Génesis 18:16 - Bible in Tzotzil de Chenalhó with Deuterocanon

¹⁶ Li jvu'laletique iva'iic. Ixanovic batel yu'un chbatic ta Sodoma. Li Abrahame te la xchi'in loq'uel yu'un tsc'opan xa sbaic batel.

Bible in Tzotzil de Chamula

¹⁶ Ts'acal to un, ti jvu'laletique lic va'iicuc, laj stam batel sbeic c'alal to jteclum Sodoma. Va'i un, ti Abrahame xchi'inoj batel, ba sloq'ues comel ta be.

Génesis 18:16 Iomraidhean Croise

Génesis 18:15

C'alal jech laj ya'ay li Sarae, ixi'. Mu sc'an xal ti itse'ine. Jech laj yal: —Mu'yuc xitse'in —xi. —Li vu'une la jna' ti latse'ine —xi li Muc'ul Diose.

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

Génesis 18:22

Li chib jvu'laletique iloq'uic batel; ibatic ta lum Sodoma. Yan li Abrahame te to icom xchi'uc li Muc'ul Diose.

Génesis 19:1

C'alal ic'otic ta Sodoma li chib yaj'almantal Diose, yu'un xa'ox ch-ic'ub osil. Li Lote te chotol ta ti'coralton yu'un li lume, ja' te yo' bu stsobobbailic li cristianoetique. C'alal laj yil li Lote, ilic; bat snup ta be ta ora. La squejan spatan sba ta banamil.

Hechos 15:3

Jech itacatic batel yu'un li jtsob jch'unolajeletic ta Antioquiae. Te ijelovic batel ta Fenicia banamil xchi'uc ta Samaria banamil. Ech' yalbeic jch'unolajeletic ti laj xa sutes yo'ntonic ta stojol Dios ec li yanlum cristianoetic ti mu xotquinic Diose. C'alal laj ya'yique, toj xcuxet no'ox yo'ntonic.

Hechos 20:38

Bats'i ep laj yat yo'ntonic ta sventa ti i'albatic ti mu'yuc xa ta xilbeic sat yan veltae. Jech la xchi'inic batel c'alal ta ti'nab yo' bu oy li barcoe.

Hechos 21:5

C'alal its'aqui li vucub c'ac'ale, liloc'cutic batel. Li jch'unolajeletique la xchi'inuncutic batel xchi'uc yajnil xnich'nabic c'alal to ta ti' lum. Jech te la jquejan jbacutic ta ti' nab; la jc'opancutic Dios.

Romanos 15:24

ja' yu'un c'alal me libat ta Españae, te ch-ech' jq'ueloxuc. C'alal me la jc'opan jbatique, me laj cac'be jbatic xcuxetel co'ntontique, ta jna' ti chacoltaicun batel c'alal chibate.

3 Juan 1:6

Yu'un li stuquique c'ot yalic ta jamal ta stojol jtsob jch'unolajeletic ti toj lec laj ac'uxubine. Toj lec ti jech chacolta ta sventa sbeique. Ja' toj lec chil Dios ti jech chapase.