Génesis 19:13 - Bible in Tzotzil de Chenalhó with Deuterocanon

¹³ Yu'un ta jlajescutic xa li lum li'i, yu'un toj ep xa staoj smulic ta stojol Muc'ul Dios li cristianoetic li' ta lume. Ja' yu'un la stacuncutic tal li Muc'ul Diose, yu'un ta jlajescutic o li lum li'i —xiic.

Bible in Tzotzil de Chamula

¹³ Yu'un ta jtubbecutic sts'unubal ti jteclum li'e. Yu'un xa ep c'ot parteal ta stojol Dios ta scoj ti jteclum li'e. Jech o xal laj stacuncutic talel ta stubbel sts'unubal ti jteclum li'e.

Génesis 19:13 Iomraidhean Croise

Génesis 18:20

Ja' yu'un li Muc'ul Diose jech laj yalbe li Abrahame: —Li jnaclumetic ta lum Sodoma xchi'uc ta Gomorrae isoc xa sc'oplalic ta jyalel yu'un toj tsots li smulique.

Judas 1:7

Ja' jech ipasbatic noxtoc li cristianoetic ta lum Sodoma xchi'uc ta lum Gomorrae xchi'uc ta lumetic ti te nopolique, yu'un solel laj yac' sbaic o ta spasel c'usi tsc'an sbec'talic ti mu xa jechuc sc'oplal ta pasele. Ja' yu'un te xa tstoj smulic o ta c'oc' sbatel osil. Ja' bijubtasel icom ta sventa scotol li yantique.

Hechos 12:23

Ta ora no'ox itsacat ta chamel yu'un jun yaj'almantal Cajvaltic, yu'un muc ja'uc laj yac' ta ich'el ta muc' li Diose. Jech lic ti'atuc yu'un slucum, jech te icham o.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.

Isaías 37:36

Jech iloc' batel li yaj'almantal Muc'ul Diose, bat smil vo'ob slajunvinic (185,000) ta mil li asiriaetic te ta scarpanaique. C'alal iliquic ta yoc'omale, puru animaetic xa te telajtic.

Isaías 36:10

¿Me chanop ti muc ta sventauc Muc'ul Dios tal jlajes, tal jsoques li banamil li'i? Li Muc'ul Diose jech laj yalbun: Batan ta banamil le'e, bat soqueso, xiyutun’, uto —xi.

Isaías 3:11

Toj abul sba li boch'o chopole, yu'un j'ech'el chopol chbat o, yu'un ta ono'ox xich'be stojol li yabtele.

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 19:12

Li jvu'laletique jech laj yalbeic li Lote: —¿Me oy ep avuts' avalalic li'i? Ic'o loq'uel li aqueremetic atsebetique, xchi'uc li queremetic ti smacojic xa li atsebetique, xchi'uc scotol li c'usitic oy avu'un li' ta lume. Loq'ueso batel; nom to xbat avac'.

Levítico 26:30

Ta jlilin li toyol c'opojebaletic avu'unique. Ta jines noxtoc li scajleb xchic'ubil pom avu'unique. Li abec'talic ti mu'yuc xa cuxule te jmoj ta jbusan ta sba yo' bu busul li sloc'obal adiosic ti mu cuxuluque yu'un chcac' ta ilel ti chopol chaquiloxuc oe.

Deuteronomio 4:26

Me jech chapasique, ta jva'an comel ta testigo li vinajel xchi'uc banamil ti chachamic ta ora acotolic te ta avosilic yo' bu chavich'ic ta jot uc'um Jordane. Mu jaluc chach'iic te ta avosilic. Chavich'ic ulesel acotolic.

Deuteronomio 28:45

“Scotol li vocoletic li'i ja' ta xtal ta atojolic scotol; acotolic ta staoxuc. Chavich' lec avocolic, ja' to me la'ulic yu'un acotolique. Ti jech chc'ot ta pasele, ja' ta scoj ti mu xach'unbeic smantal li Muc'ul Dios cu'untique, xchi'uc ti mu xac'an xapasic li c'usitic yalojboxuque.

Jeremías 44:22

Yu'un muc xa sts'ic yu'un laj ya'ay ti toj chopol c'usi chapasique, ja' yu'un li avosilalique la syavnaijes. Toj xi'bal sba ta q'uelel, chopol sc'oplal o; mu'yuc yajval icom o jech chac c'u cha'al li' ta orae.

Números 16:21

—Voc'o abaic loq'uel ta stojol li achi'iltaquique yu'un ta xculesic scotolic ta ora no'ox —x'utatic. 6