Génesis 17:4 - Bible in Tzotzil de Chenalhó with Deuterocanon

⁴ —Ja' jech li c'usi chapal chcom cu'un ta atojole: Vo'ot stotot ep ta chop cristianoetic chac'ot.

Bible in Tzotzil de Chamula

⁴ —Ti li'e, xi s'elan ti jtrate ta jpas ta atojole: Yu'un totilot ta xac'ot yu'unic ti epal muc'tiquil lume.

Génesis 17:4 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 16:10

Jech i'albat noxtoc yu'un li yaj'almantal Muc'ul Diose: “Ta xcac' boluc ep ayal'alabtac. Mu'yuc boch'o xu' yu'un chat c'u yepal.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 25:23

Jech itac'bat yu'un li Muc'ul Diose: “Oy chib muc'tic lum ta yut ach'ut; chib lum ti sbats'il xa scontrainel sbaic c'alal muc to chvoq'uique. Li june ja' toj tsots xu' yu'un; ja' mu xu' yu'un li yane. Li banquilale ja' ta spasat ta mantal yu'un li yits'ine”, xi li Muc'ul Diose.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 32:12

Vo'ot laj avalbun ta jamal ti lec chic'ot avu'une. Xchi'uc laj avalbun noxtoc ti ta to xbol ep jmomnich'nabtaque, ti ja' jech yepal chbatic jech chac c'u cha'al yi'tic ta ti'nab ti mu stac' atele”, xi la sc'opan Dios li Jacobe.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 48:19

Pero li stote muc sc'an sjel, jech laj yal: —Jna'oj xa, jnich'on. Jna'oj xa. Li Manasese ja' jech jun muc'ta lum ta xbat ec; oy lec stsatsal. Pero li yits'ine ja' xjelov to stsatsal ta xbat. Li smomnich'nabtaque epal muc'tic lum ta xbatic li stuquique —xi.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.