Génesis 17:16 - Bible in Tzotzil de Chenalhó with Deuterocanon

¹⁶ Ta xcac'be bendición, yu'un ta xlic xchi'in jun anich'on. Melel xcal ti chcac'be bendicione. Ja' me'il chc'ot yu'un ep ta chop cristianoetic. Li syal'alabtaque oy ta xlic ochicuc ta ajvalilal ta lumetic —xut.

Bible in Tzotzil de Chamula

¹⁶ Ta jts'uiltas, ta xcac'bot jun aquerem ta sventa ti antse. Melel, ta jts'uiltas. Yu'un ti antse, ta xc'ot ta me'il yu'un ti epal muc'tiquil lume, yu'un naca ajvaliletic yu'un jteclumetic ta xbat ti snitilultaque.

Génesis 17:16 Iomraidhean Croise

Génesis 1:28

Laj yac'be bendición. Jech laj yalbe: “Bolanic; epajanic. Nojesic li banamile; ventainic o. Pasic ta mantal scotol li choyetique, li mutetique, xchi'uc scotol li chonetic ti xquilet ta banamil chanovique”, xut.

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 15:4

Pero jech i'albat yu'un li Diose: —Li boch'o ta xich' comel c'usitic oy avu'une ja' anich'on atuc. Mu xu' yan boch'o chich' comel —x'utat.

Génesis 17:15

Li Diose jech laj yalbe noxtoc li Abrahame: —Li avajnile mu xa ja'uc Sarai chcom sbi. Li' ta orae ja' xa ta xlic sbiin Sara.

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 17:6

Bats'i ep ta xcac' boluc amomnich'nab. Vo'ot ta aventa ta xlic ep muc'tic ajvaliletic xchi'uc muc'tic lumetic.

Génesis 21:1

Li Muc'ul Diose muc xch'ay ta yo'nton c'usi yalojbe li Sarae. Jech ta persa laj yac' c'otuc ta pasel li c'usi yaloje.

Génesis 24:60

Laj yalbeic ti ac'o ac'batuc li Rebecae, jech laj yalbeic: “Li vo'ote, tseb, ac'o c'otuc ta pasel ti ep ta millón chbat avalabe. Li ayal'alabtaque ac'o vu'uc yu'unic stsalel li yajcontraique”, xutic.

Génesis 25:23

Jech itac'bat yu'un li Muc'ul Diose: “Oy chib muc'tic lum ta yut ach'ut; chib lum ti sbats'il xa scontrainel sbaic c'alal muc to chvoq'uique. Li june ja' toj tsots xu' yu'un; ja' mu xu' yu'un li yane. Li banquilale ja' ta spasat ta mantal yu'un li yits'ine”, xi li Muc'ul Diose.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 36:31

Li'i ja' li ajvaliletic ti la spasic mantal ta Edom banamil c'alal mu'yuc to'ox ajvalil yu'unic ec li israeletique:

Isaías 49:23

Li ajvaliletic yu'unique xco'laj xchi'uc atotic chc'ot; li stsebetic ajvaliletique ja' jts'itesej olol chc'ot avu'unic. Chlic squejan spatan sbaic ta atojol; chlic sts'uts'ic avacan. Jech chlic avotquin o ti vu'un Diosun ta melele, yu'un mu'yuc lo'labil li boch'otic chch'unic ti vu'un ta jcoltaique”, xi li Muc'ul Diose.

Romanos 9:9

Yu'un li c'usi yaloj Diose ja' jech chac li'i: “C'alal chital yan velta jeche' c'alal jabil jech chac li'i, oy xa'ox jun yunin querem li Sarae”, xi.

Gálatas 4:23

Li boch'o ochem ta quiaraile, i'ayin yol ta sventa sbec'talic. Yan li boch'o muc ochemuc ta quiaraile, i'ayin yol ta sventa yu'un jech yaloj li Diose.

1 Pedro 3:6

Ja' jech la spas ec li Sarae, la xch'unbe smantal li Abrahame, yu'un la sna' ti ja' totil te ta snae. Ja' jech li vo'oxuque yalaboxuc Sara chac'otic me ja' chapasic li c'usi leque, me mu'yuc c'usi chaxi'ic yu'une.