Génesis 17:9 - Bible in Tzotzil de Chenalhó with Deuterocanon

⁹ Li Diose jech laj yalbe noxtoc li Abrahame: —Li vo'ote, c'otuc me ta pasel avu'un xchi'uc amomnich'nab li c'usi la jchapan ta atojole.

Bible in Tzotzil de Chamula

⁹ Ja' jech xtoc ti Diose xi to laj yalbe ti Abrahame: —Ja' yu'un un, ti vo'ote xchi'uc scotol ti anitilultaque, mu me stselbuj avu'unic ti jtratee.

Génesis 17:9 Iomraidhean Croise

Génesis 17:23

Li Abrahame ta ora no'ox lic yac'be yich' circuncisión li xnich'one, ja' li Ismaele. Jech noxtoc laj yac'be yich' circuncisión scotol li smozotac ti te voq'uemic ta snae xchi'uc li boch'otic manbilic ta taq'uin yu'une. Scotol li viniquetic ti te chtunic ta snae laj yich'ic circuncisión jech c'u cha'al i'albat yu'un Dios li Abrahame.

Génesis 18:19

Vu'un la jt'uj ta sventa ac'o yalbe ya'yic xnich'nab xchi'uc smomnich'nab ti ac'o yich'ic ta muc' li chanubtasel cu'une, xchi'uc ti ac'o spasic scotol c'usitic lec xchi'uc c'usitic tuq'ue, yu'un jech chcac' c'otuc ta pasel scotol li c'usitic calojbe ono'oxe”, xi.

Salmos 103:18

Te chcom o ta sventa li boch'o ja' chch'unbeic c'usi xchapanoj Muc'ul Diose, ti mu xch'ay o ta yo'ntonic spasel c'usi chal li mantaletic yu'une.

Salmos 25:10

Yu'un scotol ti bu chijyic'utic Muc'ul Diose puru c'uxubinel, puru melelic ta sventa li boch'otic ja' chch'unbeic smantaltaque xchi'uc ti chich'ic ta muc' c'usi chapanbil yu'une.

Éxodo 19:5

Ja' yu'un me chach'unic scotol li c'usi caloje, xchi'uc me chavich'ic ta muc' li c'usi chapanbil cu'une, vo'oxuc no'ox atuquic lec chaquiloxuc ta scotol li yantic lumetique yu'un ja' cu'un scotol li banamile.