Génesis 16:11 - Bible in Tzotzil de Chenalhó with Deuterocanon

¹¹ A'yo ava'ay oy xa ach'ut; ta xavoq'ues jun querem. Ismael chavac'be sbi, yu'un li Muc'ul Diose laj ya'ay ti oy ep avocole.

Bible in Tzotzil de Chamula

¹¹ Achi'uc xa avol, ta xavilbe sat jun aquerem, Ismael ta xavac'be sbi, yu'un ti Diose c'ot ta sni' ta xchiquin ti mu ech'baj avocole.

Génesis 16:11 Iomraidhean Croise

Génesis 17:19

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Génesis 21:17

Li Diose laj ya'ay ti ta x'oc' li quereme, jech ic'opanat tal ta vinajel yu'un yaj'almantal Dios li Agare. Jech i'albat: “¿C'usi apas, Agar? Mu xaxi', yu'un li Diose laj ya'ay ti ta x'oc' li querem yo' bu oye.

Génesis 37:25

Ts'acal te ichotiic; ive'ic. C'alal sbats'ilic ve'ele, laj yilic te stsaletic tal ismaeletic liquemic tal ta Galaad. Te xcuchojic tal ta camello perfumeetic, bálsamo, xchi'uc mirra, yu'un chbat xchonic ta Egipto.

Job 38:41

¿Boch'o chac'be sve'el li jojetic c'alal chchamic xa ta vi'nal yalabtaque, xchi'uc c'alal xch'ivlajetic ta sc'anel ta jtojole?

Salmos 22:24

Yu'un mu'yuc la sbaj, mu'yuc chopol laj yilbe svocolic li boch'o oy svocolique; mu'yuc bu la snac' sat ta stojolic. La scolta ti c'alal ic'anbat vocol ta stojole.

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Éxodo 3:9

A'yo ava'ay, li vu'une c'otem xa ta jtojol c'u x'elan xvocoletic ta sventa svocolic li israeletique, xchi'uc quiloj noxtoc c'u x'elan li uts'intael ch-ac'batic yu'un li egipto cristianoetique.

Isaías 7:14

A'yo ava'ay, ja' stuc Muc'ul Dios ta xac'bot avil senyail: A'yo ava'ay, ta to xlic xchi'in yol jun tseb; ta svoq'ues jun querem, Emanuel ta xac'be sbi.

San Lucas 1:13

Jech i'albat yu'un li j'almantale: —Mu me xaxi' Zacarías. Laj xa ya'ay c'usi laj ac'anbe li Diose. Li avajnil Isabele ta x'alaj. Querem ta svoq'ues. Juan chavac'be sbi.

San Lucas 1:31

A'yo ava'ay, ta xlic achi'in avol. Chavoq'ues jun querem. Jesús chavac'be sbi.

San Lucas 1:63

Li Zacariase te la sc'an jun pech'pech' te', jech la sts'iba: “Juan ta xcac'be sbi”, xi. Toj ch'ayel ic'ot yo'nton scotolic.

1 Samuel 1:20

Jech te lic nabuc xch'ut li Anae. C'alal ivoc' li yole, ja' unin querem. Samuel laj yac'be sbi, yu'un c'anbil yu'un ta stojol Muc'ul Dios.