Génesis 17:11 - Bible in Tzotzil de Chenalhó with Deuterocanon

¹¹ Tsc'an chatuch'ic loq'uel snuculil sni' li ac'unilique yu'un ja' senyail chcom li c'usi la jchapantique.

Bible in Tzotzil de Chamula

¹¹ Yu'un tsots sc'oplal ta xich' joyel loq'uel ta setel ti snuculil sjol ac'unilique. Ti jech taje, ja' senyail cu'untic ti oy xa ta atojolic ti tratee.

Génesis 17:11 Iomraidhean Croise

Génesis 9:12

Li' laj cac'be senyail li c'usi la jchapan ti j'ech'el ta jpas o ta atojolique xchi'uc ta stojol scotol li chonbolometique:

2 Samuel 3:14

Li Davide la stac batel j'almantal ta stojol li Is-bosete, ja' li xnich'on Saule, jech laj yal batel: “Ac'bun li Micale, ja' li cajnil ti linupin jchi'uc c'alal laj cac' vo'vinic (100) snuculil sni' sc'unilic filistaetique”, xut.

Éxodo 12:48

Pero me oy junuc yanlum cristiano te achi'uquic ta naclej ti tsc'an tspas ec li q'uin ta sventa chavich'icun ta muq'ue, ja' tsc'an ba'yuc ac'o yich' circuncisión scotol li viniquetic te ta snaique. Me la spas jeche, xu' xa tspas li q'uine, yu'un ja' xa jech chc'ot jech chac c'u cha'al li boch'o te voq'uem ta avosilalique. Pero me mu'yuc yich'ojic circuncisione, mu xu' tsti'ic li chije.

Éxodo 4:25

Ja' yu'un li Seforae la stsac jun ton ti lec oy ye jech chac c'u cha'al cuchiloe; ja' la se'pbe o snuculil sni' sc'unil li yole. Li snuculil sc'unil yole te laj yac'be ta yacan li Moisese, jech laj yalbe: “Ta mero melel ja' jmalalot ta sventa li ch'ich'e”, xut.

Hechos 7:8

Ja' i'ac'bat ta sba li c'usi la xchapan Diose, ja' li circuncisione. Jech c'alal ivoc' xnich'on li Abrahame, ja' li Isaaque, laj yac'be yich' circuncisión ta xvaxquibal c'ac'al. Ja' jech la spasbe xnich'on ec li Isaaque, ja' li Jacobe. Li Jacobe ja' jech la spasbe ec li lajchab (12) jmoltotactique.

Romanos 4:11

C'alal laj yich' circuncisione, ja' senyail, ja' svinajeb laj yich' ta sbec'tal ti ta melel tuc' yo'nton ilbil yu'un Dios ti c'alal mu'yuc to'ox chich' circuncisione, yu'un jech ja' stotic chc'ot ec li jch'unolajeletic ti mu'yuc yich'ojic circuncisione. Jech tuc' yo'nton ch-ilatic yu'un Dios ec ta sventa li xch'unojel yo'ntonique.

Deuteronomio 10:16

“Comtsano ta avo'ntonic c'usi yaloj li Muc'ul Diose, jech chac c'u cha'al circuncisión ti j'ech'el chcom senyail ta abec'talique. Mu me staojuc yav ti toj toybaoxuque.

Josué 5:3

Li Josuee lic spasbe lec ye jayibuc tonetic; ja' itun ta sventa xcuchilo. Ja' la xtuch'be o snuculil sni' sc'unilic li xchi'iltac c'alal te oyic ta vits Aralote.