Génesis 17:7 - Bible in Tzotzil de Chenalhó with Deuterocanon

⁷ Li c'usi ta jchapan ta atojole te chcom o ta stojol scotol li amomnich'nabtac ti ta to xtalique, ja' ti vu'un Diosun o avu'une, xchi'uc vu'un Diosun yu'unic ec li amomnich'nabtaque.

Bible in Tzotzil de Chamula

⁷ Ti jtrate ti ta jpas ta atojole xchi'uc ta stojol ti anitilultac ti ts'acal to ta xch'i xc'opojic talele, j'ech'el ta xic'ot ta Dios yu'unic, yu'un lic'ot ta Dios avu'un.

Génesis 17:7 Iomraidhean Croise

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 17:13

Jech c'u cha'al ta xich' li boch'otic te voq'uemic ta anae, ja' jech ac'o yich'ic ec li boch'otic manbilic ta taq'uin avu'une. Jech te chcom o senyail ta abec'talic jayib c'ac'al cuxuloxuc li c'usi chapanbil cu'une.

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 6:18

Pero li vo'ote ta xcom ta atojol li c'usi chapanbil cu'un ta sventa coltaele. Cha'ochic ta barco achi'uc avajnil, anich'nab, xchi'uc avalibtac.

Génesis 9:16

C'alal ta xquil li vacnabal te oy ta toque, ta xt'ab o ta co'nton li c'usi chapanbil cu'un ti j'ech'el jech icom o ta stojol scotol li cristianoetique xchi'uc ta stojol scotol li chonbolometic oy ta banamile.

2 Samuel 7:24

Yu'un j'ech'el laj aval ti ja' ateclumal chcom o li israeletique, xchi'uc ti vo'ot Muc'ul Diosot yu'unic oe.

1 Crónicas 16:13

vo'oxuc li smomnich'naboxuc Israel, ja' li yajtunele, vo'oxuc li xnich'naboxuc Jacob ti t'ujbiloxuc yu'une.

1 Crónicas 16:14

“Li Muc'ul Diose ja' Dios cu'untic; ja' sventainoj scotol banamil.

Salmos 81:10

Yu'un vu'un Muc'ul Diosun avu'unic ti la jloq'uesoxuc tal ta Egipto banamile; jach'o li aveique, vu'un ta jnojesboxuc.

Éxodo 3:15

Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Éxodo 6:7

Chaquic'oxuc, jech jteclumal chac'otic o, xchi'uc vu'un Diosun avu'unic chic'ot. Ja' jech chlic sna'ic o ti vu'un Muc'ul Diosun avu'unique, ti vu'un la jcoltaoxuc loq'uel ta spasel li tsatsal abtel ac'bil apasic yu'un li egiptoetique.

Isaías 61:8

Yu'un vu'un li Muc'ul Diosune ja' jc'anoj o li c'usitic tuq'ue; ja' contra chquil li boch'o chlo'lavan, li boch'o ch-elc'aje. Ja' yu'un jun co'nton ta xcac'be stojol yabtelic li cu'untaque; oy c'usi lec ta jchapan, te chcom o ta stojolic sbatel osil.

Jeremías 31:1

“Me la sta li sc'ac'alil le'e, vu'un Diosun yu'unic chc'ot scotol li jaychop sts'unubal Israele; ja' jteclumal ta xc'otic o”, xi li Muc'ul Diose.

Ezequiel 28:26

Jun yo'nton te chtal naquiicuc. Ta xlic sva'an lec snaic; ta sts'un lec ts'usubtic yu'unic. Mu xlo'ilaj yo'ntonic ti c'alal te nacalique. Yu'un vu'un ta jchapanbe smulic li lumetic te ta spat xoconic ti chbajvanique, jech tsna'ic o ti vu'un Muc'ul Diosun yu'unique”, xiyutun li Diose.

Levítico 11:45

Yu'un vu'un Muc'ul Diosun ti la jloq'uesoxuc tal ta Egiptoe, jech vu'un Diosun avu'unic chc'ot o. Ja' yu'un li vo'oxuque tsc'an ti tuc' avo'ntonique yu'un li vu'une tuc' co'nton”, xi li Muc'ul Diose.

Levítico 25:38

Yu'un vu'un Muc'ul Diosun avu'unic ti la jloq'uesoxuc tal ta Egiptoe yu'un jech vo'oxuc chacac'boxuc li Canaán banamile, xchi'uc jech vu'un Diosun avu'unic chic'ot o.

Levítico 26:12

Te chixanov scotol c'ac'al ta atojolic; vu'un Diosun avu'unic chic'ot, jech jnich'naboxuc chac'otic o.

Levítico 26:44

“Ac'o me jech chc'ot ta pasel, ac'o me te oyoxuc ta yosilal li avajcontraique, muc j'ech'eluc ta jipoxuc o ta co'nton, xchi'uc muc j'ech'eluc ta jbajoxuc o, mu'yuc ta xculesoxuc o ta jyalel, yu'un mu xcac' ch'ayuc c'usi la jchapan jchi'uc li amoltotic ta vo'one, vu'un li Muc'ul Diosun avu'unique.

Levítico 26:45

Ta jt'ab ta co'nton noxtoc c'usi la jchapan jchi'uc li amoltotic ta vo'one c'alal la jloq'uesic tal ta Egipto ta sat yantic lumetique, yu'un vu'un Diosun avu'unic chic'ot; vu'un li Muc'ul Diosune”, xi li Diose.

Levítico 26:9

Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.

Miqueas 7:20

Ac'o jechuc o avo'nton ta sventa c'usi avalojbe li Jacobe, xchi'uc ac'o avac' li c'uxubinel ti avalojbe ono'ox li Abrahame, ja' li jmoltotcutic ta vo'onee, yu'un jech ono'ox avalojbe ta jamal.

San Mateo 22:32

‘Vu'un Diosun yu'un Abraham, Diosun yu'un Isaac, Diosun yu'un Jacob’, xi li Diose. Li Diose mu ja'uc Dios yu'un li boch'otic chamenic oe; ja' Dios yu'un li boch'otic cuxulique —xi li Jesuse.

Marcos 10:14

C'alal laj yil Jesús ti ta spajesvanic li yajchanc'optaque, chopol laj ya'ay. Jech laj yalbe: —Ac'o talicuc ta jtojol li ololetique; mu me xapajesic. Yu'un li boch'otic ja' jechic jech chac c'u cha'al ololetique ja' chventainatic yu'un Dios.

Hechos 2:39

Yu'un ja' ta aventaic ec li c'usi albil ono'ox sc'oplal chtale, xchi'uc ja' ta sventa anich'nabic, xchi'uc ja' sventa li boch'otic nom to oyic ti jayib ch-ic'atic yu'un Diose —xi li Pedroe.

Romanos 9:4

ja' mero israeletic, mero xnich'nab Dios ic'otic. Laj yilbeic lec xojobal li Diose; oy c'usi lec la xchapan Dios ta stojolic. Xchi'uc ja' i'ac'batic li smantaltac Diose; i'albatic c'u x'elan tstsob sbaic chich'ic ta muc' li Diose, xchi'uc i'albatic ti oy c'usi ch-ac'batic yu'un Diose.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Deuteronomio 29:13

Tana li'i j'ech'el chapal chcom o ti vo'oxuc yu'unoxuque, xchi'uc ti ja' Dios cu'untic ec jech chac c'u cha'al yalojbe ono'ox li jmoltotic ta vo'onee, ja' li Abrahame, li Isaaque, xchi'uc li Jacobe.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 8:10

Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque; ta jts'ibabe ta yo'ntonic. Vu'un Diosun yu'unic chic'ot; ja' jteclumal chc'otic o ec.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,