Génesis 18:6 - Bible in Tzotzil de Chenalhó with Deuterocanon

⁶ Li Abrahame i'och batel ta scarpana, jech laj yalbe li Sarae: —Biso ta anil oxbisuc trigo ti bu ven leque; paso ta anil jayibuc pan —xut.

Bible in Tzotzil de Chamula

⁶ Ti Abrahame och batel ta yaxibalna, xi laj yalbe ti Sarae: —Soban ta anil. Biso jtobuc ta sbis juch'bil trigo ti lec nine. Meltsano jun chibuc pan.

Génesis 18:6 Iomraidhean Croise

Génesis 18:5

Yu'un li' lajelov yo' bu nacal li avajtunele, chbat quich'boxuc tal jutuc ave'elic yu'un jech mu xa'alubic ta be ti bu chabatique —xut. —Lec oy —xi itac'ovic.

Génesis 18:7

Li Abrahame ibat ta anil ta scoralil xvacax. Laj st'uj jcot ch'ium tot vacax ti lec jubene. Laj yac'be ta sc'ob jun smozo yu'un ac'o smeltsanic ta ora li ve'lile.

Génesis 19:3

Pero li Lote mu xlaj yo'nton ta yiq'uel batel, jech te la xch'unic; ibatic ta sna li Lote. C'alal ic'otique, li Lote lic smeltsan lec ve'lil xchi'uc pan ti mu'yuc yich'oj svolesubil xch'ute, jech ive'ic li jvu'laletique.

2 Samuel 13:6

Li Amnone la xmochan sba ta svayab; la scuy sba ta jchamel, jech te ital q'uelatuc yu'un li stote. Jech laj yalbe: —Ta jc'anbot vocol ti ac'o atac tal li quixlalcutic Tamare. Li' ac'o spasbun chibuc lequil pan, yu'un jech xu' ta jve' ti c'alal chiyac'bune —xut.

Salmos 119:60

Laj cac' persa xch'unel li amantaltaque; mu'yuc la jmala jal.

Isaías 32:8

Yan li boch'o lec yo'ntone ja' no'ox tsnop c'usitic lec tspas; ta sventa ti lec c'usitic tsnope jun yo'nton o.

San Mateo 13:33

Laj yal yan lo'il noxtoc li Jesuse, jech laj yal: “Ti c'u x'elan chventainvan li Diose, ja' jech chac c'u cha'al svolesubil xch'ut pan. C'alal tscap ta vucub cuartiya arina li antse, lec chvol o xch'ut scotol”, xi li Jesuse.

Hechos 16:15

Jech te laj yich'ic vo' sjunulic ta na. Ts'acal jech laj yalbuncutic: —Me chach'unic ti ta melel jun co'nton la jch'un Cajvaltique, avocolicuc ochanic ta jna, li' xanaquiique —xi. La sc'anbuncutic vocol ti te ac'o comcuncutic ta snae.

Romanos 12:13

Coltaic me li yu'untac Dios ti mu'yuc c'usi chtun yu'unique. Iq'uic ochel li boch'o chc'ot xch'aman anaique.

Gálatas 5:13

Yu'un li vo'oxuque, quermanotac, la'ic'atic yu'un Dios, yu'un colem ac'o comanic o. Pero ta sventa ti colemoxuc xae, ma'uc yu'un xu' xa chapasic c'usiuc no'ox tsc'an li abec'talique. Ja' sventa ac'o acolta abaic, yu'un jech chac'anan abaic ta jujuntal.

Hebreos 13:2

Mu me xch'ay ta avo'ntonic ti tsc'an cha'ic'van ochel ta anaique. Yu'un oy boch'o jech la spasic, jech oy bu yaj'almantal Dios laj yiq'uic ochel ta snaic, pero muc sna'ic.

1 Pedro 4:9

Iq'uic ochel li boch'o chc'ot ta anaique; mu me xabic'talvulajeticuc xapasic.

Jueces 6:19

Ibat li Gedeone, bat smeltsan tal jcot tentsun xchi'uc pan mu'yuc yich'oj svolesubil xch'ut; ja' jtob (20) kilo arina yich'oj. Laj yich' tal ta jun unin moch li sbec'tale; yan li ya'lele ta jun bin laj yich' tal. Te vul yac' scotol ta yolon li te'e.

1 Samuel 28:24

Li antse oy jcot ch'ium vacax yu'un te ta sna, lec juben; ja' la smil. La svots' ta ora arina; la spas jayibuc pan mu'yuc svolesubil.