Génesis 17:1 - Bible in Tzotzil de Chenalhó with Deuterocanon

¹ C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Bible in Tzotzil de Chamula

¹ C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 17:1 Iomraidhean Croise

Génesis 12:1

Ta yan c'ac'al jech i'albat yu'un Muc'ul Dios li Abrame: “Comtsano avosil, avuts' avalaltac, xchi'uc sna atot, yu'un chabat te ta banamil yo' bu chacac'bot avile.

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 16:16

Li Abrame yich'oj xa'ox vaquib yo'vinic (86) jabil ti c'alal ivoc' li Ismaele.

Génesis 18:1

Li Muc'ul Diose laj yac' sba ta ilel ta stojol Abraham te yo' bu nacal ta toyolal tulantic ta Mamree. Ja'o te chcux yo'nton ta sti' scarpana ta o'lol c'ac'al.

Génesis 18:14

¿Me yu'un oy c'usi mu xu' yu'un tspas li Diose? Le' ta jun jabile ta xtal jvu'lanot yan velta, li Sarae oy xa'ox yol —xi.

Génesis 24:40

Jech la stac'bun: ‘Li vu'une scotol c'ac'al nabalun ta stojol li Muc'ul Diose. Ja' ta stacbot tal yaj'almantal yu'un jech lec chac'ot ti bu chabate, xchi'uc jech chata tal junuc tseb te ta stojol yuts' yalaltac li jtote, yu'un ja' ta xic' li Isaaque.

Génesis 26:2

Li Muc'ul Diose te laj yac' sba ta ilel ta stojol li Isaaque, jech laj yalbe: “Mu me xabat ta lum Egipto. Te no'ox xacom ti bu chacalbote.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 43:14

Ja' chascoltaoxuc li Dios ti ech'em stsatsale, yu'un ac'o stijbe yo'nton li ajvalile jech xu' tscolta sutel tal li Simeón te chucul icome, xchi'uc mu me c'usi spasbe noxtoc li Benjamine. Me mu'yuc jnich'on chicom li vu'une, jechuc —xi.

Génesis 46:3

Jech i'albat yu'un li Diose: —Vu'un Diosun, ja' li Dios yu'un atote. Mu me xaxi' ti chabat ta Egiptoe yu'un te chc'ot jboles ep amomnich'nab. Jun muc'ta lum ta xbat cu'un.

Génesis 48:15

Li Israele lic sc'anbe bendición ta stojol li Josee. Jech laj yal: “Li Dios ti jun yo'nton laj yich'ic ta muc' li jmoltot Abraham xchi'uc li jtot Isaaque, xchi'uc ti ja' la xchabiun c'alal livoc', xchi'uc c'alal to tanae,

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

Génesis 5:22

Li Enoque jun yo'nton la spasbe c'usi tsc'an li Diose. C'alal voq'uem xa'ox li Matusalene, icuxi to batel yan oxib ciento (300) jabil. Jech ivoc' to yan squeremetic xchi'uc stsebetic.

Génesis 5:24

Ta sventa ti jun yo'nton la spasbe c'usi tsc'an Dios li Enoque, jech isacch'ay no'ox batel, yu'un i'ic'at batel yu'un li Diose.

Génesis 6:9

Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

1 Reyes 2:4

Yu'un jech ac'o c'otuc ta pasel ti jech ono'ox yalojbun li Muc'ul Diose: ‘Me mu'yuc ta scomtsanicun o li amomnich'nabtaque, me lec c'usitic tspasic o ta jtojol ta scotol sjol yo'ntonique, mu'yuc ta xlaj sc'oplal o ti ja' ch-ochic ta ajvalilal cu'un te ta Israele’, xiyutun ono'ox”, xi li Davide.

1 Reyes 3:6

Itac'ov li Salomone: “Li Davide, ja' li jtote, lec laj ac'uxubin, yu'un lec c'usitic la spas, xchi'uc jun yo'nton, tuc' yo'nton ta atojol. Ja' yu'un toj ep laj ac'uxubin, xchi'uc laj avac'be jun xnich'on ti ja' chchoti ta spasubmantal jech chac c'u cha'al c'otem xa ta pasel li' ta orae.

1 Reyes 8:25

Ja' yu'un Muc'ul Dios, Dios yu'un Israel, c'oteso noxtoc c'usi laj avalbe li jtot Davide, ja' ti jech laj avalbe chac li'i: ‘Ta persa ta xloc' jun aquerem; ja' ta xchoti ta xchotleb sventa tsventain li israeletique. Ja' no'ox venta me tsq'uel sbaic c'usi tspasic li anich'nabtaque, xchi'uc me chiyich'icun ta muc' jech chac c'u cha'al avich'ojun ta muc' li vo'ote’, xavut ono'ox.

2 Reyes 20:3

“Muc'ul Dios, avocoluc mu me xch'ay ta avo'nton ti jun co'nton litun avu'une, xchi'uc ti scotol co'nton la jpas c'usi chac'ane”, xut. Ep laj yoc'ta sba.

Job 1:1

Oy to'ox jun vinic te ta yosilal Uz, Job sbi. Lec tuc' yo'nton, lec c'usitic la spas, lec yich'oj ta muc' Dios, svoc'oj sba o ta sventa li c'usi chopole.

Job 11:7

“¿Me yu'un xu' avu'un chana'be c'usi mucul oy ta yo'nton li Diose? ¿Me xu' chana'be c'usi tsnop ta yo'nton stuc li Boch'o ech'em svu'ele?

Salmos 115:3

Li Dios cu'untique te oy ta vinajel; ja' tspas scotol li c'usitic tsc'an ta spase.

Salmos 116:9

Jech jun co'nton ta jpas c'usi tsc'an Muc'ul Dios li' ta banamil ta stojol li cristianoetique.

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Éxodo 6:3

laj cac' jba ta otquinel ta stojol Abraham, Isaac, xchi'uc Jacob vu'un ti “Ech'em Stsatsal”, xi jbie. Pero mu'yuc laj cac'be yotquinic ti ta melel ja' Muc'ul Dios jbie.

Proverbios 10:9

Li boch'o stamoj batel tuq'uil bee jun no'ox yo'nton; yan li boch'o yan be stamoj batele ta soc o sc'oplal.

Isaías 38:3

“Muc'ul Dios, avocoluc mu me xch'ay ta avo'nton ti jun co'nton laj quich'ot ta muq'ue, ti scotol co'nton la jpas c'usi chac'ane”, xut. Bats'i ep laj yoc'ta sba.

Jeremías 32:17

Cajval, Muc'ul Dios, vo'ot laj apas li vinajel banamil ta avu'el ta atsatsal, ta avoc ta ac'obe. Mu'yuc c'usi tsots chava'ay li vo'ote.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

Números 11:23

Pero li Muc'ul Diose jech laj yal: —¿Me yu'un chanop ti jutuc no'ox jvu'ele? Tana tsc'an chaq'uel me chc'ot ta pasel li c'usi laj cale, o me mo'oj —xi li Muc'ul Diose.

Números 24:16

C'alal ja'o yalem ta lum yu'un cha'ay c'usi ch-albat yu'un Diose, lec chajal ta sba ta sat scotol, chil scotol jech chac c'u cha'al yiloj scotol li Boch'o te oy ta vinajele. Ta xich' tal a'yejetic xchi'uc oy c'usi ch-ac'bat yil yu'un li Muc'ul Dios ti ech'em stsatsale.

San Mateo 19:26

Li Jesuse la sq'uelbe lec satic, jech laj yalbe: —Li cristianoetique mu xu' yu'un tscolta sba stuquic. Yan li Diose scotol xu' yu'un tspas —xut.

San Mateo 5:48

Tsc'an vo'oxuc lec avo'ntonic jech chac c'u cha'al lec yo'nton li Jtotic Dios te oy ta vinajele”, xi li Jesuse.

San Lucas 1:6

Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

Hechos 23:1

Li Pabloe la sq'uelbe lec sat scotol li jchapanvanejetic ta ch'ulnae, jech laj yalbe: —Jchi'iltac, li vu'une bats'i jun co'nton oyun o ta stojol li Diose. Ja' jechun o c'alal to tana —xi.

Hechos 24:16

Ja' yu'un tsots sc'oplal chca'ay ti mu me jta jmul ta stojol li Diose xchi'uc ta stojol li cristianoetique.

Efesios 3:20

Li Dios li' ch-abtej ta jtojoltic ti toj ech'em svu'el, ti ech'em to jech tspas jech chac c'u cha'al ta jnoptic, o ta jc'anbetique,

Deuteronomio 10:17

Yu'un li Muc'ul Dios cu'untique ja' Dios yu'un scotol li yan diosetique, xchi'uc ja' Ajvalil yu'un scotol li ajvaliletique. Ja' no'ox stuc sventainoj scotol, ech'em tsatsal. Ja' no'ox stuc xi'bil. Muc t'ujbiluc no'ox tspas li boch'o chc'uxubine. Muc ta taq'uinuc chac' li c'uxubinele.

Deuteronomio 18:13

Li vo'oxuque tuc'uc me avo'ntonic ta stojol li Muc'ul Diose.

Deuteronomio 30:20

Ja' me c'anic li Muc'ul Dios avu'unique. Ch'unbeic li c'usi chayalboxuque, xchi'uc junuc avo'ntonic o ta stojol yu'un ja' te oy li acuxlejalique, xchi'uc ja' ta sventa xu' chacuxiic ep jabil te ta banamil ti yalojbe ono'ox ta jamal amoltotaquic ta vo'onee, ja' li Abrahame, li Isaaque xchi'uc li Jacobe”, xut xchi'iltac li Moisese.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Hebreos 12:28

Ja' yu'un, vu'utic ti sc'oplal te ta jpastic mantal ti bu mu sna' xlaje, tsc'an ac'o jtojbetic ta vocol li Diose. Yutsiluc co'ntontic ac'o jpastic c'usi tsc'an, yu'un jech lec chil li Diose. Ac'o quich'tic lec ta muc' ta scotol co'ntontic.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.