Génesis 17:3 - Bible in Tzotzil de Chenalhó with Deuterocanon

³ Li Abrame la squejan spatan sba ta banamil ti c'alal chc'opanat yu'un Diose:

Bible in Tzotzil de Chamula

³ Jech ti Abrame snupilan xa banomil laj spatan sba ta lum c'alal yacal xi xvulvun ta c'opojel ti Diose:

Génesis 17:3 Iomraidhean Croise

Génesis 17:17

Li Abrahame la squejan spatan sba ta banamil. Itse'in ti c'alal jech la snope: “¿Me xu' to ta xnich'naj jun vinic ti yich'oj xa vo'vinic (100) jabile? Xchi'uc ¿me xu' to ta x'alaj li Sara ti yich'oj xa lajuneb yo'vinic (90) jabile?”, xi la snop ta yo'nton.

Génesis 18:2

C'alal la stoy sat li Abrahame, laj yil oy oxib viniquetic te va'alic ta stojol. C'alal laj yile, iva'i ta anil; bat snup ta be. La squejan spatan sba ta banamil.

1 Reyes 18:39

C'alal laj yilic scotol li israeletique, la squejan spatan sbaic ta banamil, jech laj yalic: “¡Li Muc'ul Diose ja' Dios ta melel; li Muc'ul Diose ja' Dios ta melel!”, xiic.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Ezequiel 1:28

Ja' jech ta q'uelel jech chac c'u cha'al vacnabal ti chvinaj ta toc c'alal chac' vo'e. Ja' jech laj quilbe yutsilal slequilal ta jch'ulel li Muc'ul Diose. C'alal laj quile, la jpatan jba ta banamil; laj ca'ay oy boch'o te chc'opoj tal.

Ezequiel 3:23

Jech lilic, liloc' batel. Laj quil te oy yutsilal slequilal noxtoc li Muc'ul Diose, ja' jech chac c'u cha'al laj quil te ta ti' uc'um Quebare jech te la jpatan jba ta banamil.

Ezequiel 9:8

C'alal iloq'uic batele, jtuc no'ox te licom. Jech lic jpatan jtuts'an jba ta banamil; tsots li'avan jech laj cal: “¡Ay, Cajval, Muc'ul Dios! ¿Me yu'un chavules noxtoc li scomelal israeletique? ¿Me yu'un chaloq'ues scotol sc'ac'al avo'nton ta stojol li lum Jerusalene?”, xcut.

Daniel 10:9

C'alal laj ca'ay ic'opoje, toj batel jch'ulel lic'ot; liyal ta lum, patal ta banamil lic'ot.

Números 14:5

Li Moisés xchi'uc Aarone la spatan sbaic ta banamil ta stojol scotol li xchi'iltaquique.

Números 16:22

Pero li stuquique la squejan spatan sbaic ta banamil. Jech laj yalic: —Dios, vo'ot ti avac'ojbe yorailic li cristianoetique, ¿me cha'ilin ta stojol scotol jchi'iltac ta scoj smul li jun vinique? —xutic li Muc'ul Diose.

Números 16:45

—Voc'o abaic loq'uel ta stojol li achi'iltaquique yu'un ta xcules scotolic ta ora no'ox —xi. Li Moisés xchi'uc Aarone la spatan sbaic ta banamil.

San Mateo 17:6

C'alal jech laj ya'yic li oxibique la spatan sbaic ta lumtic, solel ep ixi'ic.

Josué 5:14

Itac'ov li vinique: —Mu'yuc boch'o tal jcolta jchopuc. Li vu'une ja' no'ox talemun jech chac c'u cha'al banquilal yajsoldado li Muc'ul Diose —xi. C'alal laj ya'ay li Josuee, lic squejan spatan sba ta banamil ta stojol, jech la sjac'be: —Cajval, ¿c'usi chac'an chavalbun vu'un li avajtunelune? —xut.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Jueces 13:20

C'alal toyolic iloc' yat c'oc' te ta tone, li yaj'almantal Muc'ul Diose te imuy batel ta vinajel ta yat c'oc'. C'alal laj yil Manoa xchi'uc yajnile, la squejan sbaic ta stojol.