Génesis 20:11 - Bible in Tzotzil de Chenalhó with Deuterocanon

¹¹ Itac'ov li Abrahame: —Yu'un la jnop ti mu'yuc boch'o yich'oj ta muc' Dios li' ta lume, jech xu' chismilicun ta scoj li cajnile.

Bible in Tzotzil de Chamula

¹¹ Jech ti Abrahame xi laj staq'ue: —Yu'un ti lum li'e, laj jnop ti mu'yuc buch'u ta xi'taic ti Diose, ti xu' xtoc ta xilaj ta milel ta scoj ti cajnile.

Génesis 20:11 Iomraidhean Croise

Génesis 12:12

C'alal me laj yilicot li egiptoetique, jech chlic yalbe sbaic: ‘Li ants li'i ja' yajnil li vinic le'e’, xiic. Jech chlic smilicun; yan li vo'ote mu'yuc ta smilicot, yu'un ta xiq'uicot.

Génesis 20:10

¿C'usi anopoj ti c'alal jech laj apase? —x'utat yu'un Abimelec li Abrahame.

Génesis 20:12

Melel ono'ox ti ja' jchi'il ta voq'uele, yu'un ja' stseb li jtote. Ja' no'ox ti mu jmojuc jme'cutique, ja' yu'un laj quic'.

Génesis 22:12

Jech laj yal li j'almantale: —Mu me c'usi xapasbe li quereme, yu'un jna'oj ti chavich' ta muc' li Diose, yu'un muc xajalan ti c'ajumal jun anich'on oye —x'utat.

Génesis 26:7

Li Isaaque te lic jac'batuc yu'un jnaclumetic c'usi yutoj li Rebecae. Li Isaaque ixi', jech muc jamaluc laj yal ti ja' yajnile. Laj yal ti ja' yixlale. Yu'un li Rebecae toj c'upil sba, jech la snop Isaac ti xu' ta xmilat yu'un li viniquetic tee.

Génesis 42:18

Ta yoxibal c'ac'al jech laj yalbe: —Li vu'une quich'oj ta muc' li Diose. Pasic jech chac li'i, jech mu xavich'ic milel:

Nehemías 5:15

Pero li yantic ajvaliletic ti ba'yuc ijelovique laj yac'beic ep svocol li jchi'iltactique, yu'un ta jujun c'ac'al la sc'anic cha'vinic (40) ta sep saquil taq'uin sventa sve'elic, xchi'uc ya'lel sts'usubic. Jech noxtoc li xchi'iltac ta abtele toj muc' la spas sbaic ta stojol li jchi'iltactique. Yan li vu'une mu'yuc jech la jpas, yu'un ja' quich'oj ta muc' li Diose.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 28:28

Jech laj yalbe li cristianoetique: ‘A'yo ava'yic, me chavich'icun lec ta muq'ue, ja' abijilic chc'ot; me chacomtsanic li c'usi chopole ja' sjamubil aba asatic chc'ot’, xi.

Salmos 14:4

Mu xa'ibeic o smelol li boch'otic chopol c'usi tspasique. Ja' tsti'ic ya'yel li steclumal Diose; tstsaquic jech chac c'u cha'al tstsac pan sve'ic. Mu'yuc ta yo'nton tsc'anbeic vocol li Muc'ul Diose.

Proverbios 1:7

Li sliqueb c'u x'elan chijbijube ja' ti chquich'tic ta muc' li Muc'ul Diose; li boch'otic bolique ta sbajic li bijubtasel xchi'uc chanubtasele.

Proverbios 16:6

Ta sventa c'uxubinel xchi'uc smuc'ul o'ntonal ta xch'ay li mulile; ta sventa yich'el ta muc' Muc'ul Dios ta xcom yu'un c'usi chopol li cristianoetique.

Proverbios 2:5

chlic ana' c'u x'elan ta ich'el ta muc' li Muc'ul Diose, chlic avotquin batel c'usi tsc'an li Diose.

Proverbios 8:13

Li boch'o chich' ta muc' Muc'ul Diose ja' xa tscontrain o li c'usi chopole. Li vu'une contra chquil li toybaile, li boch'o toj muc' yac'oj sba, li c'usitic yan chopole, xchi'uc li epalc'ope.

Romanos 3:18

Mu'yuc xi'bal sba cha'yic li Diose”, xi ts'ibabil.