Génesis 20:2 - Bible in Tzotzil de Chenalhó with Deuterocanon

² C'alal te xa oyique, laj yal ti ja' yixlal li yajnile, ja' li Sarae. C'alal laj ya'ay li Abimeleque, ja' li ajvalil ta lum Gerare, laj yal mantal ti ac'o ic'batuc batel li Sarae yu'un tsc'an ta xic'.

Bible in Tzotzil de Chamula

² C'alal tey xa oyique, lic yalilan ti ja' xchi'il ta voq'uel ti Sarae, ti c'alal ja' yajnile. Va'i un, ti Abimelec ajvalil yu'un ti jteclum Gerare, laj yal mantal ti ac'o ic'batuc talel ti Sarae yo' jech ta xajnilin.

Génesis 20:2 Iomraidhean Croise

Génesis 12:15

Jech laj yilic ec li yajcoltaubbailtac ta abtel faraone, ja' li ajvalil ta Egiptoe. Jech bat yalbeic faraón ti toj c'upil sba li Saraie. Jech te laj yiq'uic batel ta spasubmantal li faraone.

Génesis 20:12

Melel ono'ox ti ja' jchi'il ta voq'uele, yu'un ja' stseb li jtote. Ja' no'ox ti mu jmojuc jme'cutique, ja' yu'un laj quic'.

Génesis 21:22

Ja'tic van jech yorail ti c'alal ibat sc'opan Abraham li Abimeleque. Te xchi'inoj batel Ficol, ja' li banquilal soldado yu'une. Li Abimeleque jech laj yalbe li Abrahame: —Scotol li c'usi chapase chquilcutic ti ja' Dios chascoltaote.

Génesis 26:1

C'alal jech orae, ital tsots vi'nal ta scotol banamil yo' bu nacal li Isaaque. Co'ol jech chac c'u cha'al ital vi'nal c'alal cuxul to'ox li Abrahame. Ja' yu'un li Isaaque ibat nacluc ta Gerar yo' bu nacal li Abimelec, ja' li ajvalil yu'un filistaetique.

Génesis 26:16

Ts'acal to, li Abimeleque jech lic yalbe li Isaaque: —Loc'an batel li'i, yu'un vo'ot no'ox toj jc'ulejot cu'uncutic —xut.

Génesis 26:7

Li Isaaque te lic jac'batuc yu'un jnaclumetic c'usi yutoj li Rebecae. Li Isaaque ixi', jech muc jamaluc laj yal ti ja' yajnile. Laj yal ti ja' yixlale. Yu'un li Rebecae toj c'upil sba, jech la snop Isaac ti xu' ta xmilat yu'un li viniquetic tee.

2 Crónicas 19:2

Te ibat c'opanatuc yu'un jun j'alc'op Jehú xnich'on Hanani, jech ijac'bat: “¿C'u yu'un ti ja' chacolta li boch'otic chopolique, xchi'uc ti chapas ta co'ol avo'nton achi'uc li yajcontra Muc'ul Diose? Ta sventa ti jech laj apase, li Muc'ul Diose ilinem ta atojol.

2 Crónicas 20:37

Ja' yu'un li Eliezer xnich'on Dodava liquem ta lum Maresae lic yal c'usi chc'ot ta pasel ta stojol li Josafate, jech laj yal: “Ta sventa ti laj apas ta co'ol avo'nton achi'uc li Ocoziase, li Muc'ul Diose chaslilinbot li avabtele”, xut. Jech ic'ot ta pasel. Biq'uitic ililij li barcoetique, jech muc xu' yu'un xbatic o ta Tarsis.

2 Crónicas 32:31

Li banquilaletic ta Babiloniae la stac tal jayibuc svinictac sventa tal svu'lanic li Ezequiase, xchi'uc tal sjaq'uic c'u x'elan li senyail stsatsal la spas Muc'ul Dios te ta yosilalique. Li Diose la scomtsan stuc li Ezequiase, yu'un tsc'an tsq'uel c'usi snopoj, c'usi oy ta yo'nton.

Proverbios 24:16

Ac'o me chyal ta lum vucubuc velta li boch'o tuc' yo'ntone, ta ono'ox stam sba liquel yan velta; yan li boch'o chopolique te chyalic o ta lum ta scoj svocolic.

Proverbios 29:25

Me ja' chijxi'utic yu'un li cristianoetique, ta xchucvan jech chac c'u cha'al lasu; yan me ja' ta jpat co'ntontic ta stojol li Muc'ul Diose, mu'yuc xi'el chca'itic.

Proverbios 6:29

Ja' jech li boch'o ta sc'opanbe yajnil xchi'ile, ta persa tstoj smul.

Eclesiastés 7:20

Ta melel mu'yuc boch'o li' ta banamil ti bats'i ven tuq'ue ti me jutuc mu sta smule.

Efesios 4:25

Ja' yu'un comtsanic li epalc'ope; meleluc scotol li c'usitic chavalbe abaique. Yu'un jun no'ox c'otemoxuc, jmoj atsacoj abaic ta acotolic.

Colosenses 3:9

Mu xa me xavepalc'opta abaic, yu'un laj xa ajipic comel li poco' atalelique xchi'uc li yabtelal chapasic to'oxe.