Génesis 17:6 - Bible in Tzotzil de Chenalhó with Deuterocanon

⁶ Bats'i ep ta xcac' boluc amomnich'nab. Vo'ot ta aventa ta xlic ep muc'tic ajvaliletic xchi'uc muc'tic lumetic.

Bible in Tzotzil de Chamula

⁶ Ta xcac' boluc ta j'ech'el ti anitilultaque. Vo'ot ta aventa ta xlic ayanuc ajvaliletic xchi'uc ta xlic ayanuc muc'tiquil lumetic.

Génesis 17:6 Iomraidhean Croise

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 17:16

Ta xcac'be bendición, yu'un ta xlic xchi'in jun anich'on. Melel xcal ti chcac'be bendicione. Ja' me'il chc'ot yu'un ep ta chop cristianoetic. Li syal'alabtaque oy ta xlic ochicuc ta ajvalilal ta lumetic —xut.

Génesis 17:20

Ta sventa li Ismaele laj xa ca'ay li c'usi chac'anbee, jech ta xcac'be bendición ec. Ta xcac'be xnich'nab, xchi'uc ta xcac' boluc ep smomnich'nab. Li Ismaele ja' totil chc'ot yu'un lajchab (12) muc'tic banquilaletic, xchi'uc ja' ta sventa ta xlic jun muc'ta lum.

Génesis 17:4

—Ja' jech li c'usi chapal chcom cu'un ta atojole: Vo'ot stotot ep ta chop cristianoetic chac'ot.

Génesis 26:22

Li Isaaque iloc' batel; ibat nacluc ta nom. Te c'ot sjoc' yan joc' noxtoc. Ta sventa ti mu'yuc xa ilic c'op tee, jech “Xocol osil” laj yac'be sbi li joq'ue, yu'un jech laj yal: “Li' ta orae, Muc'ul Dios jech la sc'an ti lec xa xocol cosil li'i, yu'un jech ta jtacutic li c'usitic chtun cu'uncutique”, xi.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 41:52

Li xchibal xnich'one Efraín laj yac'be sbi, yu'un jech laj yal: “Li Diose laj yac'bun jnich'nab li' ta lum yo' bu ep laj quich' vocole”, xi.

Génesis 47:27

Jech te inaquiic o ta Egipto li israeletique. Ja' laj yich'ic o li osil te ta Gosén banamile. C'alal te nacalique, ibolic ta jyalel.

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

Génesis 48:4

‘A'yo ava'ay, vu'un ta xcac' boluc ep anich'nab. Ja' te ta stojol amomnich'nabtac ta xlic ep muc'tiquil lumetic. Xchi'uc ja' ta xcac'beic li banamil li'i. Ja' yu'unic ta xc'ot o’, xiyutun li Diose.

Esdras 4:20

Xchi'uc li' ivinaj noxtoc ti oy ajvaliletic ijelov yu'unic ti toj tsotsique. Jech la sventainic li banamil te ta smaleb c'ac'al yu'un uc'um Eufratese. Laj yac'beic stoj spatanic.

Levítico 26:9

Lec chaquiloxuc o. Ta xcac' bolanic, ta xcac' epajanic, xchi'uc j'ech'el te ta xcac' comuc ta atojolic li c'usi chapanbil cu'une.