Génesis 20:3 - Bible in Tzotzil de Chenalhó with Deuterocanon

³ Pero li Abimeleque te no'ox ta yac'ubalil ic'opanat ta xvayech yu'un li Diose. Jech i'albat: “Ta xacham, yu'un li ants laj aviq'ue oy smalal”, x'utat.

Bible in Tzotzil de Chamula

³ C'u stu un, ta ac'ubaltique, laj yil ta xvaich ti Abimeleque, ti xi albat yu'un ti Diose: “Ta xacham, yu'un ti ants laj aviq'ue, oy smalal.”

Génesis 20:3 Iomraidhean Croise

Génesis 12:17

Ta sventa li Saraie, li Muc'ul Diose tsots laj yac'be stoj smulic li faraón xchi'uc yajnil xnich'nabe, jech itsacatic ta tsots chameletic.

Génesis 12:18

Ja' yu'un li faraone lic stac ta iq'uel li Abrame. Jech laj yalbe: “¿C'u yu'un ti jech laj apasbune? ¿C'u yu'un muc xavalbun ti me ja' avajnil li ants li'i?

Génesis 20:7

Ja' yu'un li' ta orae ac'bo sutel yajnil li vinique, yu'un li stuque ja' jun j'alc'op. Ja' ta sc'an vocol ta atojol, yu'un ac'o to cuxian. Pero me mu xasutesbe li yajnile, ta me xacham achi'uc scotol li boch'otic oy avu'une”, x'utat.

Génesis 28:12

Te ivaychin. Te laj yil ta xvayech jun tec'ubal xlic ta banamil xc'ot c'alal ta vinajel. Te xyal xmuyic yaj'almantal Dios laj yil.

Génesis 31:24

Pero ta yac'ubalil no'ox ic'opanat ta xvayech yu'un Dios li Labane, ja' li arameo vinique. Jech i'albat: “A'yo ava'ay, mu me xac'aq'uetuc xc'ot ac'opan li Jacobe”, x'utat.

Génesis 37:5

Li Josee ivaychin. Laj yalbe ya'ay li sbanquiltaque, pero yo'to la scontrainic o.

Génesis 37:9

Li Josee ivaychin yan velta noxtoc. La xcholbe noxtoc li sbanquiltaque, jech laj yalbe: —Livaychin yan velta noxtoc. Ta jvayech laj quil la snijan sbaic ta jtojol li c'ac'ale, xchi'uc li ue, xchi'uc buluchib (11) c'analetic —xut.

Génesis 40:5

Ta yan ac'ubal, ivaychin li banquilal j'ac'ya'lel ts'usube, xchi'uc li banquilal yu'un jpaspane, pero oy smelol li xvayechic jujunique.

Génesis 40:8

Itac'ovic: —Yu'un oy jvayechcutic, pero mu'yuc boch'o chiyalbuncutic c'usi smelol —xiic. —¿Me mu xu' yu'un chiyalbutic c'usi smelol li Diose? Albicun ca'ay c'usi li avayechique —xut.

Génesis 46:2

Te ta yac'ubalil ic'opanat ta xvayech yu'un Dios li Israele. Jech i'albat: —Jacob —x'utat. —Li' oyune —xi itac'ov li Jacobe.

1 Crónicas 16:21

Pero li Diose me jutuc muc xac' ta uts'intael; ja' laj yac'be svocolic li ajvaliletique:

Job 33:15

Oy chisc'opanutic ta jvayechtic, ta jch'uleltic; oy chisc'opanutic c'alal ja' to no'ox ch-och jvayeltic, xchi'uc c'alal ja'o batem lec jvayeltic.

Job 33:17

yu'un jech ac'o scomtsan li c'usi chopol tspase; ac'o svoc' sba ta sventa li toybaile.

Salmos 105:14

Pero li Muc'ul Diose muc xac' lajicuc ta uts'intael; laj yalbe tsots mantal li muc'tic ajvaliletique, jech laj yalbe:

Jonás 3:4

Jech te i'och batel ta lum li Jonase; ja' jun c'ac'al ixanov batel. Te x'avet batel, jech laj yal: “Le' ta cha'vinic (40) c'ac'ale ta xlaj scotol li lum li'i”, xi.

Números 22:9

Li Diose laj yac' sba ta ilel ta stojol li Balaame, jech la sjac'be: —¿Boch'otic li viniquetic li' achi'inoje? —xut.

San Mateo 1:20

C'alal jech snopoj li Josee, ivaychin. Ta xvayech laj yil jun yaj'almantal Dios, jech i'albat: “José, vo'ot smomnich'onot David, mu xaxi' chavic' li Mariae, yu'un li yol xchi'inoje ja' ac'bil yu'un Ch'ul Espíritu.

San Mateo 27:19

C'alal te chotol ta xchotleb sventa chchapanvan li Pilatoe, la stac tal mantal li yajnile, jech laj yal: “Bijan me, mu me c'usi chopol xapasbe li lequil vinic le'e. Yu'un ep jvocol ta xvaychinel ta ac'ubaltic nax”, xi.