Génesis 18:8 - Bible in Tzotzil de Chenalhó with Deuterocanon

⁸ Li Abrahame ma'uc no'ox vacax laj yac'; laj yac' noxtoc ya'lel xchu' vacax ti lec spatoj sbae. C'alal ja'o te chve'ic ta yolon te' li jvu'laletique, li Abrahame te tsmala me oy c'usi yan tsc'anic.

Bible in Tzotzil de Chamula

⁸ Ma'uc no'ox vacax laj yac' ti Abrahame. Laj yac' chu' vacax xtoc ti lec tote. C'alal jech yacal ta xve'ic ta yolon te' ti jvu'laletique, jech ti Abrahame smalaoj ti c'usi ta to sc'anique.

Génesis 18:8 Iomraidhean Croise

Génesis 18:7

Li Abrahame ibat ta anil ta scoralil xvacax. Laj st'uj jcot ch'ium tot vacax ti lec jubene. Laj yac'be ta sc'ob jun smozo yu'un ac'o smeltsanic ta ora li ve'lile.

Génesis 18:9

C'alal ilaj yo'ntonic ta ve'el li jvu'laletique, jech lic sjac'beic li Abrahame: —¿Bu oy li avajnil Sarae? —xutic. —Te oy ta yut jcarpanacutic —xi itac'ov.

Génesis 19:3

Pero li Lote mu xlaj yo'nton ta yiq'uel batel, jech te la xch'unic; ibatic ta sna li Lote. C'alal ic'otique, li Lote lic smeltsan lec ve'lil xchi'uc pan ti mu'yuc yich'oj svolesubil xch'ute, jech ive'ic li jvu'laletique.

Nehemías 12:44

C'alal jech ic'ot ta pasele, ja'o yorail la jt'ujcutic boch'o tsventainic li yavil taq'uinetique, li yavil matanaletique, li yavil sba sat c'usitic chloc' cu'uncutique, xchi'uc li jujun ta lajlajunebe. Yu'un ja' te chich' tsobel li c'usitic chaq'uic ta smoton Dios ta jujun slumalic jech chac c'u cha'al chal li mantaletique, ti ja' sventa chich' li paleetic xchi'uc levietique. Yu'un li judaetique toj xcuxet no'ox yo'ntonic ta sventa li paleetic li levietic te ch-abtejique,

Isaías 7:15

C'alal chlic xa sna' bu lec, bu chopol li quereme, ja' no'ox ya'lel xchu' vacax lec spatoj sba xchi'uc pom ta slajes.

Isaías 7:22

lec chac' ya'lel xchu' xvacax, te no'ox ta sta tatal ya'lel xchu' vacax sve'. Li boch'otic ta to xcolic comel ta milele ja' no'ox te ta sve'ic ya'lel xchu' vacax ti spatoj sbae xchi'uc spom muc'ta pom.

San Lucas 12:37

Xcuxet no'ox yo'nton li mozoetic ti viq'uil satic ta xc'ot taaticuc yu'un yajvalique. Melel li c'usi chacalboxuque, li mozoetic le'e ta x'albat yu'un yajvalic ti ac'o chotiicuc ta ti'mexae, yu'un ta x'ac'bat sve'elic yu'un li yajvalique.

San Lucas 17:8

¿Me mu jechuc no'ox chavalbeic: ‘Ac'o amac, meltsanbun tal jve'el. Ja' to xave' xavuch' vo' ec me ilaj co'nton ta ve'el, ta uch' vo'e’, me mu xavuticuc?

San Lucas 24:30

C'alal te xchi'inojic ta chotlej ta ti'mexae, la stsac pan li Jesuse, la stojbe ta vocol Dios. La svoc' li pane; laj yac'be sve'ic.

San Lucas 24:43

La stsac li choye; te lic ve'uc ta stojolic.

San Juan 12:2

Te la smeltsanbeic lec sve'el li Jesuse. Li Martae ja' la smeltsan ve'lil. Li Lazaroe ja' te co'ol chotolic ta ti'mexa xchi'uc li Jesuse.

Hechos 10:41

Pero muc ta scotoluc cristiano laj yac' sba ta ilel. Ja' no'ox laj yac' sba ta ilel ta jtojolcutic, vu'uncutic ti t'ujbiluncutic ono'ox yu'un Dios sventa chcalcutic li c'usi laj quilcutique. Jech la jchi'incutic ta ve'el ta uch' vo' ti c'alal cha'cuxem xa'oxe.

Gálatas 5:13

Yu'un li vo'oxuque, quermanotac, la'ic'atic yu'un Dios, yu'un colem ac'o comanic o. Pero ta sventa ti colemoxuc xae, ma'uc yu'un xu' xa chapasic c'usiuc no'ox tsc'an li abec'talique. Ja' sventa ac'o acolta abaic, yu'un jech chac'anan abaic ta jujuntal.

Deuteronomio 32:14

Ta sme' avacaxic laj ataic queso; ta sme' achijic laj ataic lech. Ta lequil bic'tal chijetic avu'unic la ataic ti'bol ati'ic, xchi'uc ta muc'tiquil chijetic ta Basán xchi'uc ta tot tentsunetic. Ja' laj ave'elinic ti bu toj lequic sat trigoe. Laj avuch'ic li ya'lel ts'usube, ja' li xch'ich'al sat ts'usube.

Apocalipsis 3:20

A'yo ava'yic, li vu'une li' oyun ta ti'na chajc'opanoxuc. Li boch'o cha'ay c'alal ta jc'opane, me chisjambun li ti'nae, ta x'och jchi'in; ta jchi'in ta ve'el, jech chixchi'inun ta ve'el ec.

Jueces 13:15

Li Manoae jech laj yalbe li yaj'almantal Muc'ul Diose: —Avocoluc pajan to, yu'un ta jmeltsanbot jcotuc unin tentsun —xut.

Jueces 5:25

Li Sisarae vo' no'ox la sc'an, pero li Jaele lequil ya'lel xchu' vacax laj yac'. Ta jun lequil muc'ta taza laj yac'be li ya'lel xchu' vacax ti lec xa spatoj sbae.