Génesis 16:2 - Bible in Tzotzil de Chenalhó with Deuterocanon

² Ja' yu'un li Saraie jech laj yalbe li Abrame: —Q'uelavil, li Muc'ul Diose mu'yuc chiyac'bun col. Avocoluc chi'ino li jquiara Agare. Oy yic'al ja' sna' x'alaj, jech ja' col chc'ot li yole —xi. Li Abrame la xch'un c'usi i'albat yu'un li yajnile.

Bible in Tzotzil de Chamula

² Ja' yu'un un, xi laj yalbe ti Abrame: —Q'uel avil, ti Diose mu xac' alajcun. Ta jc'anbot vocol ta atojol, chi'ino ta vayel ti jmosov Agare. Xu' nan ta jta col yu'un ti antse. Ti Abrame laj xch'un ti jech i'albat yu'un ti Saraie.

Génesis 16:2 Iomraidhean Croise

Génesis 11:30

Pero li Saraie mu sna' x'alaj.

Génesis 17:16

Ta xcac'be bendición, yu'un ta xlic xchi'in jun anich'on. Melel xcal ti chcac'be bendicione. Ja' me'il chc'ot yu'un ep ta chop cristianoetic. Li syal'alabtaque oy ta xlic ochicuc ta ajvalilal ta lumetic —xut.

Génesis 18:10

Oy jun yu'unic jech laj yalbe li Abrahame: —C'alal jabile ta to xtal jvu'lanot, pero li avajnile oy xa'ox yol —xut. C'alal jech chlo'ilajic xchi'uc jvu'laletic li Abrahame, li Sarae te yabinoj ta sti' scarpanaic ta spat li smalale.

Génesis 19:31

Oy jun c'ac'al li vixile jech laj yalbe li smuque: —Li jtotique mol xa. Li' bu nacalutique mu'yuc viniquetic ti xu' ta jmalintique, yu'un jech jtaleltic ti tsc'an chijmalijutique.

Génesis 20:18

Yu'un ja' ta scoj Sara ti la spas ox Muc'ul Dios ti mu xu' ch-alajic li antsetic te oyic ta sna Abimeleque.

Génesis 25:21

Li Rebecae mu sna' x'alaj, ja' yu'un li Isaaque lic sc'opan Muc'ul Dios ta sventa li yajnile. I'aybat sc'op yu'un li Muc'ul Diose, jech te lic xchi'in yol li Rebecae.

Génesis 3:12

Itac'ov li vinique: —Ja' laj yac'bun li ants ti laj avac'bun jchi'ine jech la jlo' —xi.

Génesis 3:17

Jech laj yalbe ec li vinique: —Ta sventa ti laj ach'unbe smantal li avajnile, xchi'uc laj alo' li sat te' ti laj calbot mu xu' chalo'e, li' ta orae vo'ot ta amul ti chopol ta xcom o li banamile. Tsots cha'abtej c'alal chata ave'el ti jayib c'ac'al cuxulote.

Génesis 30:22

Pero li Diose it'ab ta yo'nton ec li Raquele. Laj ya'ibe sc'op, jech laj yac' ti ac'o ayinuc yalab eq'ue.

Génesis 30:6

Li Raquele jech laj yal: “Li olol li'i, Dan ta xcac'be sbi, yu'un li Diose laj ya'ibun li jc'ope. La spasbun li c'usi la jc'anbee, jech laj yac'bun jun col”, xi.

Salmos 127:3

Li col jnich'ontic chijyac'butic Muc'ul Diose ja' jc'ulejaltic, ja' jun muc' bendición chquich'tic.

Éxodo 21:4

Me te i'ac'bat yajnil yu'un yajvale, me i'ayin squerem stsebique, li mozoe stuc no'ox ac'o loc'uc batel. Li yajnil xchi'uc xnich'nabe ja' yu'un li yajvale.

Rut 4:11

Li banquilaletique xchi'uc li boch'otic te oyique jech laj yalic: —Lec oy, vu'un testigo chicomcutic. Li Muc'ul Diose ac'o yac' ti xu' chavic' li Rute; ac'o comuc jech chac c'u cha'al Raquel xchi'uc Lea ti ja' la sliquesic sts'unubal li Israele. Vo'ot lec ich'bil ta muc' chacom li' ta Efrata, xchi'uc oy lec ac'oplal chcom li' ta Belén.