Génesis 19:5 - Bible in Tzotzil de Chenalhó with Deuterocanon

⁵ Laj yaptaic li Lote: —¿Bu oy li viniquetic li' ivulic ta ana ta ac'ubaltic naxe? Loq'uesano tal yu'un ta jc'an ta jchi'incutic ta vayel —xiic.

Bible in Tzotzil de Chamula

⁵ Xi lic yavtaic ti Lote: —¿Bu oy ti viniquetic ti talic ta ana ti ac'ubal li'e? ¡Loq'ueso talel! ¡Yu'un ta jc'an ta jchi'in ca'icutic ta vayel!

Génesis 19:5 Iomraidhean Croise

Génesis 19:6

Ja' yu'un li Lote iloc' sc'opan li viniquetique. Te la sva'an sba ta sti' sna; la smac lec li snae.

1 Reyes 14:24

Xchi'uc oy jmulavil viniquetic te oyic, Sodomaetic sbiic, la stsob sbaic ta spasel muliletic jech chac c'u cha'al la spasic li yanlum cristianoetic ti inutsbatic loq'uel yu'un Muc'ul Dios ta stojol li israeletique.

1 Reyes 22:46

La snuts loq'uel noxtoc li boch'otic tstsob sbaic ta spasel muliletic ti te to comenic yu'un li stote, ja' li Asae.

Isaías 1:9

Ti manchuc chiscomtsanutic to jutuc li Muc'ul Dios ti tspas ta mantal scotol te ta vinajele, ja' xa jech oyutic jech chac c'u cha'al Sodoma ti jechuque, co'olutic xa jech chac c'u cha'al Gomorra ti jechuque.,

Isaías 3:9

Lec xvinaj ta satic ti oy smulique, mu xa xu' tsnaq'uic; ja' jechic jech chac c'u cha'al Sodoma ti vinajem ta scotol cristianoetic ti oy smulique. Toj abul sbaic, yu'un ja' no'ox tstsob li svocol stuquique.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 6:15

¿Me oy ta xq'uexovic ta sventa ti toj chopol c'usi tspasique? Mu'yuc q'uexlal cha'yic o; bats'i mu sna' xq'uexovic o ta j'ech'el. Ja' yu'un c'alal chcac'be stoj smulique, chyalic o ta lum; nomtic mochajtic chc'otic jech chac c'u cha'al li yantique”, xi li Muc'ul Diose.

Ezequiel 16:49

Li avix Sodoma xchi'uc li yalabtac ta spat xocone ja' jech li smul la sa'e: Jtoyba, epal ve'lil oy yu'un, xcuxet no'ox yo'nton ta sventa ti ep c'usitic oy yu'une, pero mu'yuc la xc'uxubin li me'onetique xchi'uc li boch'otic oy svocolique.

Ezequiel 16:50

Solel inoj ta yo'ntonic li toybae; lic spasic scotol li c'usitic toj chopol chquile. Jech laj cules o, jech chac c'u cha'al chavil ta asatique.

Ezequiel 16:51

Li Samariae me ja'uc o'lol muc sta jech yepal smul jech chac c'u cha'al li amul laj asa'e. Vo'ot toj ech'em ijelov avu'un li c'usi toj chopol laj apase; ja' mu'yuc xa tsots smul icom avu'un ta q'uelel li avixe.

Levítico 18:22

“Mu me xachi'in aba achi'uc achi'ilic ta vinical jech chac c'u cha'al chachi'inic li antsetique. Le'e bats'i toj ven chopol me jech chapasique.

Levítico 20:13

“Li boch'o ta xmulivaj ta xchi'il no'ox sbaic ta vinical jech chac c'u cha'al ta xchi'in sbaic xchi'uc jun antse, ac'o yich' milel xchibalic. Ja' ta smul stuquic ta xchamic, yu'un toj ven chopol ta jyalel ti jech tspasique.

1 Corintios 6:9

¿Me mu xana'ic ti mu xu' ch-och yo' bu chventainvan Dios li boch'otic chopol c'usitic tspasique? Mu me xalo'la abaic. Yu'un mu xu' ch-ochic yo' bu chventainvan Dios li boch'otic chmulivajique, li boch'otic chich'ic ta muc' c'usi cuybilic ta diose, li boch'otic ta xmulivajic ta xchi'il no'ox sbaic ta antsil xchi'uc ta xchi'il no'ox sbaic ta vinicale,

Deuteronomio 23:17

“Me junuc vinic, o me ants avu'unic vo'oxuc li israeloxuque, mu me xbat yac' sba ta spasel muliletic te ta snail yo' bu tstsob sbaic ta spasel muliletic li boch'otic mu'yuc yich'ojic ta muc' Muc'ul Diose.

1 Timoteo 1:10

xchi'uc li boch'o ta xmulivajique, xchi'uc ti chmulivajic ta xchi'il no'ox sbaic ta vinicale, xchi'uc li boch'o ta xchonvanic ta mozoile, xchi'uc li j'epalc'opetique, xchi'uc li boch'o tst'abbeic sbi Dios ta sventa yepalc'opique, xchi'uc li boch'otic ta scontrainic li lequil chanubtasele.

2 Timoteo 3:13

Yan li boch'otic toj chopolique xchi'uc li jlo'lavanejetique, yo'to ech'em ta soquic o batel. Ta xlo'lavanic, pero jech lo'labil stuquic ec.

2 Pedro 2:2

Ep boch'otic ta xlic spasic jech chac c'u cha'al tspas stuquique, ti ja' no'ox tspas c'usi tsc'an sbec'talique. Ja' ta scojic ti chopol chbat sc'oplal yu'unic li sc'op Cajvaltic ti ja' melele.

2 Pedro 2:7

Pero li Diose la scolta li Lote, ti ja' tuq'uil vinique, ti vocol icuch yu'un c'usitic la spasic li chopol cristianoetique.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

Jueces 19:22

C'alal toj xcuxet no'ox yo'ntonique, ja'o te ic'otic jayibuc bol viniquetic ta lum; c'ot setubeic sna li mole, c'ot spojilanic li ti'nae. Jech laj yalbeic: —Loq'ueso tal li vinic te ochemic ta anae yu'un ta jchi'incutic ta vayel —xutic.