Génesis 20:5 - Bible in Tzotzil de Chenalhó with Deuterocanon

⁵ Yu'un li Abrahame laj yal stuc ti ja' yixlale, jech ec li antse laj yal ta jamal ti ja' xi'mele. Ja' yu'un scotol co'nton la jch'un ti mu'yuc jmul ti jech la jpase”, xi.

Bible in Tzotzil de Chamula

⁵ Yu'un laj yal stuc ti Abrahame ti ja' xchi'il ta voq'uel ti antse. Jech ti antse laj yal ec ti ja' xchi'il ta voq'uel ti vinique. Jech ti c'usi laj jpase, laj jpas ta slequil co'nton scotol. Mu'yuc c'usi chopol laj jpas.”

Génesis 20:5 Iomraidhean Croise

Génesis 12:13

Pero ti c'u cha'al lec chiyilicune, ti mu xismilicun ta acoje, avocoluc albeic ti vu'un axi'melune”, xut li yajnile.

Génesis 20:13

C'alal laj yalbun Dios ti ac'o loc'cun batel ta sna jtote, li cajnile laj calbe ti ac'o yal ti ja' xi'melun c'alal me oy bu chic'otcutic ta jujun lume —xi.

Génesis 20:16

Jech laj yalbe ec li Sarae: —Ti c'u yepal laj cac'be li axi'mele, ja' co'ol xchi'uc jmil (1,000) ta sep saquil taq'uin. Jech chvinaj ta stojol scotol boch'otic te achi'uquic ti mu'yuc amule. Mu'yuc boch'o xu' chopol chc'opoj ta atojol —xut.

1 Reyes 9:4

Me lec chapas aba ta jtojol jech chac c'u cha'al la spas li David, ja' li atote, me jun avo'nton chach'un li c'usitic calojbote xchi'uc me ja' chapasilan o batel li mantaletic, li chanubtaseletic cu'une,

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

1 Crónicas 29:17

Dios cu'un, jna'oj lec ti xavotquin c'usi oy ta co'ntoncutique, xchi'uc ti ja' lec chavil me lec c'usi ta jpascutique. Ja' yu'un ta sventa slequil co'nton laj cac'bot scotol li c'usi li' oye. Toj xcuxet no'ox co'nton, yu'un chquil ti ta sjunul yo'ntonic laj yich'ic tal amoton li jchi'iltac li' tsobolique.

Job 33:9

‘Li vu'une lec oyun, mu'yuc jmul; mu'yuc c'usi chopol jpasoj, mu'yuc mulil ta co'nton.

Salmos 24:4

Ja' no'ox li boch'o sac sc'ob xchi'uc sac yo'ntone, ti muc xich' ta muc' li c'usitic mu'yuc stue, ti muc st'abbe sbi Dios ta sventa epalc'ope.

Salmos 25:21

Chabiun ta sventa ti jun co'nton, ti tuc' co'nton ta atojole, yu'un ja' no'ox te cac'oj o co'nton ta atojol.

Salmos 26:6

Pocbil xa lec li jc'obe; mu'yuc xa li jmule, jech xu' xa chinopaj batel ta sts'el li scajleb amotone.

Salmos 7:8

Muc'ul Dios, vo'ot ti chachapan scotol cristianoetique, chapanun me ta sventa ti c'u yepal tuc' c'usi jpasoje; chapanun me ta sventa ti c'u yepal lec c'usi jnopoje.

Salmos 7:9

Dios, vo'ot ti tuc' avo'ntone, aviloj scotol c'usitic ta jnopcutic; xana' c'usi oy ta yut co'ntoncutic. Lajesbo sc'oplal c'usi chopol tsnop li boch'otic chopolique. Pasbo o ta jun yo'ntonic ta atojol li boch'otic lequique.

Salmos 73:13

Li vu'une altic laj cac' persa la jchabi jba ta sventa li c'usi chopole, ti mu'yuc bu laj quic'ubtas jc'ob ta spasel li muliletique,

Salmos 78:72

Li Davide lec la xchabibe li steclumal Diose; scotol yo'nton, yutsil yo'nton la sventain, la stojobtas.

Proverbios 11:3

Li boch'o tuc' yo'ntonique ja' chtojobtasatic batel yu'un li stuq'uil yo'ntonique; yan li boch'otic chopol yo'ntonique ta xmilatic yu'un li xchopolilique.

Proverbios 20:7

Li boch'o tuc' yo'ntone ja' tspas li c'usi tuq'ue, jech toj lec chbat ta ts'acal li xnich'nabe.

Daniel 6:22

Li Dios cu'une la stac tal yaj'almantal; ja' la smacbe ye li leonetique yu'un jech mu me xisti'icun. Yu'un mu'yuc jmul ta stojol, xchi'uc mu'yuc jmul ta atojol ec ajvalil, mu'yuc c'usi chopol jpasoj —xi.

2 Corintios 1:12

Oy c'usi ti toj jun co'ntoncutic yu'une, ja' ti jna'oj lec ta jol ta co'ntoncutic ti lec jchabioj jbacutic, ti lec jq'ueloj jbacutic ta stojol Dios li' ta banamile. X'ech' to jech la jpascutic te ta atojolic li vo'oxuque, pero muc ta jbijiluc jtucutic, ja' ta sventa slequil yo'nton ta scoltauncutic li Diose.

1 Tesalonicenses 2:10

Vo'oxuc testigooxuc, xchi'uc ja' testigo ec li Diose ti ta melel tuc' co'ntoncutic, ti lec c'usi la jpascutic, ti mu'yuc jmulcutic c'alal te oyuncutic ta atojolic vo'oxuc li jch'unolajeloxuque.

1 Timoteo 1:13

Ac'o me ep to'ox c'usi yan xquich' xcal ta stojol, laj to'ox jcontrain xchi'uc la jchopolc'opta. Pero la xc'uxubinun, yu'un mu to'ox jna'be smelol, yu'un mu'yuc to'ox jch'unojbe li sc'ope.

Josué 22:22

—Li Muc'ul Diose, ja' li Dios yu'un scotol yantic diosetique, lec sna', xchi'uc ja' chac' ana'ic ec li vo'oxuque ti muc ja'uc jech jnopojcutic jech chac c'u cha'al chavalique. Yan me ja' jech jnopojcutic ti jech la jpascutique, mu me xats'icbuncutic; miluncutic comel.