Génesis 2:9 - Bible in Tzotzil de Chenalhó with Deuterocanon

⁹ Laj yac' ch'iuc noxtoc ep ta chop te'etic toj c'upilic sba, lec ta lo'bel sat. Te ta o'lol li ts'unubaltique laj yac' ch'iuc jpets te' sventa cuxlejal, xchi'uc jpets te' sventa chac' ta na'el c'usi lec xchi'uc c'usi chopol.

Bible in Tzotzil de Chamula

⁹ Ja' jech xtoc laj yac' ch'iuc ep ta tos lequil te'etic ti lec ta lo'bel ti sate. Ti ta o'lol ts'unubale, laj yac' ch'iuc ti j'ac'-cuxlejal te'e, xchi'uc ti te' ta xac' ta na'el ti leque xchi'uc ti chopole.

Génesis 2:9 Iomraidhean Croise

Génesis 2:17

Ja' no'ox mu xalo'be sat li jpets te' ti ja' sventa chac' ta na'el c'usi lec, xchi'uc c'usi chopole, yu'un me chalo'e, ta xacham”, xut.

Génesis 3:22

Jech laj yal: “Li' ta orae ja' xa jech ic'ot jech c'u cha'al vu'utic li vinique, yu'un laj xa sna' c'usi lec xchi'uc c'usi chopol. Mu xa xu' chbat stul yan velta li sat te' sventa cuxlejale yu'un me la slo'e, jech xu' chcuxi o sbatel osil”, xi li Muc'ul Diose.

Génesis 3:24

C'alal laj xa'ox sloq'ues batel li vinique, la stac tal querubinetic te ta ts'unubaltic ta sloq'ueb c'ac'al, xchi'uc jun espada xpulpun no'ox, yu'un ja' tsjoyibta ta jujujot sventa mu me boch'o xbat yo' bu oy li jpets te' sventa cuxlejale.

Génesis 3:3

Ja' no'ox mu xu' ta jlo'becutic sat li jpets te' te ta o'lol ts'unubaltique. Laj yalbuncutic Dios ti mu xu' ta jlo'cutique, ti mu xu' ta jpicutique. Me jech ta jpascutique, ta xichamcutic —xi.

Génesis 3:5

Yu'un li Diose sna'oj ti chjam asatic me laj alo'ique; chlic ana'ic c'usi lec xchi'uc c'usi chopol. Chaco'lajic jech chac c'u cha'al Dios —xi.

Proverbios 11:30

Li yabtel boch'o tuc' yo'ntone ja' chac' cuxlejal; li boch'o ch-ic'van ta lequil bee ja' bij.

Proverbios 3:18

Li jbijiltique ja' jech chc'ot jech chac c'u cha'al te' sventa cuxlejal ta sventa li boch'otic tsc'ane; xcuxet no'ox yo'ntonic li boch'o laj xa sta sbijilique.

Isaías 44:25

Vu'un ta jsoquesbe senyail yu'unic li boch'otic oy c'usi xchanojic spasele; vu'un ta jch'aybe sjolic li jt'unuletique. Ta xcac' socuc sc'opic li boch'otic lec bijique; ta xcac' ta ilel ti ja' bol cristianoetique.

Isaías 47:10

Yu'un atuc no'ox avac'oj aba ta spasel li c'usi chopole, jech laj anop: ‘Mu'yuc boch'o chiyilun’, xachi. Ta abijil no'ox lalaj ta lo'lael, jech laj anop: ‘Jtuc no'ox xu' cu'un, mu'yuc yan’, xachi.

Ezequiel 31:16

C'alal tsta yorail chyal batel ta yavil animaetic li te'e, ti jmoj chbat stsob sba xchi'uc li yantic ti yalemic xa batel ta ch'ene, ta xnic jujun banamil yu'un yipal ti c'alal chyal batele. Scotol li te'etic te ta Edén xchi'uc ta Líbano ti toj lequic, ti oy lec ya'lelique, chmuq'uib yo'ntonic ta sventa c'usi tspas li yutil banamile.

Ezequiel 31:18

Mu'yuc bu jech yan te' te ta Edén ti co'ol yutsil, ti co'ol snatil, ti co'ol smuc'ul xchi'uque. Pero co'ol ono'ox chyalic batel ta yut banamil xchi'uc li te'etic te ta Edene yu'un jech chbat xchi'inic ta naclej li boch'otic mu'yuc yich'ojic circuncisione xchi'uc li boch'otic imilatic ta espadae. Li jtec' te'e ja' sc'oplal li faraone xchi'uc scotol li yepal xchi'iltaque’, uto”, xiyutun li Muc'ul Diose.

Ezequiel 47:12

Ta xcha'jotal sti' li uc'ume ta xch'i ep ta chop jsatinom te'etic. Mu'yuc ta xlilij o yanal; mu'yuc ta xlaj yo'nton o ta satinel. Ta jujun u chyijub li sate, yu'un lec ch-ach' ta sventa li vo' chloc' tal ta ch'ulnae. Li sate ja' sventa chich' lo'el; li yanale ja' chtun ta sventa poxil”, xiyutun.

San Juan 6:48

Vu'un li vaj sventa chacuxiic oe.

1 Corintios 8:1

Li'i ja' xa chacalboxuc tal sc'oplal li milbil matanal ta sventa c'usitic cuybilic ta diose. Ta jna' ti acotolic xa xana'beic lec smelole. Pero me ja' no'ox chcaltic ti jna'betic xa smelole, xu' chlic jtoy jbatic o. Yan me ja' jna'tic lec xijc'anvane, ja' sventa chijtsatsubutic.

Deuteronomio 6:25

Ja' yu'un li vu'utique toj lec ti me bijutic scotol c'ac'ale, yu'un jech ac'o c'otuc ta pasel cu'untic ta stojol Dios li mantaletic li'i, jech chac c'u cha'al yalojbutic ono'ox Muc'ul Dios ti ac'o jpastique’, utic li anich'nabique.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 22:2

Ta o'lol li muc'ta xoral yu'un lume, xchi'uc ta jujujot ti' uc'ume te ch'iem te'etic sventa cuxlejal. Lajchab velta tsatin ta jun jabil, jujun velta tsatin ta jujun u. Li yanale ja' sventa chcolic ta chamel scotol li cristianoetic te oyique.