Génesis 2:2 - Bible in Tzotzil de Chenalhó with Deuterocanon

² Li Diose la xcux yo'nton ta svucubal c'ac'al, yu'un meltsajem xa'ox yu'un scotol.

Bible in Tzotzil de Chamula

² Ti ta yucubal c'ac'ale, laj xcux yo'nton ti Diose, yu'un tsutsem xa ox yu'un ti c'usitic laj smeltsane.

Génesis 2:2 Iomraidhean Croise

Génesis 1:31

Scotol li c'usitic pasbil yu'un Diose toj lec laj yil. Ja' jech la spas ta svaquibal c'ac'al. Jech i'ic'ub osil, isacub ta yoc'omal.

Génesis 2:3

Jech laj yac'be bendición li svucubal c'ac'ale, yu'un ja' jun c'ac'al ti voc'bil yu'une. Yu'un li jun c'ac'al le'e ja'o la xcux ta sventa li yabtel la spase.

Éxodo 23:12

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, yu'un jech xu' chcuxic lec ec li avacaxique, li aburoique. Xchi'uc jech xu' chcuxic ec li amozoique xchi'uc li yanlumetique.

Éxodo 31:15

Vaquib no'ox c'ac'al xu' cha'abtejic. Yan ta svucubal c'ac'ale ja' sc'ac'alil chacux avo'ntonic; ja' voc'bil cu'un, vu'un li Muc'ul Diosune. Me oy boch'o ta x'abtej avu'unic ta sc'ac'alil chacux avo'ntonique, ac'o yich' milel’, uto li achi'iltaque.

Éxodo 31:17

Ja' jun senyail chcom o cu'untic, vo'oxuc li israeloxuque”, x'utat yu'un Muc'ul Dios li Moisese. Yu'un li Muc'ul Diose ta vaquib no'ox c'ac'al imeltsaj yu'un li vinajel banamile. Yan ta svucubal c'ac'ale muc xa x'abtej; la xcux yo'nton.

Isaías 58:13

“Chabiic me li sc'ac'alil chacux avo'ntonique; mu me xachonolajic, mu me xamanulajic ta yorail li ch'ul c'ac'al cu'une. Li jun c'ac'al le'e, ja'uc me sc'ac'alil ti xcuxet no'ox avo'ntonique; ja'uc me ch'ul c'ac'al chc'ot avu'unic sventa chavich'icun ta muc'. Tsotsuc me sc'oplal chava'yic, mu me bu xaxanovic; mu me xachonolajic, mu me xamanulajic; mu me xachapan ava'yejic.

San Juan 5:17

Li Jesuse jech laj yalbe li j'abteletic yu'un judioetique: —Li Jtote ta to x'abtej. Jech ta xi'abtej ec li vu'une —xut.

Deuteronomio 5:14

Yan ta svucubal c'ac'ale ja' sc'ac'alil chacux avo'ntonic. Ja' voc'bil cu'un, vu'un li Muc'ul Diosune. Mu me junuc boch'o x'abtej avu'unic li jun c'ac'al le'e, manchuc me aquerem, me atseb, me amozo, me aquiara, me aca', me avacax, me aburo, me jcotuc c'usitic oy avu'unic, me yanlum cristiano ti te nacal ta alumalique. Ja' tsc'an co'ol chacux avo'nton achi'uc li amozoic xchi'uc li aquiaraique.

Hebreos 4:10

Yu'un li boch'otic ch-ochic yo' bu chcux yo'ntonique chcux yo'ntonic ta abtel noxtoc, jech chac c'u cha'al la xcux yo'nton ta yabtel ec li Diose.

Hebreos 4:4

Yu'un oy bu ts'ibabil c'usi la spas ta svucubal c'ac'al li Diose, jech chal: “Li Diose la xcux yo'nton ta svucubal c'ac'al, yu'un meltsajem xa yu'un scotol”, xi.