Génesis 19:2 - Bible in Tzotzil de Chenalhó with Deuterocanon

² Jech laj yal: —Tata, avocolicuc ta jc'an te chbat vayanic jvoyuc ta jna. Xu' te xapoc avacanic. Ja' to sob oc'om xu' xabatic —xi. Itac'ovic: —Mo'oj, colavalbuncutic. Xu' li' no'ox chivaycutic ta xoral jvoyuque —xiic.

Bible in Tzotzil de Chamula

² Va'i un, xi laj yale: —Jtot jme'tac, abolajanic, avocolicuc, ech'uc avu'unic ti ac'ubaltic ta sna ti avajtunelune. Xu' xapoc avacanic tey. Sob oc'om xu' xatam batel ti abeique. Ti stuquique xi laj yalique: —Mo'oj, colaval. Xu' ta x'ech' cu'uncutic ti ac'ubal ta osiltique.

Génesis 19:2 Iomraidhean Croise

Génesis 18:4

Ta xquich' tal jlec'uc vo' ta jpocboxuc avacanic. Ts'acal xu' chacuxic to jliqueluc ta yolon te'.

Génesis 19:1

C'alal ic'otic ta Sodoma li chib yaj'almantal Diose, yu'un xa'ox ch-ic'ub osil. Li Lote te chotol ta ti'coralton yu'un li lume, ja' te yo' bu stsobobbailic li cristianoetique. C'alal laj yil li Lote, ilic; bat snup ta be ta ora. La squejan spatan sba ta banamil.

Génesis 19:3

Pero li Lote mu xlaj yo'nton ta yiq'uel batel, jech te la xch'unic; ibatic ta sna li Lote. C'alal ic'otique, li Lote lic smeltsan lec ve'lil xchi'uc pan ti mu'yuc yich'oj svolesubil xch'ute, jech ive'ic li jvu'laletique.

Génesis 24:31

Jech laj yalbe: —Batic ta jna, vo'ot ti coltabilot yu'un Muc'ul Diose. Mu me xacomic li' ta osilaltique yu'un ch'ubabil xa lec cu'un li jnae, xchi'uc jsa'ojbe xa lec yavil bu xu' ta xvayic li acamellotaque —xut.

Génesis 43:24

Ts'acal laj yic'an batel ta sna li Josee. Laj yac'be vo' sventa tspoc yacanic, xchi'uc laj yac'be sve'el li sburoique.

2 Samuel 11:8

Ts'acal laj yalbe ti ac'o batuc ta snae, ti ac'o spoc yacane. C'alal iloc' batel ta sna ajvalil li Uriase, li Davide la stacbe batel lec sve'el sventa smoton.

Job 31:32

Li jxanubaletique mu'yuc bu te jq'ueloj ivayic ta osilaltic; persa la jam jna, laj quic' ochel.

Proverbios 25:17

Me oy chavu'lan li boch'o nopol nacalot achi'uque, mu me teuc no'ox xacujcun, naca me xlic ech'uc yo'nton avu'un, jech xu' chlic scontrainot.

Cantares 5:3

Jech la jtac'be: “Jloc'oj xa jc'u', ¿me yu'un tsc'an ta jlap yan velta? Jpocoj xa lec cacan, ¿me yu'un chcac'be yatin ic'ubal noxtoc?”, xichi.

San Lucas 7:44

Ijoyij li Jesuse, la sq'uel li antse; jech laj yalbe li Simone: —¿Me chavil c'usi tspas li ants li'i? C'alal li'och tal ta anae, muc xavac'bun vo' sventa cacan. Yan li ants li'i, laj xa spocbun cacan ta ya'lel sat. La scusbun ta stsotsil sjol noxtoc.

San Juan 13:5

La sq'ueb vo' ta pocobc'obal, lic spocbe yacan li yajchanc'optaque, la scusbe o ta poc' ti smacoj o xch'ute.

Hechos 16:15

Jech te laj yich'ic vo' sjunulic ta na. Ts'acal jech laj yalbuncutic: —Me chach'unic ti ta melel jun co'nton la jch'un Cajvaltique, avocolicuc ochanic ta jna, li' xanaquiique —xi. La sc'anbuncutic vocol ti te ac'o comcuncutic ta snae.

Hebreos 13:2

Mu me xch'ay ta avo'ntonic ti tsc'an cha'ic'van ochel ta anaique. Yu'un oy boch'o jech la spasic, jech oy bu yaj'almantal Dios laj yiq'uic ochel ta snaic, pero muc sna'ic.