Génesis 13:8 - Bible in Tzotzil de Chenalhó with Deuterocanon

⁸ Ja' yu'un li Abrame oy jun c'ac'al jech laj yalbe li Lote: “Li vu'utique cuts' calal jbatic. Mu lecuc ti oy c'op cu'untique, xchi'uc mu lecuc ti chut sbaic li jchabivacaxetic cu'untique.

Bible in Tzotzil de Chamula

⁸ Ja' yu'un un, ti Abrame oy bu jun c'ac'al xi laj yalbe ti Lote: “Ti vo'ote, cuts' calal jbatic. Mu lecuc ti ta xcutan jbatic. Mi ja'uc ti ta xut sbaic ti jq'uel-chon-bolometic cu'untique.

Génesis 13:8 Iomraidhean Croise

Génesis 13:9

Li' oy scotol li banamile. Xu' chat'uj bu chac'an. Ja' lec jvoc' jbatic. Me vo'ot chabat ta xocon sloq'ueb c'ac'al ta nortee, vu'un chibat ta xocon smaleb c'ac'al ta Sur. Yan me vo'ot chabat ta xocon smaleb c'ac'al ta Sure, vu'un chibat ta xocon sloq'ueb c'ac'al ta norte”, xut.

Génesis 14:14

C'alal laj ya'ay Abram ti ichucat xa batel li sjunich'one, la stsob li smozotac te voq'uemic ta snae. La xchapan lec batel. Ti c'u yepal la sta sbaique, ja' oxib ciento xchi'uc vaxaclajuneb (318). Jech iloq'uic batel; bat snutsic li ajvaliletique ic'otic c'alal to ta lum Dan.

Génesis 45:24

Li Josee la sc'opan sbaic comel xchi'uc li sbanquiltaque. Jech laj yalbe batel li sbanquiltaque: —Mu me xlic batel ac'opic ta be —xut. Jech ibatic.

Génesis 46:34

albeic ti ja' avabtelic o sts'unel chij xchi'uc atot ame'ic ta abic'talique. Me jech chavalbeique, xu' chayac'boxuc avich'ic li osil te ta Gosene. Yu'un li egiptoetique oy mantal yu'unic ti mu xu' co'ol chnaqui xchi'uquic li jchabichijetique —xut sbanquiltac li Josee.

Salmos 133:1

Q'uelavilic, toj lec, toj jun yutsil c'alal lec co'ol co'ntontic ti cuts' calal jbatique.

Éxodo 2:13

Ta yoc'omal iloc' batel noxtoc. Te laj yil tsmaj sbaic chib hebreo viniquetic. Jech la sjac'be li boch'o chmajvane: —¿C'u yu'un ti chamaj achi'il ta israelale? —xut.

Proverbios 15:1

Li c'unil tac'ovele ja' tspajes li c'ac'al o'ntonale; yan li tsots tac'ovele ja' tsliques c'ac'al o'ntonal.

Proverbios 15:18

Li boch'o toj ech'em x'iline ta xlic c'op yu'un; yan li boch'o muc' no'ox yo'ntone chpaj c'op yu'un.

Proverbios 20:3

Li boch'o tscomtsan sa' c'ope ja' sventa yich'el ta muc'; li bol cristianoetique ja' no'ox oy ta yo'ntonic li sa' c'ope.

San Mateo 5:9

“Xcuxet no'ox yo'nton li boch'o yac'oj svocolic ta spajesel c'ope; ja' xnich'nabtac Dios, xi sc'oplalic.

Hechos 7:26

Ta yoc'omal laj yil ta scontrain sbaic chib xchi'iltac. Tsc'an ox ta spajes. Jech laj yalbe: ‘¿C'u yu'un chacontrain abaic, yu'un achi'il no'ox abaic?’, xut.

Romanos 12:10

Talbat xac'an abaic ta sventa ti co'ol ach'unojique. Talbat chavich' abaic ta muc'.

Filipenses 2:14

Scotol li c'usitic chapasique pasic me ta yutsil avo'ntonic, mu me xabic'talvulajeticuc, mu me xavutilan abaic o.

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

Hebreos 12:14

Tsotsuc me sc'oplal o chava'yic ti co'ol avo'nton acotolique, xchi'uc ti tuc'uc avo'ntonic scotol orae. Yu'un me mu'yuc tuq'uiben co'ntontique, mu xu' chbat jq'uelbetic sat li Cajvaltique.

Hebreos 13:1

Jechuc me avo'nton chac'an abaic o ta sventa ti co'ol ach'unojique.

1 Pedro 1:22

Li vo'oxuque pocbil xa avo'ntonic ta sventa ti ach'unojic xa li sc'op Dios ti ja' melele, yu'un chac'anan abaic ta sventa ti achi'il xa abaic ta voq'uel c'oteme. Jech tsc'an j'ech'el chac'anan abaic o ta scotol avo'ntonic xchi'uc ta scotol atsatsalic.

1 Pedro 2:17

Ich'ic me ta muc' scotol li cristianoetique. C'anic me li boch'o co'ol jch'unojtic Dios jchi'uctique. Ich'ic ta muc' li Diose; ich'ic ta muc' noxtoc li muc'ta ajvalile.

1 Pedro 3:8

Slajeb xa chacalboxuc, co'oluc me avo'nton ta acotolic. C'ux me xava'ay abaic, c'ano me abaic, yu'un jun xa atotic. Oyuc slequil avo'ntonic; biq'uit me xavac' abaic.

1 Pedro 4:8

Pero ja' tsots sc'oplal ti ech'em to ac'o ac'an abaic li vo'oxuque. Yu'un li c'anvaneje ta xac' ch'ayuc ep mulil.

2 Pedro 1:7

Me jun avo'nton chavich'ic ta muc' Diose, chac'an li achi'iltaquique. Me ac'anoj li achi'iltaquique, oy xa c'anvanej ta avo'ntonic.

1 Juan 4:7

Quermanotac, vo'oxuc ti lec jc'anojoxuque, jc'anan me jbatic. Yu'un li c'anvaneje ja' te liquem tal ta stojol Dios. Scotol li boch'otic ta xc'anvanique ja' xa xnich'nab Dios, xotquin xa li Diose.

Jueces 9:26

Li Gaal, xnich'on Ebede, te ijelovic ta Siquem xchi'uc xchi'iltac ta voq'uel; ivu' yu'un la spas ta co'ol yo'nton xchi'uc li siquemetique.