Génesis 15:5 - Bible in Tzotzil de Chenalhó with Deuterocanon

⁵ Li Muc'ul Diose laj yic' loq'uel ta amac' li Abrame jech laj yalbe: —Q'uelo lec avil li vinajele. Ato jaybej li c'analetique. Jq'ueltiquic me xu' avu'un yatel, yu'un jech to yepal chbat li amomnich'nabtaque —xut.

Bible in Tzotzil de Chamula

⁵ Ja' yu'un un, ti Diose laj yic' loq'uel ti Abram ti xi laj yalbee: —Q'uelo avil batel ti vinajele. Ato avil ti c'analetic mi xchap avu'une. Ja' yu'un un cha'e, ja' jech yepal ta xbat ti anitilultaque.

Génesis 15:5 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Génesis 13:16

Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Génesis 16:10

Jech i'albat noxtoc yu'un li yaj'almantal Muc'ul Diose: “Ta xcac' boluc ep ayal'alabtac. Mu'yuc boch'o xu' yu'un chat c'u yepal.

Génesis 17:2

Oy jun c'usi li' ta jchapan ta atojol. Bats'i ep ta xcac' boluc amomnich'nab —x'utat.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 32:13

C'alal i'och ac'ubale, ivay li Jacobe. Ta scotol li c'usitic yich'anoj tale, lic st'ujbe smotonin li sbanquile, ja' li Esaue.

1 Reyes 3:8

Pero li' xa jventainoj li anich'nabtac ti t'ujbilic avu'une: ja' li jun lum ti bats'i epique, ti mu xlaj jna' c'u yepale, ti mu xlaj ta atele.

1 Crónicas 27:23

Li Davide muc stsacbe ta vun sbiic li boch'otic mu to sta jtob (20) sjabilalique, yu'un yaloj ono'ox Muc'ul Dios ti ta xbolic jech chac c'u cha'al c'analetic ta vinajele.

Nehemías 9:23

Laj abolesbe yalab xnich'nabic jech chac c'u cha'al c'analetic ta vinajel, xchi'uc laj avic' batel ta banamil ti bu avalojbe ono'ox jmoltot jyame'cutic ta vo'one chavac'be yich'ique.

Job 35:5

Q'uelo muyel avil li vinajele; q'uelo lec avil li toquetique ja' toyol oy avu'un.

Salmos 147:4

Ja' yich'oj ta venta c'u yepal li c'analetique; ta jujubej ta sc'opan ta sbiic.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Isaías 51:2

ja' li Abrahame yu'un ja' atotic; li Sarae ja' ame'ic, yu'un ja' la sbolesoxuc. C'alal laj quiq'ue, stuc no'ox, pero laj cac'be ep bendición, laj jbolesbe ep smomnich'nab.

Jeremías 33:22

Jech chac c'u cha'al mu stac' atel li c'analetic ta vinajele xchi'uc li yi'tic ta ti'nabe, ja' jech yepal ta jbolesbe smomnich'nab li cajtunel Davide xchi'uc li levietic ti chtunic ta jtojole”, x'utat yu'un Muc'ul Dios li Jeremiase.

Romanos 4:18

Li Abrahame jun yo'nton la smala, ac'o me sna'oj ti mu xa xnich'naje, pero la xch'un. Jech ja' totil ic'ot yu'un ep ta chop cristianoetic jech chac c'u cha'al i'albat yu'un Diose: “Jech to yepal ta xbat amomnich'nab”,, x'utat.

Deuteronomio 1:10

Yu'un li Muc'ul Dios, ja' li Dios cu'untique, bats'i ep xa laj yac'boxuc li avol anich'onique. Li' ta orae bats'i epoxuc xa jech chac c'u cha'al c'analetic ta vinajel ti mu stac' atele.

Deuteronomio 10:22

C'alal ic'otic ta Egipto banamil li jmoltot jyame'tic ta vo'onee, ja' no'ox oy lajuneb xchanvinic (70) ta scotolic, pero li Muc'ul Dios cu'untique, laj xa yac' bolcutic jech chac c'u cha'al c'analetic ta vinajel.

Hebreos 11:12

Jech ec li Abrahame ac'o me jun no'ox vinic, xchi'uc ac'o me xco'laj xa xchi'uc chamen ya'yel, pero jech to yepal ibol smomnich'nab jech chac c'u cha'al c'analetic, jech chac c'u cha'al yi' ta ti'nab ti mu stac' atele.

Josué 24:3

C'alal te nacal ta jot uc'um Eufratese, vu'un laj quic' li Abrahame, ay cac'be xan scotol li Canaán banamil li'i, xchi'uc laj cac' boluc ep smomnich'nab. Vu'un laj cac'be li xnich'on Isaaque.