Génesis 16:10 - Bible in Tzotzil de Chenalhó with Deuterocanon

¹⁰ Jech i'albat noxtoc yu'un li yaj'almantal Muc'ul Diose: “Ta xcac' boluc ep ayal'alabtac. Mu'yuc boch'o xu' yu'un chat c'u yepal.

Bible in Tzotzil de Chamula

¹⁰ Ma'uc no'ox taje, yu'un xi to albat yu'un ti yaj'ánjel Diose: “Mu'yuc spajeb ta jbolesbot batel ti anitilultaque, ti mu'yuc buch'u sna' ti c'u yepal ta xbate.

Génesis 16:10 Iomraidhean Croise

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 16:9

Li yaj'almantal Muc'ul Diose jech laj yal: —Sutan batel ta stojol li avajvale. Ch'unbo scotol li c'usitic chayalbote —xut.

Génesis 17:20

Ta sventa li Ismaele laj xa ca'ay li c'usi chac'anbee, jech ta xcac'be bendición ec. Ta xcac'be xnich'nab, xchi'uc ta xcac' boluc ep smomnich'nab. Li Ismaele ja' totil chc'ot yu'un lajchab (12) muc'tic banquilaletic, xchi'uc ja' ta sventa ta xlic jun muc'ta lum.

Génesis 21:13

Jech noxtoc li yol aquiarae ta xcac' licuc jun muc'ta lum ta sventa, yu'un ja' anich'on”, x'utat.

Génesis 21:16

Nom jutuc bat chotluc, yu'un mu sc'an sq'uel ta xcham li yole. C'alal te xa chotole, li quereme lic oc'uc.

Génesis 21:18

Batan, bat q'uelo li aquereme. Nitbo sc'ob yu'un ja' ta sventa ta xcac' licuc jun muc'ta lum”, x'utat.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

1 Timoteo 6:16

Ja' no'ox stuc ti stalel cuxul, ti mu sna' xcham oe. Nacal ta tsots xojobal; mu'yuc boch'o xu' ta xnoch'aj batel. Me junuc cristiano mu'yuc boch'o yiloj, mu'yuc boch'o xu' tsq'uel. Stuc no'ox ac'o ich'atuc ta muc'. Stuc no'ox ac'o spas mantal sbatel osil. Jechuc.

Jueces 6:11

Li j'almantal yu'un Muc'ul Diose te ital chotluc ta yolon jpets tulan te ta Ofra ta yosil Joás, ja' li jchop sbiic abiezeretique. Li Gedeón, xnich'on Joase, ja'o te ta xic'a strigo ta nac'alaltic ta yav spits'ubil ya'lel ts'usub, yu'un jech mu x'ilat yu'un li madianetique.

Jueces 6:16

Itac'ov li Muc'ul Diose: —Xu' avu'un, yu'un vu'un chajchi'inot batel. C'alal chc'ot amil li madianetique, ja' no'ox jech chac c'u cha'al jun vinic chava'ay —xut.