Génesis 2:22 - Bible in Tzotzil de Chenalhó with Deuterocanon

²² Li Muc'ul Diose lic spas ta jun ants li xch'ilte'e. Te la sva'an ta stojol li vinique.

Bible in Tzotzil de Chamula

²² Yu'un ti Dios ti ja' Ajvalile laj sjoybin ta jun ants ti ch'ilte'il taje. Bat sva'an ta stojol ti vinique.

Génesis 2:22 Iomraidhean Croise

Génesis 2:19

Li Muc'ul Diose ta ts'u'ilum la spas scotol li chonbolometique xchi'uc li mutetique. Ts'acal to la stsob tal scotol ta stojol li vinique yu'un ac'o yac'anbe sbi. Li vinique lic yac'be sbi li chonbolometic ti stac' ts'unele, xchi'uc ti mu stac' ts'unele, xchi'uc scotol li mutetique. Ti c'u x'elan laj yac'be sbi jujuchope ja' jech icom o. Pero li Adane mu xloc' yajcoltaubbail o te ta chonbolometic.

Salmos 127:1

Me mu xiscoltautic ta spasel jbej na li Muc'ul Diose, altic chac' svocolic li j'abteletique. Me mu ja'uc Muc'ul Dios chchabi li lume, altic te va'ajtic o ta xchabiel li jchabilumetique.

Proverbios 18:22

Li boch'o sta yajnile ja' xa la sta li c'usi leque; ja' svinajeb ti c'uxubinbil yu'un Muc'ul Diose.

Proverbios 19:14

Li jnatic xchi'uc c'usi oy cu'untique, ta sventa jtot jme'tic ta jtatic; yan li bijil ants ta jtatic ta iq'uele ja' chijyac'butic li Muc'ul Diose.

1 Timoteo 2:13

Yu'un ja' ba'yuc ipasat yu'un Dios li Adane; ja' ts'acal ipasat li Evae.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.