Génesis 12:7 - Bible in Tzotzil de Chenalhó with Deuterocanon

⁷ Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Bible in Tzotzil de Chamula

⁷ Ti bu taje, laj yac' sba iluc ti Diose, ti xi laj yale: “Ti banomil li'e, ja' ta xcac'be yich' ti anitilultaque.” Va'i un, ti Abrame laj sva'an jun altar ta sventa yich'obil ta muc' ti Diose, yu'un laj yac' sba iluc ta stojol.

Génesis 12:7 Iomraidhean Croise

Génesis 12:8

Li Abrame ibat ta jun vits te ta xocon Betel ta stuq'uil sloq'ueb c'ac'al. Te la spas scarpana. Ti bu la spas snae, ja' ta smaleb c'ac'al xcom li Betele. Li lum Haie ja' ta sloq'ueb c'ac'al xcom. Ja' te lic spas yan scajleb smoton Muc'ul Dios li Abrame yu'un laj yich' ta muc'.

Génesis 13:15

Scotol li banamil chaq'uel batele vu'un chacac'bot. Ja' avu'un o xchi'uc amomnich'nabtac.

Génesis 13:17

Lican; bat xano ava'ay c'u snatil, c'u sjamlej li banamil chacac'bote”, xut.

Génesis 13:18

Ja' yu'un li Abrame la stitun batel li scarpanae. Bat nacluc ta toyolal tulantic yu'un jun vinic Mamre sbi, te ta nopol lum Hebrón. Te la spas jun scajleb smoton Muc'ul Dios, yu'un chich' ta muc'.

Génesis 13:4

Le'e ja' ti bu ono'ox la spasbe scajleb smoton Muc'ul Dios ta ba'yuque, xchi'uc ti bu laj yich' ta muc' li Muc'ul Diose.

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 17:3

Li Abrame la squejan spatan sba ta banamil ti c'alal chc'opanat yu'un Diose:

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Génesis 18:1

Li Muc'ul Diose laj yac' sba ta ilel ta stojol Abraham te yo' bu nacal ta toyolal tulantic ta Mamree. Ja'o te chcux yo'nton ta sti' scarpana ta o'lol c'ac'al.

Génesis 22:9

C'alal ic'otic yo' bu albil yu'un Diose, li Abrahame la spas jun scajleb smoton Dios. La slatsbe lec si'il. Ts'acal lic xchucbe yoc sc'ob li Isaaque; te la xmochan ta scajleb smoton Dios ta sba li si'e.

Génesis 24:7

Li Muc'ul Diose, ja' li Dios ta vinajel ti la sloq'uesun tal ta sna li jtote xchi'uc ta yosilal li cuts' calaltaque, xchi'uc ti laj yalbun ta jamal ti chac'be jmomnich'nabtac li banamil li'i, ja' ta stacbot tal yaj'almantal, ja' ba'yucbe ta xbat avu'un ta sa'bel yajnil li jnich'one.

Génesis 26:25

Ja' yu'un li Isaaque la spas jun scajleb smoton Muc'ul Dios, laj yich' ta muc' li Muc'ul Diose. Te lic spas scarpana; te inaqui o. Li smozotaque te lic sjoq'uic jch'oj joc'.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:4

Ac'o yac'bot achi'uc amomnich'nabtac li bendición ti yalojbe ono'ox li Abrahame, yu'un jech vo'oxuc yajvaloxuc chacomic li banamil li' yo' bu nacalutic ta ora jech chac c'u cha'al yanlum cristianoe. Yu'un jech ono'ox albil yu'un Dios li Abraham ti chcu'unintic li banamil li'i”, xut.

Génesis 32:30

Li Jacobe Peniel laj yac'be sbi li banamile, yu'un jech la snop: “Laj quilbe jba lec jsatcutic jchi'uc li Diose, pero muc xicham; cuxulun to”, xi.

Génesis 33:20

Ts'acal la spasbe scajleb smoton Dios, jech El-Elohe-Israel laj yac'be sbi.

Génesis 35:12

Li banamil ti laj cac'be li Abraham xchi'uc Isaaque, vo'ot xa chacac'bot ec. Ta ts'acale, ja' xa chcac'beic ec li amomnich'nabtaque”, xut.

Génesis 35:7

Te la spas jun scajleb smoton Dios. Li banamil tee El-Betel laj yac'be sbi, yu'un c'alal ijatov batel yu'un li sbanquile, li Diose te laj yac' sba ta ilel ta stojol.

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

Génesis 8:20

Li Noee te lic spasbe jun scajleb smoton li Muc'ul Diose yu'un chich' ta muc'. Te la stsac tal li lequil chonbolometic ti stac' ti'ele xchi'uc mutetic ti stac' ti'ele, jujucot ta jujuchop sts'unubal la stsac tal. Te la xchic' ta sventa smoton li Muc'ul Diose.

2 Samuel 24:25

Jech te lic spasbe jun scajleb smoton li Muc'ul Diose. Te la xchic'be, xchi'uc la smilbe smoton sventa ac'o co'oluc yo'ntonic xchi'uc. Ja' yu'un li Muc'ul Diose laj yich' ta muc' ti ic'anbat vocol ta sventa li chamel te ta yosilal israeletique, jech ipaj o li tsatsal chamel ta stojolique.

1 Reyes 18:32

Ja' la smeltsan o li scajleb smoton Muc'ul Diose. La spasbe sbevo'al ta joyob, ja' x'och jun anmul sbec' c'usi chloc' yu'unic.

1 Crónicas 16:16

Ja' li c'usi la xchapan xchi'uc Abrahame; ja' li c'usi laj yal ta jamal stuc ta stojol Isaaque.

1 Crónicas 16:18

ti c'alal jech laj yalbee: ‘Vo'ot chacac'bot li Canaán banamile; ja' apuculal osil chacac'bot’, xut.

2 Crónicas 20:11

Li' ta orae talem xa yac'bun jtojolcutic ta sventa ti muc xich'ic milele, yu'un talem scontrainuncutic, tal sloq'uesuncutic li' ta cosilcutic ti laj avac'buncutique.

2 Crónicas 20:7

Dios cu'un, vo'ot laj anuts loq'uel ta stojol ateclumal li yajvaltac banamil li'i; ja' laj avac'be o yu'uninic li smomnich'nabtac Abrahame, ja' ti lec ono'ox laj ac'opan aba achi'uque.

Esdras 3:2

Li pale Jesúa xnich'on Josadac, xchi'uc li xchi'iltac ta paleale, xchi'uc li Zorobabel xnich'on Salatiel, xchi'uc yan xchi'iltaque, lic spasic li scajleb smoton Dios sventa te chchiq'uic matanal jech chac c'u cha'al chal li mantaletic laj yal comel Moisese, ja' li yajtunel Diose.

Éxodo 17:15

Li Moisese la spas jun scajleb smoton Dios. “Li Muc'ul Diose ja' bandera cu'un”, xi sbi laj yac'be.

Éxodo 24:4

Ja' yu'un li Moisese la sts'iba scotol li c'usitic i'albat yu'un Muc'ul Diose. Ta yoc'omal sob ilic; la slatsbe jun scajleb smoton Dios te ta yoc vits. La sva'an yan lajcha'bej tonetic, jujubej ta sventa jujuchop israeletic.

Éxodo 32:13

Na'o me c'usi avalojbe ta jamal atuc li avajtunel Abraham, Isaac, xchi'uc Jacobe. Jech laj avalbe: ‘Ta xcac' boluc ep amomnich'nabic jech chac c'u cha'al c'analetic ta vinajel. Ja' ta xcac'beic comel amomnich'nabic li banamil laj calbote. Ja' yu'unic chcom o’, xavut ono'ox —xut.

Éxodo 33:1

Li Muc'ul Diose jech laj yalbe li Moisese: —Totsanic xa batel achi'uc li achi'iltac ti la jloq'ues tal ta Egiptoe. Batanic te ta banamil yo' bu calojbe ono'ox li Abraham, li Isaac, xchi'uc li Jacob ti chcac'be li smomnich'nabique.

Éxodo 6:3

laj cac' jba ta otquinel ta stojol Abraham, Isaac, xchi'uc Jacob vu'un ti “Ech'em Stsatsal”, xi jbie. Pero mu'yuc laj cac'be yotquinic ti ta melel ja' Muc'ul Dios jbie.

Éxodo 6:4

Jech noxtoc la jchapan ta stojolic ti chcac'beic li osil te ta Canaán banamile, ja' li osil bu i'ech' naquiicuc jayibuc c'ac'al jech chac c'u cha'al jch'om banamiletic no'oxe.

Jeremías 3:18

“C'alal me ic'ot sc'ac'alil le'e, li Judae jmoj chbat stsob sbaic xchi'uc li Israele, jech jmoj te ta xtalic ta norte te ta banamil yo' bu laj cac'be yich'ic li amoltot ayame'ic ta vo'onee.

Números 26:53

“Ti c'u yepal i'och ta vun sbiic li viniquetique, ja' me jech chich' voc'bel li yosilique.

Números 32:11

‘Scotol li boch'otic iloq'uic tal ta Egipto ti xlic ta jtob (20) sjabilalic c'alal ta moletique, mu'yuc ta xcac' chbat sq'uelic o c'u x'elan li banamil ti bu calojbeic ono'ox ta jamal li Abraham, Isaac, Jacob ti ta xcac'beique, yu'un muc j'ech'eluc jun yo'ntonic o ta jtojol.

Hechos 7:5

Pero muc x'ac'bat yich' yu'un li Diose; me jutebuc yav yacan muc x'ac'bat. Ja' no'ox i'albat ti ta xich' ta ts'acale, ti ja' ta xich'ic comel smomnich'nab ti c'alal chamen xa'oxe. Pero mu'yuc to'ox xnich'on ti c'alal jech i'albate.

Romanos 9:8

Jech chquiltic ti ma'uc ta sventa ja' mero smomnich'nab ta sventa sbec'tal ti ja' xnich'nab Dios chc'ote. Ja' no'ox mero momnich'naletic chc'ot li boch'o voq'uemic ta sventa ti jech yaloj Diose.

Gálatas 3:16

Ja' jech la spas Dios ti c'alal oy c'usi la xchapan xchi'uc li Abraham ta sventa jun smomnich'one. Muc jechuc i'albat “amomnich'nabtac”, muc xiuc sc'oplal, yu'un muc ja'uc sc'oplal scotol. “Amomnich'on”, xi sc'oplal, yu'un ja' sc'oplal stuc li Cristoe.

Gálatas 4:28

Ja' yu'un li vu'utique quermanotac, ja' jech c'otemutic jech chac c'u cha'al Isaac. Nich'onil lijc'ot ta sventa ti jech yaloj li Diose.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Deuteronomio 30:20

Ja' me c'anic li Muc'ul Dios avu'unique. Ch'unbeic li c'usi chayalboxuque, xchi'uc junuc avo'ntonic o ta stojol yu'un ja' te oy li acuxlejalique, xchi'uc ja' ta sventa xu' chacuxiic ep jabil te ta banamil ti yalojbe ono'ox ta jamal amoltotaquic ta vo'onee, ja' li Abrahame, li Isaaque xchi'uc li Jacobe”, xut xchi'iltac li Moisese.

Deuteronomio 34:4

Li Moisese jech i'albat yu'un li Muc'ul Diose: “Le'e ja' li banamil ti calojbe ono'ox Abraham, Isaac, xchi'uc Jacob ti chcac'be li smomnich'nabique. Jech ta jc'an ti ac'o avil ta asat atuc scotol li banamile, ac'o me mu'yuc cha'och batel li vo'ote”, x'utat.

Deuteronomio 6:10

“Li Muc'ul Dios cu'untique ta to xac' ochanic ta banamil ti bu yalojbe ono'ox ta jamal jmoltotic Abraham, Isaac, xchi'uc Jacob ta vo'one ti chac'bee. Ja' li jun banamil ti oy lec muc'tic lumetic toj c'upilic sba, ti muc vo'ocoxuc laj apasique.

Deuteronomio 9:5

Ma'uc ta sventa avabtelic, xchi'uc ma'uc ta sventa alequilic ti chavich'ic li banamile. Ja' ta scoj smulic ti chich'ic nutsel loq'uel yu'un li Muc'ul Diose, xchi'uc ja' chc'ot ta pasel ti jech ono'ox yalojbe li jmoltotactic ta vo'onee, ja' li Abrahame, li Isaaque, xchi'uc li Jacobe.

Hebreos 11:13

Scotolic le'e oy xch'unojel yo'ntonic c'alal to ichamic. Mu'yuc to yich'oj c'alal ichamic li c'usi albilic ono'ox yu'un Dios ch-ac'batique. Pero yilojic xa batel ta nom laj ya'yic, xco'laj xa xchi'uc staoj laj ya'yic. Jech jamal laj yalic ti jelovel no'ox chjelovic li' ta banamile, ti muc ja'uc mero slumalic oe.

Hebreos 11:8

Ta sventa xch'unojel yo'nton li Abrahame, jech la xch'un ti c'alal i'ic'at yu'un Dios sventa ac'o batuc ta banamil yo' bu ch-ac'bat yu'unin ta ts'acale. Jech iloc' batel, ac'o me mu sna' bu chbat.

Josué 1:6

Tsotsan me, oyuc me lec stsatsal avo'nton, yu'un vo'ot chavoc'be yosilic li achi'iltaque yu'un ja' yu'unic o, jech chac c'u cha'al calojbe ono'ox li amoltotaquic ta vo'onee.

Josué 22:10

C'alal ic'otic ta ti' uc'um Jordán ta yosilal Canaán li jchop liquemic ta Rubén, ta Gad, xchi'uc ta Manasese, la slatsic scajleb smoton Dios; lec muc' la spasic.

Josué 8:30

Li Josuee laj yac' ta pasel jun scajleb smoton Muc'ul Dios te ta vits Ebal.

Jueces 6:24

Ja' yu'un li Gedeone lic spas jun scajleb smoton Muc'ul Dios. “Li Muc'ul Diose ja' chac' jun o'ntonal”, xi sbi laj yac'be. Li scajleb smoton Muc'ul Diose te to oy o tana ti bu Ofra sbi li banamil te ta lum yu'unic li jchop abiezeretique.

1 Samuel 7:17

Te isutilan batel ta Ramá yu'un ja' te nacal. La xchapan noxtoc li israeletic te ta Ramae. Te la spasbe jun scajleb smoton Muc'ul Dios.