Génesis 19:12 - Bible in Tzotzil de Chenalhó with Deuterocanon

¹² Li jvu'laletique jech laj yalbeic li Lote: —¿Me oy ep avuts' avalalic li'i? Ic'o loq'uel li aqueremetic atsebetique, xchi'uc li queremetic ti smacojic xa li atsebetique, xchi'uc scotol li c'usitic oy avu'un li' ta lume. Loq'ueso batel; nom to xbat avac'.

Bible in Tzotzil de Chamula

¹² Ti jvu'laletique xi laj yalbeic ti Lote: ¿Mi oy to yan avuts' avalaltac li' ta jteclume? Ic'o loq'uel ti aqueremtaque, ti atsebtaque, ti ani'obtaque, xchi'uc scotol ti c'usi x'ayan avu'un ta jteclum li'e. Loq'ueso batel. Ic'o batel ta nom.

Génesis 19:12 Iomraidhean Croise

Génesis 19:11

Scotol li viniquetic te tsobolic ta ti'nae, ja' li queremetic xchi'uc li moletique, ipasic ta ma'sat yu'un li j'almantaletique; te ilubtsajic sa'ilanel li ti'nae.

Génesis 19:13

Yu'un ta jlajescutic xa li lum li'i, yu'un toj ep xa staoj smulic ta stojol Muc'ul Dios li cristianoetic li' ta lume. Ja' yu'un la stacuncutic tal li Muc'ul Diose, yu'un ta jlajescutic o li lum li'i —xiic.

Génesis 19:14

Ja' yu'un li Lote bat sc'opan li queremetic ti smacojic xa li stsebetique. Jech laj yalbe: —¡Licanic, loc'cutic batel li' ta lume, yu'un li Muc'ul Diose ta xa slajes li lum li'i! —xut. Pero li stuquique muc xch'unic c'usi i'albatic yu'un li Lote; la scuyic ti ja' no'ox ta xlo'laatique.

Génesis 19:17

C'alal loq'uemic xa'ox batel ta lume, li jun j'almantale jech laj yalbe li Lote: —¡Batanic ta anil yu'un jech mu xachamic! Mu me xaq'uel sutel ava'lupatic. Mu me xapajic ta stenlejaltic. Batanic c'alal to ta vitsetic ta toyolaltic me chac'an to chacuxiique —x'utatic.

Génesis 19:22

Pero xanovan; batanic ta ora, yu'un mu to c'usi xu' ta jpas ti me mu'yuc to chac'otic tee —xi. Ja' yu'un li lume ja' Zoar ic'ot sbi.

Génesis 7:1

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

Jeremías 32:39

Ta jelbe yo'ntonic, xchi'uc ta jelbe sbeic, yu'un jech jun yo'nton chiyich'icun o ta muc' ti jayib c'ac'al cuxulique, yu'un jech lec oyic o, xchi'uc jech lec oyic c'alal ta smomnich'nabic.

Jeremías 51:45

Jteclumal, pojo abaic li jujunoxuque; loc'anic batel ta stojol, jech mu xastsacoxuc li sc'ac'al co'nton tsaneme.

Números 16:26

Jech c'ot yalbeic li xchi'iltaquique: —Voc'o abaic loq'uel li' ta scarpanaic li chopol viniquetic le'e. Me jutuc mu me xapicbeic li c'usi ja' yu'unique; ma'uc me co'ol xacham achi'uquic ta scoj smulique —xutic.

2 Pedro 2:7

Pero li Diose la scolta li Lote, ti ja' tuq'uil vinique, ti vocol icuch yu'un c'usitic la spasic li chopol cristianoetique.

2 Pedro 2:9

Li Cajvaltique sna' c'uxi chut tscolta ta svocol li boch'o ta x'ich'at ta muc' yu'une, xchi'uc sna' bu chac' batel li boch'otic toj chopolique yu'un jech te oyic o c'alal to tsta yorail ta xich'ic chapanel.

Apocalipsis 18:4

Laj ca'ay oy boch'o yan ic'opoj tal ta vinajel, jech laj yal: “Jteclumal, loc'anic tal te ta lum, yu'un jech mu me xacuchinbeic li smule, jech mu teuc xamaquibeic ec li vocol chich'e.