Génesis 13:16 - Bible in Tzotzil de Chenalhó with Deuterocanon

¹⁶ Vu'un ta xcac' boluc ep amomnich'nab jech chac c'u cha'al spucucal banamil. Jech c'u cha'al mu stac' atel li pucuque, ja' jech mu stac' atel li amomnich'nabtaque.

Bible in Tzotzil de Chamula

¹⁶ Vu'un ta jpas ta stojolic ti ta xcac' epajuc jech c'u cha'al spucuquil ti banomile. Jech c'u cha'al mu atbajuc c'u yepal ti pucuque, ja' jech mu atbajuc yepal ta xbat ti anitilultaque.

Génesis 13:16 Iomraidhean Croise

Génesis 15:5

Li Muc'ul Diose laj yic' loq'uel ta amac' li Abrame jech laj yalbe: —Q'uelo lec avil li vinajele. Ato jaybej li c'analetique. Jq'ueltiquic me xu' avu'un yatel, yu'un jech to yepal chbat li amomnich'nabtaque —xut.

Génesis 16:10

Jech i'albat noxtoc yu'un li yaj'almantal Muc'ul Diose: “Ta xcac' boluc ep ayal'alabtac. Mu'yuc boch'o xu' yu'un chat c'u yepal.

Génesis 17:16

Ta xcac'be bendición, yu'un ta xlic xchi'in jun anich'on. Melel xcal ti chcac'be bendicione. Ja' me'il chc'ot yu'un ep ta chop cristianoetic. Li syal'alabtaque oy ta xlic ochicuc ta ajvalilal ta lumetic —xut.

Génesis 17:2

Oy jun c'usi li' ta jchapan ta atojol. Bats'i ep ta xcac' boluc amomnich'nab —x'utat.

Génesis 17:20

Ta sventa li Ismaele laj xa ca'ay li c'usi chac'anbee, jech ta xcac'be bendición ec. Ta xcac'be xnich'nab, xchi'uc ta xcac' boluc ep smomnich'nab. Li Ismaele ja' totil chc'ot yu'un lajchab (12) muc'tic banquilaletic, xchi'uc ja' ta sventa ta xlic jun muc'ta lum.

Génesis 17:6

Bats'i ep ta xcac' boluc amomnich'nab. Vo'ot ta aventa ta xlic ep muc'tic ajvaliletic xchi'uc muc'tic lumetic.

Génesis 18:18

Yu'un li stuque ja' totil chc'ot yu'un jun muc'ta lum ti oy lec stsatsale. Yu'un calojbe ono'ox ti ja' ta sventa chich'ic bendición scotol li muc'tic lum li' ta banamile.

Génesis 21:13

Jech noxtoc li yol aquiarae ta xcac' licuc jun muc'ta lum ta sventa, yu'un ja' anich'on”, x'utat.

Génesis 22:17

ti ta melel ta xcac'bot ep bendicione. Ta xcac' boluc ep amomnich'nab jech chac c'u cha'al c'analetic ta vinajel, jech chac c'u cha'al yi'tic ta ti'nab. Li stuquique tsalbil ta xc'ot yu'un li yajcontraique.

Génesis 26:4

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 28:3

Li Dios ti scotol xu' yu'une, ja' chayac'bot bendición, xchi'uc ja' chayac'bot ep amomnich'nabtac, yu'un jech vo'ot ta aventa ta xlic ep muc'tiquil lumetic.

Génesis 32:12

Vo'ot laj avalbun ta jamal ti lec chic'ot avu'une. Xchi'uc laj avalbun noxtoc ti ta to xbol ep jmomnich'nabtaque, ti ja' jech yepal chbatic jech chac c'u cha'al yi'tic ta ti'nab ti mu stac' atele”, xi la sc'opan Dios li Jacobe.

Génesis 32:13

C'alal i'och ac'ubale, ivay li Jacobe. Ta scotol li c'usitic yich'anoj tale, lic st'ujbe smotonin li sbanquile, ja' li Esaue.

Génesis 35:11

jech laj yalbe: “Vu'un Diosun ti scotol xu' cu'une; ta xcac'bot ep anich'nab xchi'uc amomnich'nab. Vo'ot ta aventa ta xlic jun muc'ta lum, xchi'uc yantic epal lumetic. Te ta stojol amomnich'nabtac ta xloc' muc'tic ajvaliletic.

Génesis 46:3

Jech i'albat yu'un li Diose: —Vu'un Diosun, ja' li Dios yu'un atote. Mu me xaxi' ti chabat ta Egiptoe yu'un te chc'ot jboles ep amomnich'nab. Jun muc'ta lum ta xbat cu'un.

1 Reyes 3:8

Pero li' xa jventainoj li anich'nabtac ti t'ujbilic avu'une: ja' li jun lum ti bats'i epique, ti mu xlaj jna' c'u yepale, ti mu xlaj ta atele.

1 Reyes 4:20

Te ta Judá xchi'uc ta Israele mu xa stac' atel c'u yepalic, jech chac c'u cha'al yi' ta ti'nab. Xchi'uc oy lec sve'elic, oy lec c'usi chuch'ic jech xcuxet no'ox yo'ntonic.

2 Reyes 13:23

Pero li Muc'ul Diose toj c'ux ta yo'nton israeletic ta scoj ti oy ono'ox c'usi xchapanoj xchi'uc li Abraham, Isaac, xchi'uc Jacobe. Jech la scolta; muc xules, mu'yuc sloq'uesoj o ta stojol c'alal to tana.

1 Crónicas 21:5

Ta scotol li israeletique oy jun millón xchi'uc vo'vinic ta mil (1,100,000) ti xu' xa yu'unic pleitoe. Ta Judae ja' oy chanib ciento xchi'uc lajuneb xchanvinic ta mil (470,000) ti xu' xa yu'unic pleitoe.

1 Crónicas 27:23

Li Davide muc stsacbe ta vun sbiic li boch'otic mu to sta jtob (20) sjabilalique, yu'un yaloj ono'ox Muc'ul Dios ti ta xbolic jech chac c'u cha'al c'analetic ta vinajele.

2 Crónicas 1:9

ja' yu'un Muc'ul Dios, c'otuc me ta pasel avu'un c'usi laj avalbe li jtote, yu'un vo'ot laj atic'un ta ajvalilal ta sventa li epal cristianoetic ti ja' jech yepalic jech chac c'u cha'al pucuc ta banamile.

Job 5:25

Jech noxtoc chavil ti bats'i ep chbol li amomnich'nabe; bats'i ep chbat jech chac c'u cha'al ts'i'laletic.

Éxodo 1:7

Pero ta sventa ti bats'i ep ibol yalab xnich'nabique, jech ibolic ta jyalel, laj yich' lec stsatsalic. Solel inoj yu'unic li banamil bu ic'otique.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Jeremías 33:22

Jech chac c'u cha'al mu stac' atel li c'analetic ta vinajele xchi'uc li yi'tic ta ti'nabe, ja' jech yepal ta jbolesbe smomnich'nab li cajtunel Davide xchi'uc li levietic ti chtunic ta jtojole”, x'utat yu'un Muc'ul Dios li Jeremiase.

Números 23:10

Co'olic jech chac c'u cha'al pucuc. Mu'yuc boch'o xu' yu'un chata c'u yepal; mu'yuc boch'o sna' jayibic. Oyuc c'uxi jech xicham ec jech chac c'u cha'al li boch'otic tuc' yo'ntonic le'e. Ja' ta jta ec li c'usi tstaic ti jechuque”, xi li Balaame.

Deuteronomio 1:10

Yu'un li Muc'ul Dios, ja' li Dios cu'untique, bats'i ep xa laj yac'boxuc li avol anich'onique. Li' ta orae bats'i epoxuc xa jech chac c'u cha'al c'analetic ta vinajel ti mu stac' atele.

Hebreos 11:12

Jech ec li Abrahame ac'o me jun no'ox vinic, xchi'uc ac'o me xco'laj xa xchi'uc chamen ya'yel, pero jech to yepal ibol smomnich'nab jech chac c'u cha'al c'analetic, jech chac c'u cha'al yi' ta ti'nab ti mu stac' atele.

Apocalipsis 7:9

C'alal jech laj quile, ts'acal laj quil te oy epal cristianoetic liquemic tal ta jujun banamil, ta jujuchop sts'unubalic, ta jujun lum, xchi'uc ta jujuchop c'op. Bats'i ep ta jyalel, mu xlaj ta atel. Te va'ajtic yo' bu chotol li Diose xchi'uc ta stojol li Ch'ium Chije. Puru sac sc'u' slapoj scotolic, xchi'uc stsacanojic yanal xan.

Jueces 6:3

Li israeletique oy ono'ox c'usitic sts'unojic, pero li madianetic, li amalequetic, xchi'uc li cristianoetic te nacajtic ta stuq'uil sloq'ueb c'ac'ale tal slajesic scotol.

Jueces 6:5

Yu'un italic xchi'uc scotol xvacaxic, xchijic, xchi'uc scarpanaic. Bats'i ep italic jech chac c'u cha'al c'ulub; mu staq'uic atel xchi'uc li scamelloique. Jech ilaj yu'unic scotol.