Génesis 14:1 - Bible in Tzotzil de Chenalhó with Deuterocanon

¹ Ta sc'ac'alil le'e, oy chanib ajvaliletic la spasic pleito xchi'uc yan vo'ob ajvaliletic. Li Quedorlaomer, ja' li banquilal ta chanib ajvalile, ja'o ochem ta ajvalilal te ta Elam. Ja'o ochem ta ajvalilal te ta Sinar li Amrafel sbie. Li Arioque ja'o ochem ta ajvalil te ta Elasar. Li Tidale ja'o ochem ta ajvalil te ta Goim.

Bible in Tzotzil de Chamula

¹ Ti jech ora ta vo'ne taje, xi s'elan oy chanib ajvaliletic: Ti Amrafele, ja' ajvalil yu'un ti jteclum Sinare. Ti Arioque, ja' ajvalil yu'un ti jteclum Elasare. Ti Quedorlaomere, ja' ajvalil yu'un ti jteclum Elame. Ti Tidale, ja' ajvalil yu'un ti jteclum Goime.

Génesis 14:1 Iomraidhean Croise

Génesis 10:10

Li lumetic bu la spas mantal ta sliquebe ja' Babel, Erec, Acad, xchi'uc Calne; ja' te oy ta yosilal Sinar.

Génesis 10:22

Li xnich'nabtac Seme ja' Elam, Asur, Arfaxad, Lud, xchi'uc Aram.

Génesis 11:2

C'alal ibatic ta stuq'uil sloq'ueb c'ac'ale, te la staic jun stenlejaltic ta yosilal Sinar, jech te inaquiic o.

Génesis 14:9

Ja' bat stsaquic ta pleito li Quedorlaomere, li Tidale, li Amrafele, xchi'uc li Arioque, ja' li chanib ajvaliletic ta Elam, ta Goim, ta Sinar, ta Elasare. Ja' yu'un la scontrain sbaic chanib ajvaliletic xchi'uc vo'ob ajvaliletic.

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Isaías 21:2

Toj xi'bal sba c'usi laj yac'bun quil li Diose: Li boch'o ch-ac'van ta c'abal ta mucule ta ono'ox x'ac'van ta c'abal o; li boch'o tsoquesvane ta ono'ox soquesvan o. Elametic, muyanic batel. Mediaetic, bat setuic. Ta jpajes xa li avocolique.

Isaías 22:6

Li elametique chapal xa yu'unic li sflechaique, cajajtic xa ta scaretaic xchi'uc ta ca'etic yu'unic; li boch'otic te nacajtic ta Kire laj xa sloq'ues tal li smacubbailique.

Isaías 37:12

¿Me oy icoltaatic yu'un diosetic yu'unic ec li yantic banamil ti laj yulesic jmoltotac ta vo'onee, ja' li lum Gozán, Harán, Resef, xchi'uc li yajvaltac Bet-edén ti te to'ox nacajtic ta Telasare?

Jeremías 25:25

xchi'uc scotol ajvaliletic ta Zimri, scotol ajvaliletic ta Elam, scotol ajvaliletic ta Media,

Ezequiel 32:24

“Te oy noxtoc li Elame; te joyibtabil smuquinal yu'un scotol li yajsoldadotaque. Scotolic le'e milbil ta espada ichamic. Mu'yuc yich'ojic circuncisión iyalic batel ta mero yutil banamil, yu'un laj to'ox yaq'uic ep xi'el li' ta sba banamil. Pero mu'yuc stu ic'ot ta stojol li boch'otic te xa oyic ta muquinale.

Daniel 1:2

Li Diose laj yac' ta sc'ob Nabucodonosor li Joaquime, jech la xchuc batel ta Babilonia. Jech noxtoc laj yac'be ta sc'ob ep li c'usitic chtun te ta xch'ulna Muc'ul Diose. Li Nabucodonosore te c'ot yac' scotol ta xch'ulna diosetic yu'un; te la stic' ta snail sc'ulejal li diosetic yu'une.

Daniel 8:2

Ta jvayech te oyun ta muc'ta lum Susa, ja' li muc'ta lum te ta Elam banamile. Te va'alun ta ti' uc'um Elai laj quil.

Zacarías 5:11

Itac'ov: “Yu'un ta spasbeic sna te ta yosilal Sinar. C'alal me imeltsaj yu'unique, ja' te ta xlic snacanic lec ta snacleb li moche”, xiyutun.

Josué 12:23

xchi'uc ta Dor te ta Dor banamil, xchi'uc ta Goim te ta Gilgal,