Génesis 15:2 - Bible in Tzotzil de Chenalhó with Deuterocanon

^2-3 Li Abrame jech la stac': —Cajval, Muc'ul Dios, ¿c'usi chtun o cu'un li jmoton chavac'bune yu'un lec xana' ti mu'yuc jnich'one? Ta sventa ti mu'yuc avac'ojbun junuc jnich'one, scotol li c'usitic oy cu'une ja' ta xich' comel li jun jmozo Eliezer liquem tal ta Damascoe —xut.

Bible in Tzotzil de Chamula

² Ti Abrame xi laj staq'ue: —Cajval, Ch'ul Dios, ¿c'usi xtun o ti ta xavac'bun ep ti jmotone c'alal xana' lec ch'abal ti jnich'nabe?

Génesis 15:2 Iomraidhean Croise

Génesis 14:15

Ta ac'ubaltic c'alal ja'o ch'ayem yo'ntonique, li Abram xchi'uc xchi'iltaque te lic stsaquic ta pleito li ajvaliletique. La snutsic batel c'alal to ta Hoba ta yac'ol lum Damasco ta norte.

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 24:10

Jech te la st'uj batel matanal, ja' li c'usitic ven lequic oy yu'un li yajvale. La yic' batel lajuncot camello, jech te ibat ta slumal Nacor ta Mesopotamia banamil.

Génesis 24:2

Oy jun smozo ti ven mol xae; ja' yac'ojbe sventain scotol li c'usitic oy yu'une. Jech laj yalbe: —Ac'o ac'ob li' ta yolon co'e.

Génesis 25:21

Li Rebecae mu sna' x'alaj, ja' yu'un li Isaaque lic sc'opan Muc'ul Dios ta sventa li yajnile. I'aybat sc'op yu'un li Muc'ul Diose, jech te lic xchi'in yol li Rebecae.

Génesis 39:9

Mu'yuc boch'o yan tsots yabtel li' ta anaic jech chac c'u cha'al vu'un. Li cajvale yac'ojbun ta jc'ob scotol li c'usi oy yu'une. Ja' xa no'ox mu'yuc jventainojot li vo'ote yu'un yajnilot. Jech ¿c'u yu'un ta jpas li c'usi toj chopole, xchi'uc ti ja' sventa ta jta o jmul ta stojol Diose? —xut li antse.

Génesis 43:19

C'alal te xa oyic ta ti'nae, inopajic batel ta stojol li jchabinae.

Génesis 44:1

C'alal ilaj yo'ntonic ta ve'ele, li Josee jech laj yalbe li jchabina yu'une: —Nojesbo xcoxtalic li viniquetic li'i. Ac'bo batel ti bu c'alal xu' yu'unic xcuchel batel li trigoe. Xchi'uc te xatic'anbeic batel ta xcoxtalic jujunic noxtoc li staq'uinique.

Salmos 127:3

Li col jnich'ontic chijyac'butic Muc'ul Diose ja' jc'ulejaltic, ja' jun muc' bendición chquich'tic.

Proverbios 13:12

Me mu jtatic ta ora li c'usi ta jmalatique ta xlo'ilaj co'ntontic; pero me chc'ot ta pasel li c'usi ta jc'antique toj jun no'ox co'ntontic.

Proverbios 17:2

Li bijil mozoe ja' chlic sventain ec li querem ti mu'yuc lec sc'oplale; li c'usi oy yu'une ta xich'be noxtoc jech chac c'u cha'al ta xich'ic li xchi'iltac ta voq'uele.

Isaías 17:1

Laj yich' albel sc'oplal ti chich' ulesel li Damascoe: Li lum Damascoe j'ech'el chich' yavnaijesel o; puru tonetic xa te busul chcom ta yav.

Isaías 56:5

vu'un ta xcac'be lec yavilic te ta jch'ulna, xchi'uc te ta yut coraltonetic cu'un. Ja' x'ech' to slequil sbi chcac'beic jech chac c'u cha'al nich'naletic; ta xcac'be lec sbiic sventa sbatel osil ti mu xtu'p oe.

Jeremías 49:23

Lo'il sventa Damasco: “Li lumetic ta Hamat xchi'uc ta Arfade mu xa sna' c'usi tspasic yu'un laj ya'yic chopol a'yej. Toj ep ta xniquic ta xi'el, jech chac c'u cha'al nab ti mu stac' pajesele.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Rut 2:6

Itac'ov li capurale: —Ja' Moab tseb yic'oj tal li Noemie.

1 Samuel 1:11

Oy c'usi laj yal ta stojol li Diose, jech laj yal: “Muc'ul Dios, vo'ot ti chapas ta mantal scotol te ta vinajele, me chavil ti ep chcat co'ntone, me chana'un, me mu xach'ayun ta avo'ntone, ac'bun junuc cunin querem. Me laj avac'bune, ta xcac' tunuc o avu'un ti jayib c'ac'al cuxule. Mu'yuc ta xcac'be ta loc'bel sjol; ja' senyail ti cac'ojbot o ta ac'obe”, xut.