Génesis 13:18 - Bible in Tzotzil de Chenalhó with Deuterocanon

¹⁸ Ja' yu'un li Abrame la stitun batel li scarpanae. Bat nacluc ta toyolal tulantic yu'un jun vinic Mamre sbi, te ta nopol lum Hebrón. Te la spas jun scajleb smoton Muc'ul Dios, yu'un chich' ta muc'.

Bible in Tzotzil de Chamula

¹⁸ Ja' yu'un un, ti Abrame laj stsob batel ti yaxibalnae, bat nacluc ta tulantic yu'un jun vinic Mamre sbi, nopol xa ta sts'el jteclum Hebron. Ti bu taje, laj sva'an jun altar ta sventa yich'obil ta muc' ti Diose.

Génesis 13:18 Iomraidhean Croise

Génesis 13:4

Le'e ja' ti bu ono'ox la spasbe scajleb smoton Muc'ul Dios ta ba'yuque, xchi'uc ti bu laj yich' ta muc' li Muc'ul Diose.

Génesis 14:13

Pero oy jun vinic icol to batel; ja' bat yalbe ya'ay ta ora Abram ja' li hebreo vinic te nacal ta toyolal tulantic yu'un Mamree, ja' li amorreo vinique. Li Mamree ja' xchi'iltac ta voq'uel li Escol xchi'uc li Anere. Li viniquetic le'e ja' co'ol tscolta sbaic ta pleito xchi'uc li Abrame.

Génesis 18:1

Li Muc'ul Diose laj yac' sba ta ilel ta stojol Abraham te yo' bu nacal ta toyolal tulantic ta Mamree. Ja'o te chcux yo'nton ta sti' scarpana ta o'lol c'ac'al.

Génesis 22:9

C'alal ic'otic yo' bu albil yu'un Diose, li Abrahame la spas jun scajleb smoton Dios. La slatsbe lec si'il. Ts'acal lic xchucbe yoc sc'ob li Isaaque; te la xmochan ta scajleb smoton Dios ta sba li si'e.

Génesis 23:2

Te icham ta Quiriat-arba, ja' li lum Hebrón te ta yosilal Canaane. Li Abrahame ep i'oc' ta sventa ti icham li Sarae; ep laj yat yo'nton.

Génesis 26:25

Ja' yu'un li Isaaque la spas jun scajleb smoton Muc'ul Dios, laj yich' ta muc' li Muc'ul Diose. Te lic spas scarpana; te inaqui o. Li smozotaque te lic sjoq'uic jch'oj joc'.

Génesis 35:27

Li Jacobe ibat sq'uel li stot te ta Mamree, ja' li Isaaque. Ja' te ta lum Arba, ja' li Hebrón yan sbie. Ja' to'ox te inaquiic li Abraham xchi'uc Isaaque.

Génesis 37:14

—Lec oy, bat q'uelo c'u x'elan li abanquiltaque xchi'uc li chijetique. Xasut me tal ta ora xtal avalbun ca'ay c'u x'elanic —xi li Israele. Li Israele te oyic ta stenlejaltic Hebrón ti c'alal la stac batel li Josee. C'alal ic'ot ta Siquem li Josee,

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

2 Samuel 2:1

C'alal jech ic'ot ta pasele, li Davide jech lic sjac'be li Muc'ul Diose: —¿Me xu' chibat ta junuc lum te ta yosilal Judae? —xut. —Xu' chabat —xi li Muc'ul Diose. Jech la sjac' noxtoc li Davide: —¿Bu lumal xu' chibat? —xut. —Batan te ta Hebrón —xi li Muc'ul Diose.

Salmos 16:8

Scotol ora li' oy o ta jtojol li Muc'ul Diose, jech mu'yuc boch'o xu' chisjipun ta lum, yu'un li' oy o ta jbats'ic'ob.

Números 13:22

Te i'ochic batel ta Néguev, ic'otic c'alal to ta Hebrón. Ja' te nacajtic li Ahimán, Sesai, xchi'uc Talmai smomnich'nabtac Anaque. Li Hebrone svucubal xa'ox jabil smeltsajel c'alal laj yich' pasel li Zoán te ta Egiptoe.

1 Timoteo 2:8

Ja' yu'un ta jc'an ac'o sc'opanic Dios li viniquetic ti buyuc no'ox oyique, ac'o xbech sc'obic ta stojol Dios, ac'o mu'yucuc sc'ac'al yo'ntonic; mu me chopoluc c'usi oy ta yo'ntonic.

Hebreos 11:9

Ta sventa xch'unojel yo'nton noxtoc li Abrahame, jech c'alal inaqui ta yosil bu i'ac'bate, carpana no'ox la snain jech chac c'u cha'al yanlum. Ja' jech inaqui xchi'uc li Isaac, li Jacob ti sc'oplal ja' co'ol chich'ic xchi'uc li c'usi albil ono'ox ch-ac'batique.

Josué 14:13

Ja' yu'un li Josuee la sc'anbe bendición li Calebe, xchi'uc ja' laj yac'be yich' o xchi'uc smomnich'nab li Hebrone.

Josué 15:13

Li Josuee te laj yac'be spuculal osil ec li Caleb yo' bu laj yich' yosilic li jchop liquemic ta Judae. Yu'un jech ono'ox mantal albil yu'un Muc'ul Dios li Josuee. Ja' laj yich' li Quiriat-arba, ja' li lum Hebrón ti toj muc' ta scotol lum yu'unic li smomnich'nab muc'ta vinic Anaque.