Génesis 17:8 - Bible in Tzotzil de Chenalhó with Deuterocanon

⁸ Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Bible in Tzotzil de Chamula

⁸ Ti vo'ote xchi'uc ti stuquique, ta xcac'boxuc scotol yosilal Canaán ti bu nacalot avie. Yu'un j'ech'el ta xcom o ta arextoic cu'un, xchi'uc ta jva'an jba ta Dios avu'unic.

Génesis 17:8 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 13:15

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

Génesis 13:17

Lican; bat xano ava'ay c'u snatil, c'u sjamlej li banamil chacac'bote”, xut.

Génesis 23:4

Jech c'ot yalbe: —Ac'o me yanlum vinicun ti li' nacalun ta atojolique, chonbicun jutebuc osil sventa te chbat jmuc li cajnile —xut.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 28:4

Ac'o yac'bot achi'uc amomnich'nabtac li bendición ti yalojbe ono'ox li Abrahame, yu'un jech vo'oxuc yajvaloxuc chacomic li banamil li' yo' bu nacalutic ta ora jech chac c'u cha'al yanlum cristianoe. Yu'un jech ono'ox albil yu'un Dios li Abraham ti chcu'unintic li banamil li'i”, xut.

Génesis 35:27

Li Jacobe ibat sq'uel li stot te ta Mamree, ja' li Isaaque. Ja' te ta lum Arba, ja' li Hebrón yan sbie. Ja' to'ox te inaquiic li Abraham xchi'uc Isaaque.

Génesis 36:7

Yu'un toj ven ep xa c'otem li c'usitic oy yu'unic ta xchibalique, jech mu xu' ti jmoj chnaquiique. Xchi'uc mu xa xve' o sts'unub yovolic ti c'u yepal osil bu nacalique.

Génesis 37:1

Li Jacobe te icom nacluc ta Canaán ti bu to'ox inaqui li stote.

Génesis 48:4

‘A'yo ava'ay, vu'un ta xcac' boluc ep anich'nab. Ja' te ta stojol amomnich'nabtac ta xlic ep muc'tiquil lumetic. Xchi'uc ja' ta xcac'beic li banamil li'i. Ja' yu'unic ta xc'ot o’, xiyutun li Diose.

2 Samuel 23:5

Ja' yu'un li jmomnich'nabtaque j'ech'el te oyic o ta stojol Dios, yu'un oy c'usi lec yalojbun ti mu xlaj sc'oplal sbatel osile. Li c'usi yaloje lec chapal o, xchi'uc jbel sc'oplal. Ja' chac' tsalvancun ta pleito; ja' chac' ti ac'o c'otuc ta pasel li c'usi oy ta co'ntone.

1 Crónicas 16:18

ti c'alal jech laj yalbee: ‘Vo'ot chacac'bot li Canaán banamile; ja' apuculal osil chacac'bot’, xut.

Salmos 103:17

Pero li c'uxubinel yu'un Muc'ul Diose sbatel osil mu'yuc spajebal o ta stojol li boch'otic chich'ic ta muq'ue. Li slequil stuq'uil yo'ntone te chcom o ta jayc'oluc alab nich'nabetic

Salmos 105:11

Jech laj yalbe: “Vo'ot chacac'bot li Canaán banamile; ja' avu'un o chcom”, xut.

Salmos 105:9

ja' li c'usi xchapanoj ono'ox ta stojol li Abrahame, ti jamal yalojbe Isaac ti chc'ot ta pasele.

Éxodo 13:11

“C'alal me laj xa'ox yic'oxuc ochel ta yosilal canaanetic li Muc'ul Diose, me laj xa'ox yac'boxuc avich'ic jech chac c'u cha'al yalojboxuc, xchi'uc jech chac c'u cha'al yalojbe li jmoltotic ta vo'onee,

Éxodo 21:6

li yajvale ac'o yic' batel ta stojol Dios; te ac'o c'ot sva'an ta sts'el smac ti'na, o ta smarcoal ti'na, ac'o svombe xchiquin ta jich'il taq'uin. Jech xu' chcom o ta smozo scotol c'ac'al.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Éxodo 40:15

Jaxbo aceite ta sjolic jech chac c'u cha'al chapasbe li Aarone, jech chcomic o ta paleal cu'un. Li aceite chamalbee mu xlaj sc'oplal o. Te chcom o c'alal ta yalab xnich'nabic li abtel sventa paleale”, x'utat yu'un Dios li Moisese.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Jeremías 25:5

Jech laj yalboxuc: ‘Comtsanic li chopol be atamojique xchi'uc ti chopol c'usi chapasique, yu'un jech xu' te chanaquiic o li' ta avosilalic ti laj yac'boxuc Dios achi'uc li amoltotic ta vo'onee.

Jeremías 31:1

“Me la sta li sc'ac'alil le'e, vu'un Diosun yu'unic chc'ot scotol li jaychop sts'unubal Israele; ja' jteclumal ta xc'otic o”, xi li Muc'ul Diose.

Ezequiel 11:20

Yu'un jech xu' chlic xch'unic li c'usitic caloje, jech xu' chlic spasic li mantaletic cu'une, jech xu' chc'ot ta pasel yu'unic scotol. Ja' jteclumal chc'otic o, vu'un Diosun yu'unic chic'ot.

Ezequiel 33:24

“Vo'ot xnich'on cristiano, li achi'iltac te nacajtic ta lumetic ta Israel ti jinesbilic xae, jech chalic: ‘Li Abrahame stuc to'ox, pero i'ac'bat yu'unin li banamil li'i. Li vu'utique eputic xa, jech vu'utic ono'ox cu'untic chcom o li banamil li'i’, xiic.

Levítico 14:34

“C'alal me ochemoxuc xa'ox batel ta Canaán banamil ti bu chacac'boxuc ta ac'obique, ta jtac batel c'a'el chamel ta junuc na te ta avosilalic.

Levítico 16:34

“Ja' jech jmantal chcom o ta atojolic: ja' jun velta ta jujun jabil ac'o yac' ta ch'aybel smulic scotol li achi'iltaquique”, xi li Muc'ul Diose. Scotol c'usi i'albat yu'un Muc'ul Dios li Moisese ja' jech la spasic.

Levítico 26:12

Te chixanov scotol c'ac'al ta atojolic; vu'un Diosun avu'unic chic'ot, jech jnich'naboxuc chac'otic o.

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

Números 10:29

Ta yan c'ac'al li Moisese jech laj yalbe li sbole, ja' li Hobab xnich'on Reuel madián vinique: —Li vu'uncutique chibatcutic xa ta banamil ti bu yaloj ono'ox Dios chiyac'buncutique. Batic, bat chi'inuncutic, lec chajc'anotcutic yu'un li Muc'ul Diose yaloj ta jamal ti lec sc'anoj ec li israeletique —xut.

Números 25:13

J'ech'el ta xcac'be o ta sc'obic xchi'uc smomnich'nab li abtel ta paleale yu'un toj it'ix ic'ot yo'nton ti c'alal muc vu'cun xiyich'icun ta muq'ue, xchi'uc ja' to jech la staic o perdón li achi'iltac ta israelale —xi.

Números 27:12

Li Muc'ul Diose jech laj yalbe li Moisese: —Muyan le' ta vits Abarime; q'uelo batel avil li osil ti cac'ojbeic li achi'iltac ta israelale.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Deuteronomio 14:2

Yu'un li vo'oxuque steclumaloxuc o li Muc'ul Dios cu'untique. Voc'biloxuc yu'un. Ja' la st'ujoxuc loq'uel ta scotol li lumetic li' ta banamile yu'un ac'o yu'uninoxuc o.

Deuteronomio 26:18

Ja' no'ox jech ec li Muc'ul Diose laj xa yal ta jamal li' ta atojolic, vo'oxuc li israeloxuque, ti vo'oxuc mero steclumaloxuc oe, ti lec chayiloxuc o jech chac c'u cha'al yaloj ono'ox ta vo'onee, jech tsc'an ac'o ach'unbeic scotol li smantaltaque.

Deuteronomio 29:13

Tana li'i j'ech'el chapal chcom o ti vo'oxuc yu'unoxuque, xchi'uc ti ja' Dios cu'untic ec jech chac c'u cha'al yalojbe ono'ox li jmoltotic ta vo'onee, ja' li Abrahame, li Isaaque, xchi'uc li Jacobe.

Deuteronomio 32:49

“Batan ta vits Abarim. Muyan te ta vits Nebo ta yosilal moabetic te ta stuq'uil Jericoe. Q'uelo batel scotol li osil te ta Canaane, ja' ti chcac'be yich'ic li achi'iltac ta israelale.

Deuteronomio 32:8

Li Boch'o oy ta vinajele, oy jun velta jech la spas. Laj yac' nacluc ta jujun banamil li cristianoetique. Laj yac'be yil bu c'alal sts'aquil li yosilique; pero mu'yuc xch'ayoj ta yo'nton li israeletique.

Deuteronomio 34:4

Li Moisese jech i'albat yu'un li Muc'ul Diose: “Le'e ja' li banamil ti calojbe ono'ox Abraham, Isaac, xchi'uc Jacob ti chcac'be li smomnich'nabique. Jech ta jc'an ti ac'o avil ta asat atuc scotol li banamile, ac'o me mu'yuc cha'och batel li vo'ote”, x'utat.

Deuteronomio 4:37

Ja' la xc'uxubin li amoltot ayame'ic ta vo'onee. Ja' la st'ujbe noxtoc li smomnich'nabtaquique. Ta svu'el la scolta loq'uel tal ta mozoil te ta Egipto banamil.

Deuteronomio 9:5

Ma'uc ta sventa avabtelic, xchi'uc ma'uc ta sventa alequilic ti chavich'ic li banamile. Ja' ta scoj smulic ti chich'ic nutsel loq'uel yu'un li Muc'ul Diose, xchi'uc ja' chc'ot ta pasel ti jech ono'ox yalojbe li jmoltotactic ta vo'onee, ja' li Abrahame, li Isaaque, xchi'uc li Jacobe.

Hebreos 9:15

Ja' yu'un ja' xa jc'opojel cu'untic ta sventa li c'usi ach' la xchapan Diose, yu'un ja' la xch'ay ta sventa icham li jmul jtaojtic ta sventa ti muc xch'un cu'untic li c'usi ba'yuc chapanbile. Li boch'otic ic'bilic xae, chich'ic li c'usi albil ono'ox sc'oplal ch-ac'batic sventa sbatel osile.

Josué 1:2

“Ta sventa ti icham xa li cajtunel Moisese, li' ta orae vo'ot xa chavic' jelovel ta jot uc'um Jordán scotol li achi'iltac ta israelale yu'un chabatic xa te ta banamil ti bu chacac'boxuque.

Apocalipsis 21:7

Li boch'o tstsal yu'un scotole, ja' chcac'be sventain scotol. Vu'un Diosun yu'un chic'ot. Ja' jnich'on chc'ot o ec.