ti bu lec tuc' be tsc'an chabatique.

1 Samuel 7:5

Li Samuele jech lic yal: “Tsobo abaic acotolic te ta Mizpa. Vu'un ta jc'anbe vocol Muc'ul Dios ta atojolic”, xut.

1 Samuel 7:8

Jech lic yalbeic li Samuele: “Mu me xacomtsan sc'anbel vocol Muc'ul Dios ta jtojolcutic, yu'un jech ac'o scoltauncutic loq'uel ta sc'ob li filistaetique”, xutic.