Génesis 2:5 - Bible in Tzotzil de Chenalhó with Deuterocanon

⁵ mu'yuc to'ox ch'iemic li te'etique xchi'uc mu'yuc to'ox chjavan tal li ts'i'laletique. Yu'un li Muc'ul Diose mu'yuc to laj yac' taluc vo' ta banamil, xchi'uc mu'yuc to'ox boch'o chabtelan li banamile.

Bible in Tzotzil de Chamula

⁵ mu'yuc to ox bu voq'uem ti te'etique, ti momoletique, yu'un ti Dios ti ja' Ajvalile, mu'yuc to laj yac' taluc vo' ta banomile, mi ja'uc oy buch'u ta xabtelan.

Génesis 2:5 Iomraidhean Croise

Génesis 2:6

Pero oy ono'ox ta xloc' talel vo' te ta banamil yu'un ja' chat'es scotol li banamile.

Génesis 3:23

Ja' yu'un li Muc'ul Diose la sloq'ues batel ta ts'unubaltic Edén li vinique. Lic yac' abtejuc ta banamil ti bu ono'ox ilic tal sbec'tale.

Génesis 4:12

Ac'o me cha'abtej ta banamil, pero mu'yuc ta xac' sat li c'usitic chats'une. Jech noxtoc jcotcovil chabat o. Mu'yuc bu chata ti xu' chacux avo'ntone —x'utat.

Génesis 4:2

Ts'acal ivoc' noxtoc li Abele, ja' li yits'in Caine. Li Abele ja' yabtel ta sts'un chij. Yan li Caine ja' yabtel tsts'un c'usitic chloc' ta banamil.

Job 5:10

Ja' chac' tal vo' ta banamil; ja' chat'es li osil banamile.

Salmos 104:14

Vo'ot chavac' ch'iuc ts'i'laletic sventa tslo'ic li chonbolometique, xchi'uc vo'ot chavac' ch'iuc c'usitic tsts'unic li cristianoetique, yu'un jech tsta o sve'elic li' ta banamil.

Salmos 135:7

Ja' chac' toyuc muyel li toquetic te oy ta jujujot sti' banamile; ja' chac' bac'uc noxtoc li chauquetic li sacsevuletic sventa chtal vo'e; ja' tsloq'ues tal ta yavil noxtoc li muc'tic iq'ue.

Jeremías 10:12

Li Muc'ul Diose ta svu'el la spas li banamile; ta sbijil la xchapan, la snacan lec li osil banamile, xchi'uc ta sventa sbijil la xlich'an batel li vinajele.

Jeremías 10:13

Ta sc'op no'ox ta xbac' li chauque, jech ta stsob sba li epal vo' ta vinajele; ja' ta xac' muyuc li toquetic oy ta jujujot sti' banamile. Ja' ta xac' noxtoc li sacsevuletic c'alal chac' vo'e. Ja' ta sloq'ues tal noxtoc li iq'uetic ti bu tsobol yu'une.

Jeremías 14:22

¿Me yu'un xu' chaq'uic tal vo' li yantic diosetique? ¿Me yu'un xu' chac' tal vo' stuc li vinajele? Mu'yuc, vo'ot no'ox atuc chavac' talel vo', vo'ot li Muc'ul Diosot cu'uncutique. Yu'un vo'ot chapas scotol, ja' no'ox ta jmalacutic li c'usi chapase.

San Mateo 5:45

Yu'un jech ta xvinaj o ti vo'oxuc xnich'naboxuc li Jtotic Dios ta vinajele. Yu'un li Diose co'ol ta xac' q'uepuc ta stojol li boch'otic chopolique xchi'uc li boch'otic lequique. Co'ol chac'be vo' li boch'otic tuc' yo'ntonique xchi'uc li boch'otic muc tuc'uc yo'ntonique.

Hebreos 6:7

Nopo ava'yic c'u x'elan li banamile. Ti c'alal chaq'uilan vo'e, chuch'ilan. Jech lec chch'i li c'usitic chtun cu'untique, yu'un chich' li bendición chac' Diose.