Génesis 19:11 - Bible in Tzotzil de Chenalhó with Deuterocanon

¹¹ Scotol li viniquetic te tsobolic ta ti'nae, ja' li queremetic xchi'uc li moletique, ipasic ta ma'sat yu'un li j'almantaletique; te ilubtsajic sa'ilanel li ti'nae.

Bible in Tzotzil de Chamula

¹¹ Ja'uc ti viniquetic ti comic ta pat ti'nae, pas ta ma'satetic yu'unic. Yu'un scotolic comic ta ma'sat ti moletic xae xchi'uc ti queremetic toe. Va'i un, lubtsajic ta sa'olanel ti ti'nae.

Génesis 19:11 Iomraidhean Croise

Génesis 19:12

Li jvu'laletique jech laj yalbeic li Lote: —¿Me oy ep avuts' avalalic li'i? Ic'o loq'uel li aqueremetic atsebetique, xchi'uc li queremetic ti smacojic xa li atsebetique, xchi'uc scotol li c'usitic oy avu'un li' ta lume. Loq'ueso batel; nom to xbat avac'.

2 Reyes 6:18

C'alal chbat xa'ox stsaquic Eliseo li siriaetique, li Eliseoe lic sc'opan li Muc'ul Diose: “Avocoluc pasbun ta ma'sat li cristianoetic le' xtalique”, xut. Li Muc'ul Diose la spas ta ma'sat jech chac c'u cha'al la sc'an li Eliseoe.

Eclesiastés 10:15

Li boch'o bole jeche' no'ox chac' svocol ta abtel, yu'un mu snop lec c'usi tspas.

Isaías 57:10

Solel lalubtsajic ta epal xanubal; muc xana'ic ti solel mu'yuc stue. Ja' apatoj avo'ntonic yu'un ti te oy ta ac'obic li c'usitic chave'ique, ja' yu'un tsots no'ox avo'nton laj ava'yic.

Jeremías 2:36

¿C'u yu'un ti asujoj no'ox aba ti naca xajelilan no'ox boch'o chascoltaote? Jech chac c'u cha'al layal ta q'uexlal yu'un li Asiriae, ja' jech chayal ta q'uexlal yu'un noxtoc li Egiptoe.

Hechos 13:11

Ja' yu'un li' ta orae chayac'bot atoj li Cajvaltique. Chacom ta ma'sat. Mu xavil osil jayibuc c'ac'al —xut. Jech ta ora ipas ta ma'sat li vinique; mu xa xil o osil. Te xjoyet ta sa'el boch'o ta xnitat batel.